مشاعر جديده نولدت بيني وبين زيد
ظلينه بهذا البيت وجانت النيه منطول بس طولنه لان مشفنه مكان امن وزيد جان كلش قلق من ابو ماهر فما يكدر يجازف صار النه بي شهر
وفلوس الذهب قربت تخلص وزيد كال لازم اشوف شغل بس ببغداد ما اكدر
ضياء يعرف واحد يشتغل سماوه بغداد كال اشوفه يدبر النه سالفه هناك
/ زيد فدوه لازم نستقر بمكان تعبت اني هاي صار النه سنه متهجولين من مكان المكان
زيد / فداج عيون زيد بس صبري عليه لخليج تنسين كل هاي الايام وعد رجال
دنكت مستحيه جنت كلش فرحانه بي
زيد دائما يباوعلي ويتحسر ودائما يكلي يا خوفي من شنو خايف ميرد عليه
جانت الدنيا عصر وضياء يومين ممبين
دخل هو وهاشم جنت داسوي جاي
زيد يضوج من هاشم دائما يكلي من تشوفي دخلي داخل ولا تلتقين بي ابد
خليت الجاي الهم ودخلت للغرفه
ضياء / زيد ابو ماهر كالبها للدنيا على مينا لازم خلال هاليومين نطلع منا
زيد / اني متكل عليك ضياء تعرف هو ابو عيسى وابو شاكر جنت اعرفهم وهسه خجلان منهم حتى استحي اروح للبصره
ضياء / اي هذا علوش گال باجر اردلك خبر اكيد ميه بالميه واذا ماكو نطفر اربيل
هاشم / ليش عدكم معرفه باربيل لو هيج
ضياء/ لا هيج انروح على الله بس على الاقل هناك محد يعرفنه
هاشم / الله يسهللكم اني اتر خص شباب اخذو
راحتكم
مجرد طلع هاشم اجيت اطلع بس سمعت زيد يحجي على ضياء
زيد / يا اخي لويش تحجي كولشي يمه ما اثق بي اني شنو ضياء انت ليش متتعض شبيك متكلي
ضياء/ على كيفك زيد الرجال مخلينه ببيته صار شهر لو يريد من زمان دله علينه وجان هسه احنه بدجله طافيه جثثنه لتصير حساس من كل احد
/ يا اخي ما ارتاحله بعد مو كلشي تحجي يمه و سالفة السماوه خليها بينه اذا صارت كول مصارت وراح نتوجه لاربيل والسلام وحتى صاحبك علوش وصي
/ يا به تمام هسه عوفك من هالحجي وتعال اعرفك بالجديد
/ غرد اسمعك
ابو ماهر يعرف اهل مينا وهمه حيل ثكال وسمعت بالدوله وهالسبب راد يقتلها وميخليها توصل الهم لان اذا عرفو يمحو محي هو والملاهي مالته وشغله هم يروح
/ صدك تحجي ناس ثكال يعني مسؤلين او شنو
/ هيج سمعت متحفضين على اسم اهلها هاي البنيه اشكد حاولت اتكول خفت يشكون بيه اشكد مسئلت هذا الي كدرت تعرفه ناس كبار وابو ماهر خايف توصل لاهلها ويمحونه
أنت تقرأ
اولاد الشوارع
Aksiyonنحن من جارت علينا الحياة ونبذنا المجتمع واستغلونا اصحاب النفوذ نحن اولاد الشوارع
