اليوم زيد اجه قبل موعده بس دخل اتعاركت ويا لان قافل عليه الباب ودخلت للغرفه وقفلت الباب عليه
وهاي جانت مني تمويه حتى يظل فتره عباله اني بالغرفه وميطلع بسرعه يدوو عليه بس دخلت للغرفه بدلت ملابسي واخذت فلوس وياي وتخضرت
مجرد سمعته دخل للحمام طلعت على كيف قفلت الباب مال الغرفه وخليت المفتاح جوه القنفه
طلعت بس سديت الباب ركضت بدون ما التفت وراي
جانت ببالي بس الطريق الي دخلنه منه بس بوقتها جان ظلام اجينه ليل
ركضت كبل ببالي الدربونه الي دخلنه منها الي يكطعها جسر هيه مجرد اتعده اطلع للعام
تعبت ظليت مكدر اركض گلبي ظل ياذيني كعدت بين الزرع ارتاح شويه
بدت اتظلم الدنيا
اني شلون مجبت وياي مي
ارتاحيت شويه وكمت نكتت ملابسي ورحت اكمل بس ما ركضت هالمره امشي سريع و اتلفت
خوف وضياع وشويه امل بس اوصل هناك اشوفلي لعبه اطلع رشا خو ما اخليها
صارت كلش ظلمه وبس صوت الكلاب ينسمع شفت اليه غصن مال شجره اخاف يطلعي واحد منهن اخوفه
واني دامشي شفت ضوه بعيد معرف بيت او شارع
رحت امشي سريع باتجاه الضوه اتقربت يمه شفت بيت بس من سعف مبني
ظليت افطر اروح يدلوني لا اخاف يطلعون يعرفون زيد او مو خوش اوادم او يعرفون ابو ماهر
شهالورطه
دافكر وبالي مشغول اروح لو لا اقدم خطوه و ااخر خطوه
فجائه سمعت صوت من وراي
/ شمطلعج بهاليلي يحرمه
نشف دمي وكفت بيه الدنيا خفت حتى التفت كلت هاي هيه مينا انلزمتي
/ مو احاجيج شمطلعج لزمني من كتفي ودارني عليه
بيده ضوه هو قلص عيونه يباوع عليه
منين انتي يبنيه
انشل لساني محجيت ولا حرف خفت منه منين طلعلي
جرني و وداني الهذا البيت السعف دخلت لكيت كاعدين زلم ثنين
متت بدمي هنا بعد مبيها مجال
/ الله يخليك خليني اروح وين جايبني
/ عبيد منين هالبت جبتها يا رجال
/ لكييتها واكفه تباوع للعشه اسئلها ما ترد
خلوها هنا بين ما اصيح للشيخ
صارت بيها شيوخ
كام واحد منهم اتقرب مني
/ انتي من بيت طارش
رد صاحبه علي خاف من بيت انويصر الناقص
أنت تقرأ
اولاد الشوارع
Actionنحن من جارت علينا الحياة ونبذنا المجتمع واستغلونا اصحاب النفوذ نحن اولاد الشوارع
