اجو بيت عمو سعدون سلمو وعمو سعدون راح لبيت مصطفى ديصيحه عود يسوون صلحه
دخلو وكاعد رامي ووسل وامها
وراح كملوها وصاحو جلال ومراضي يجي بس ابويه وامي وفاتن اجو رحت بوسته وهو هم باسني براسي سئلني عن صحتي وعافيتي ابويه دائما يبلس اللبس العربي غتره بيضه وعگال اشوفه هيبه بطوله وعرضه مشايفه هيج اني شي فخر لكل بنت
جان الكل تقريبا ملتمين عدا جلال صاحو سلام وراضوهم هو ومصطفى
خلينه العشه وخلصنه اني بس خلصت المطبخ طلعت للبره غسلته وصعدت فوك سبحت ونزلت عمي سعدون شافني اشرلي تعالي هنا يمي
ما اطيقه بس اكول عيب
سلام كباله كاعد
سعدون / هسه انحلت مشكلة سلام ومصطفى نتوجه المشكلة سلام و مينا
كلها التفتت علي
اي سلام ليش مواصل المرتك لهسه مو حرام راح تحرم عليك وتصير اختك
عيوني راحت على سلام لو اطك علي بيضه بوقتها تستوي يمكن من النار الي شتعلت بي
طفر عمو ابو سلام
/ لك مو عيب عبالي رجال تالي المرتك مواصل
رامي/ دنطينه مجال يا عمي يمكن هيه متريده
سعدون / وهيه بكيفها غير هو رجال لازم يكسر ضهرها لو ما قبلت
ليلي/ لحد يظلم ابني منو كال مواصللها بس شتردونه يكول مو بنيه بلعها وسكت مو انت يا سعدون ردته يستر عليها
سعدون / بس هيه كالت اني مبيه شي المفروض اما يطلع كذبتها او برائتها هذا شلون حجي
جنت كاعده بنص الصاله حسيت رجليه متشيلني
وخاصه من اشوف سلام ايدي ظلت ترجف من الاعصاب
وعينه كله علييه ميلتفتت عليهم ولا يجاوبهم
علت اصواتهم وكل واحد منهم بحجايه
ظليت ادور علي تحرير بالوجوه بس شفتها هزيت راسي الها عيوني مدمعه اريدها تنقذني من هالموقف
اجت يمي تحرير كومتني
سعدون / وين ماخذتها بعدنه دنحجي
تحرير / هيه شعليها هذا الموضوع ينحجي ويا سلام
سعدون / اتركيها بله تعالي عمي مينا سؤال وجاوبيني
انتي مانعه زوجج عنج احجي
افترت بيه الدنيا اريد بس اطلع عصرت ايد تحرير حيل
مصطفي/ عمي يعني انت شتشوف سلام تكدر اتمنعه احلفك بالله
سعدون / هيه وحده من الثنين لو هو مو رجال لو هيه مانعته السبب متريدنه نعرفه
أنت تقرأ
اولاد الشوارع
Actionنحن من جارت علينا الحياة ونبذنا المجتمع واستغلونا اصحاب النفوذ نحن اولاد الشوارع
