اتخبلت من تصرفهن ظليت واكفه بباب المخزن و ادك صوتي راح وماكو شريفه بيهن اترد عليه
لحد مسمعت صوت عمي يعيط شكو شصاير واسمع ليلى اتكله رادت تنهزم وحبستها
خبلتني بالزايد اسمع عمي يعيط ذبحها على ايدي شنو شمر عليه علي وبلاني
خفت لا صدك يسوونها ويضيع حقي
ظليت كاعده مصدومه من تصرفهن لحد ما مشه الوكت واجه سلام
وهم سمعت عياط بس بعيد ما فاهمه شي صوت سلام يرج البيت رج خفت منه كلت شنو وصلله من حجي
بسرعه فتح الباب عليه وطلعني صاح امشي فوك صعدي
ظليت اباوع علي منتضره يضربني هيج توقعت
عاط صعدي ليش واكفه
رحت ركضت اصعد ومرتين عثرت على الدرج
اريد بس اوصل للغرفه واقفل الباب
صعدت للغرفه وقفلت الباب عليه وخليت ضهري ممصدكه اني هسه بالغرفه اتخيلت سلام يذبحني على كلام امه
ظليت اتنفس سريع حيلي انهد كعدت بمكاني وحاضنه راسي ابجي بصوت عالي وادعي عليهن ربي يحركهن حرك
العياط بالبيت مستمر وحته صوت زهره سمعته
فتره الاصار هدوء شويه وسمعت صوت حذاء يتقرب من الباب اندك الباب على كيف
سلام/ مينا افتحي الباب ليش قافلته
كمت وكفت خفت افتحه اتقربت يم الباب وحجيت
/ سلام والله ردت اروح بيت تحرير لان مللوني والله صدكني
/ فتحي مراح اسويلج شي وعد
جريت نفس وفتحت الباب
دخل باوع للغرفه و وسع عيونه
/ هاي شمسويه
درت وجهي واشوف الغرفه منفوشه نفش سارلي ساعه كاعده ولا انتبهت الها هسه لو كتله مو اني يصدكني
/ مدري سلام اذا كتلك مو اني شتكول
/ بيج انفصام انتي صار ساعه وحدج هنا منو يعني يسوي هالشكل
رحت كعدت على الجربايه محجيت لان مستحيل يصدك مو اني
اجه كعد يمي
/ شنو صار الي خلاج اتلمين ملابسج وتطلعين واني ما ادري
كعدت سولفتله من الالف للياء
/ سوالف مال بيت انتي والبنات طبجن مرض هنه يحجن وانتي دتردين و وحده ماخذه حقها من الثانيه
بس يا مينا لو فكرتي تخطين خطوه بره البيت واني ما ادري شاربي مو عليه اذا ما فصمت ظهرج بليبيت معليه بس لو طلعتي اطلعج من جوه الكاع وارجع اطمج
أنت تقرأ
اولاد الشوارع
Actionنحن من جارت علينا الحياة ونبذنا المجتمع واستغلونا اصحاب النفوذ نحن اولاد الشوارع
