الحياة مو منصفه دائما اتدخلنه بدهاليز القدر نطلع من حفره ندخل بالثانيه
بعد ما اتخلصت من حياة الشارع وكلت الدنيا ضحكتلي ولكيت اهلي وراح اعيش حياة طبيعيه ام اب اخوه
بنص ساعدتي قابلت العم الاناني الي يستعار من ماضيي وخايف من كلام الناس ....
/
سعدون / سلاااام راجع نفسك وفكر بكلامي انا اريد مصلحت العائله
سلام / انساااا ولا تحجون بيها لك جلال شو ساكت
جلال/ شحجي هو عمي ناطينه فرصه نحجي انشوف الوضع اختنه كلها امس عرفناها اليوم يريد يزوجها
سلام / وانت هذا الكاتلك يعني من يصيرلها شهر عندك عادي
صفك بيده وصاح عجيب عليكم راد يطلع ولزمه مصطفى
مصطفى / يا اخي دكعد ليش شارد خلي انحلها
دفع مصطفى وكعد يهز برجله
سعدون / صيحو للبنيه خلي نسمع منها
فاتن بسرعه سدت الباب ورجعنه للغرفه كعدنه عود لا فاتحات الباب ولا شفنه ولا سمعنه
دخل جلال صاح عليه كضني من ايدي
مينا اياج اتوافقين
وباسني براسي وطلعنه
سعدون / تعالي عمي تعالي كعدي هنا
مصطفى / دنطيها مجال اتسلم تحجي
سعدون / مو غربه احنه تعالي عمي هيه كلمه ورد غطاها
سلام ابن عمج خطبج شتكولين
سلام / عفوا منو خطبها شو انت تحجي بكيفك
سعدون / ولك سلام السانك لا اكصه مو عبالك كبرت عليه
وكامت العيطه وجان تدخل مره لابسه جبه وعشر كيلو ذهب
ام سلام / وينها وينها الي تردون اتشمروها براس ابني
ولك سعيدان ما لكيت غير المعثر الماعنده حض تسترون شرف بتكم براسه
طلعت عيوني بره عيوني راحت على جلال طفر من مكانه ومصطفى جره يحجي ويا وعمي سعدون رد عليها والجو شتعل
عطت بيها
/ ومنو كالج اني اريد ابنج منو كال اني ميته علي انتي منو وهو منو اني دورت على ام اب اخ اخت عمام شنو يعني معرف
تصبح على خير يابه
وعفتهم ورحت للغرفه
سعدون / شفتو اني ليش اريد انطيها السلام البنيه اتريد خيال والا احنه منين النه بنات يحجن هيج
اجت فاتن وراي بس دمي يغلي وايدي ترجف
فاتن / لتهتمين الحجيهم هاي من قهرهم والله
/ سكتي فاتن گلبي ظل ياذيني شلون عدهم هين يحجون بالشرف ونزلت دموعي
اجت حضنتني وتهدي بيه
أنت تقرأ
اولاد الشوارع
Actionنحن من جارت علينا الحياة ونبذنا المجتمع واستغلونا اصحاب النفوذ نحن اولاد الشوارع
