كاعده يم دينا جانت داتدرس شمس وادم كاعد يمي
دينا / مينا اريد اكولج شي بس لتفهميني غلط
جنت مركزه بالحروف وداتهجئ
/ اسمعج كولي
/ خليني اعلمج تقرين وتكتبين شوفينه كلنه كُليات بس انتي متعرفين تقرين وهذا مو انتقاص ابد اني حبيت اساعدج والله فاذا تضوجين عادي بلاها اعتبريني محجيت شي
/صبر صبر شبيج اكلتيني اصلا بالعكس اتمنه اتعلم اكتب اني هسه اعرف اتهجئ بس الكتابه كلش صعبه عليه
/ صدك والله يعني مضجتي ياابه ادللي كل جمعه نقره فد كم كلمه ونحفظ
فرحت حيل من دينا كالت هيج اني احس روحي اكو نقص عندي
خلصت دينا من شمس وراحت غسلت ونامت واني حضرت ملابسها وكويتهن
من اني اتقربت يمهم اهواي نفسيتهم انعدلت بس بعدهم يخافون من ابوهم ومن يسمعون واحد يعيط
ظلت شغله مضوجتني هو معدهم مكان ينامون بي يعني يم دينا وهيه تسهر تدرس والضوه مفتوح عليهم وادم مينام يظل بس يبجي
ويخاف ميقبل ادخله وياي للغرفه يخاف من سلام
ما شفته بيوم احتواهم ولا بوسهم هاي بس يسئل شمحتاجين ويطلع
مشه اسبوع اني سلام علي كد شغلي ويا احضرله كلشي معلي كل نقص ساعات انتبه علي يدور الزله حتى يتعارك ما اخلي
وحتى ليلى ظليت البسها من تحجي اريد اخلص من السانها
مشاكلها ويا رسل هامله زوجج هامله ابنج ويعيطن بينهن اني اخذ ادم وشمس واطللع
اوقات اروح يم تحرير اذا سلام مموجود اوقات فوك بالغرفه
اجت ببالي فكره الغرفه الي بصف غرفتنه لزك كلش اسويها للجهال
خليت ليلى طالعه هيه ورسل يتسوكن
البنات بالدوام سلام محمد عمو محد بلبيت بس اني وادم
صعدته يمي بغرفة دينا فتحتله افلام كارتون ونطيته حلويات وطلعت للغرفه الي بصفنه
عزلتها صعدت الاغراض البيها كلهن فوك بالبيتوونه الطابق الثاني
انكسر ظهري
غسلت الغرفه وجبت افراشات خليتلهم
شغلت بيها الهيتر ودفت ظلت ملابسهم اشلون و وين اخليهن
لحد ما رجعو اني مخلصه كلشي ومكلت الاحد خليتها مفاجئه الدينا بس سمعت صوتهن نزلت اني وادم
بسرعه اخذت منها المسواك وبلشت بالطبخ جايبه ملابس الادم ودتقيسهن علي
ليلي/ اي راح تجي امك اتشوفك كاشخ وحلو يصيرلها واهس اتوافق وتعيش بحضن امك وابوك
أنت تقرأ
اولاد الشوارع
Actionنحن من جارت علينا الحياة ونبذنا المجتمع واستغلونا اصحاب النفوذ نحن اولاد الشوارع
