ظليت كاعده خاله ايدي على خدي البيت هدوء حتى صوت هدى اختفى
محسيت الا و غفيت تعب ونعاس وخوف جانت كل امنيتي احس بالامان
دخلن كعدني البنات كل عاده فاطمه مسويه عشه وجايبته ميتعشن عند الناس اوقات يجيبن الاكل الي يزيد منهم اتكول مياكلون اكل بايت ونعمه وخير ليش نشمره اتجيبه وياها
ورشا كاعده علي صفحه ضاربتها صفنات
فاطمه / كومي مينا تعشي وتعالي سولفيلنه شنو صاير اليوم ومنو جاب هدى
كعدت سولفتلها لحد ما وصلت للمره
فاطمه / يا اصخام بوجهك حسن يمكن وكعولها طفلها واني اكول شنو تقصد ام سلول من اتكللها هاي الطفل وخلصنه منه
ويا ما جانت تحجي فاطمه شفت رشا بسرعه التفتت عليها واللكمه ظلت بحلمها بس اهذتها صفنه على فاطمه
شويه وكوه بلعت لكمتها الا حجت
رشا / شنو يعني قصدج بوكعولها طفلها
فاطمه / اي سمعت ام سلول دتحجي وياها بس ما فهمت هسه من مينا كالت اجت مره فهمت موكعيلها طفلها لعد شعبالج حسن راح ياخذه بحضنه ويكول ولدي فلذت كبدي
نكتت ايدها رشا وكامت من الصينيه
اني وفاطمه ثنينه دخلنه بدوامة شك وخاصه بعد ما ظلت تبجي اتاكدنه
فاطمه / رشا طمني گلبي وكليلي الي ببالي مو صح
شمرت روحها بحضن فاطمه وظلت تبجي شفت فاطمه لطمت علي خدها ودفعتها
فاطمه / لج ليش هيج ليش اشكد حذرتج ااخ منج رشا بشنو وكعتينه
/ فاطمه صوتج مو هيج تنحل الامور لحد يسمعج ويجون مالنه خلكهم
فاطمه / انتي مستعوبه اذا عرفو شنو يسوون بيها
/ اي مستوعبه وخاصه بعد الشفته هاليوم بس ميخالف صبر شويه خلي نفهم
باوعت على رشا وسئلتها
مصطفى مو هزت راسها باي
انزين عرف بهاي المصيبه
رشا / لا لان اني الصبح من دزوني اجيب خبز مريت جبت تحليل وحللت محد يعرف لحد هسه
/ باجر من تشوفي كليله هو يشوفلج حل بهاي المصيبه
فاطمه / ضحكتيني مينا اهواي لج كل عقلج شتتوقعين راح يرحب ويكللها ام جهالي لج هو حسن المهتلف ما اتقبل طفل من هدى هذا ابن الحسب والنسب يتقبل من رشا
/ اهوو فاطمه هاي انتي كلتيها حسن المهتلف وذاك ابن ناس وعالم واذا رفض انفضحه فضيحه
فاطمه/ اتفضحين منو هو محامي واخو ضابط وابن عمه ضابط وعمه لواء وابوهم رائد ولج العائله كلهم ضباط ومحاميين وقضاة
أنت تقرأ
اولاد الشوارع
Actionنحن من جارت علينا الحياة ونبذنا المجتمع واستغلونا اصحاب النفوذ نحن اولاد الشوارع
