من حجه ويانا والسايق خازرنه و يحجي بالتليفون اباوع رائد مموجود
كل الي اجه ببالي زيد دعيت بگلبي ربي لتحرمني من شوفته
درت على كناري بس باوعتلها نزلت دموعي رحت لزمت ايدها كومتها
شاورتني
/ مينا ركزي وياي شنو اسوي سوي انتي مثلي
/شنو ما فهمت
ما ردت عليه شي وصلت يم الولد وهيه صرخت
يبوووي لحكونه
هو يريد يسكتها وهيه زادت عياااط واني ظليت اباوعلها مصدومه ولزمتني الضحكه هيه خزرتني وزاددت انوب تاشرلي براسها
سويت مثلها وهم يبووو لحكونه
التمت العالم علينه بس يتفرجون محد يجي يفكنه منه هاي لو ببغداد يمكن ملخو تملخ بس هنا ماهذين دور المتفرج
عدا رجال كبير ادخل السايق اجه يسحل كناري واني هذا الحايط يسحلني ويتوعد ويصيح بسيطه
قربت ايئس شفتهم ماخذينه للسياره خلصت وحتى الرجال معرف شنو حجو ويا بالكردي وبتعد من عدنه
كناري مستمره تدفع وتصرخ اني هديت شويه ظلت دموعي تنزل وبگلبي داحجي ما مقسوم اشوفك زيد
اتقرب يمي الخسيس كال تدرين الي سويتي من صالحي اجت ست مياده كالت جيبها وخليها يمك اشكد متريد
رفعت راسي بوجها غمزلي وكالي صرتي الي يحلوه
اتخبلت من صدك هالمره شرمخته بوجها وعضيته وملخت شعره واعيط لو تمووت انت وعجوز البين
كناري ظلت مصدومه عليه شافتها صارت صدك والسايق استغلها فرصه دفعها للسياره وسد الباب
السايق عاط بهالكلب لك دجيبها ايد لازمني وايد مخليها مكان العضه عضيته مره الثانيه فلتت من ايده ورحت ادفع بالخسيسين الي ديتفرجون علينه
اكو يم المحلات سندانات زرع اخذت وحده ثكيله
متنشال بس القهر زرع عندي قوه من شافها بيدي رجع وره يصيح عقلي وكلشي ينحل شمريها من ايدج يبنيه رفعتها باعلى ما عندي وشمرتها بالجام اتفلش السايق وخر من الباب نزلت كناري شمرت روحها بالارض وجان نسمع صوت سياره شخطت يمنه ويدك هورن قووي كلها التفتت سياره سوده مظلله عرفته رائد الغبي
/ روحي كنااري للسياره
اخذت السنادانه و واكفه اعصابي تلفانه خافو مني الحقراء
لج كناري وولي داكول
راحت ركضت للسياره واني شمرت عليهم الكسره مال السندانه اجت بوجه العار معرف وين ضربته بالضبط بعينه خشمه بس شفت الدم بين اصابعه والسايق التها بيه
رائد دك هورن صحيت على روحي لان صفنت للحظات داستوعب اني شسويت
بس برد گلبي من شفته هيج رحت اركض للسياره صعدت
أنت تقرأ
اولاد الشوارع
Actionنحن من جارت علينا الحياة ونبذنا المجتمع واستغلونا اصحاب النفوذ نحن اولاد الشوارع
