اولاد الشوارع

الثاني والثلاثون ....

كناري / مينا اني خايفه كله يتصورلي اشوفهم بوجهنا وخاصه هذا الي طيرتي عينه

/ لا تتصورين حبي ولا تستبعدين كلش عادي اصلا انشوفهم بس احنه هم غلط نمشي هالشكل بالشارع

/ لعد شلون نمشي على اربع رجلين

/ دمشي يلصخله اقصد ممغطين وجهنا وممغيرين ملابسنه

/ تعالي انشوف محل نشتري منه عبايات ونقاب بس هاي لازم مدينة الكاظم

/ دمشي نصعد كيات اذا تندلين اني مرايحه هناك

وكفت كناري بمكانها باوعت عليها شبيج

/ مينا انتي عمرج مرايحه للامام

/ يا امام
استغربت من سؤالها يا امام تقصد وليش اروحله

كناري / امشي مينا امشي

صعدنه كيات ورحنه للكاظم دخلنه محلات نشتري عبايات ونقاب

وكفت كناري كبال الامام بالاول معرفته بالتالي هيه كالت هذا ضريح الامام الكاظم

كلتلها خلي ندخل لان شفت العالم تدخل
مقبلت ظلت تبجي بحرگة گلب اتكلي باي وجه اروحله اني ممفتهمه شي بجيت وياها لان شفتها مقهوره وتحاجي كانها اتحاجي شخص واكف گبالها

كناري / مشتاقه ازورك مولاي بس وصخه مو مثل قبل اكدر ادخلك ما استحق ادخل هالمكان الطاهر بس اريد اشكيهم الك اذوني نجلاء وراضي وخوله حوبتي منك اريدها اطلعها بيهم يا مولاي ذبوني وشمروني بقذارات وانت تعرف اني عمري ما سويت شي غلط

وحجت وعاتبت اهواي لحد ما ملت

من شفتها هيج اني باوعت للكبه كتله ما اعرفك ولا يوم احد حاجيلي عنك و اول مره اجيلك واطلب منك يا الامام اذا عندي اهل اجمعني بيهم

نزلت دموعي واني مجرد اتخيل اشوف اهلي
حسيت ايد كناري خلتها على كتفي

/ تلكيهم وعد دام اجيتي عند باب قضاء الحوائج عند الله ميقصر ابو الجوادين

يلا مينا الدنيا ليل راح تصير ودينه يم زيد مالج خلي انشوف وين تصفى

مسحت وجهي و اتوكلنه هم صعدنه كيات ورحنه للمنطقه بالطريق ظلت تحجيلي اشلون حانت دائما اهلها يجيبوها هنا بس من امها اطلكت وابوها ااتزوج حياتها انگلبت
كناري جانت عايشه ببيت ام واب ودفو وجانت تدرس يعني حياة اني حتى ما احلم بيها ويمكن الف بنت تتمناها بس للاسف كلشي اتغير بحياتها وعرفت هذا سبب قوتها

دخلنه للمنطقه ونزلنه من الكيه ودخلنه بين البيوت

شويه تاهت عندي لان كلها زرع واني مره دخلت و مره طلعت ظليت امشي وره ذاكرتي لحد ما قربت اتذكرت اي هاي البيوت بس وينه الي جنه كاعدين بي