فتحنه بابا السياره سويه وونزلنه واجت بصفحتي كناري ورحنه دنريد نركض بناحيه المطعم بس طلعو ماعت غزلان شفناهم وغيرنه اتجاهنا
المطعم جان مسافه بعيده عن السياره حتى لو نعيط محد يسمعنه
واكيد هيه وكفت السياره لهاي السالفه
ركضنه بالناحيه الثانيه وشفنه رمانه لاحكتنه كناري كالت لتوكفين كملي تنلزم وحده منه ولا ثلاثتنه
ركنه ركض وحراس غزلان ورانه يركضون
دخلنه بين زرع خفنه نضيع وحده من الثانيه
اجت كناري لزمت ايدي
/ ابد لتعرفيني مينا تمام
هزيت راسي ومستمرين نركض
كلشي منشوف بس زرع وصوت رمانه ورانه اتصيح وينجن بنات
وصوت الحراس
/ كناري خلي انزل راسنه ونمشي بذاك الاتجاه اكيد حيطلعون كبل
صدك نزلنه راسنه ومشينه بهدوء بس وحده تسمع دكات گلب الثانيا
هو هم الشياطين ورانه وهم رمانه گلبي عدها خطيه والزرع يخوف عالي وعبالك مهجور
سمعنه صرخة رمانه بصوت عالي
وكفنه شويه اني وكناري وحده اتباوع بوجه الثانيه كعدنه بمكانه دننتضر نسمع صوتها دعيت كون ما لزموها
صارت لحظه هدوء عجيب
هيه لحظات بس وصار صوت اطلاق نار ثنين
خليت ايدي على حلكي باوعت الكناري هم خايفه مثلي رادت تحجي اشرتلها اش
الي ببالنه نفسه معقوله قتلو رمانه
صاح علينه صوت عالي
/ اعد للخمسه اذا ما بينتن طولجن تنقتل صاحبتجن
ووااحد
طكيت على راسي عصرت ايد كناري الحل شنو
ثنيييين
باوعتلي هزت راسها بمادري
ثلاااثه ورمه طلقه
ياا ربي اشلون
اررربعه
/ اني راح اطلع مكدر اتحمل تنقتل بسببي كناري انتي كملي طريقج
خمسه
كمت وكفت شفته حاضن رمانه وخال مسدس براسها وهيه ترجف وتبجي والثاني واكف وره
/ صاحبتج وين
ملحكت احجي داكل معرف بيها وين كامت كناري طلعت
باوعتلها وغمضت عيوني ليش خربت على نفسها
اجه صاحبه اخذنه دفع وطلعو ثنين من الزرع صارو ورانه حوطونه
أنت تقرأ
اولاد الشوارع
Actionنحن من جارت علينا الحياة ونبذنا المجتمع واستغلونا اصحاب النفوذ نحن اولاد الشوارع
