تحرير حللت وطلعت حامل وصادف ويا نقلتهم للبيت الجديد
بس نقلو العمال الاغراض رحنه اني وفاتن انساعدها
دخلت علينه دينا سلمت ما رديت عليها
وضجت من وجودها كله
رحت صعدت انظف فوك وكلت مريد احد يجي يمي رجاء
فاتن / اخذيني وياج مينوو
اجت وياي ونظفنه غسل ومسح وترتيب
لليل ظهرنه انكسر دخل مصطفى جايب اكل جاهز ويا
وصاح علينه
نزلتنه اني وفاتن ملكينه دينا فاتن سئلت عليها تحرير كالت راحت بس رتبت المطبخ طلعت
رجعنه الشقة بلال ويوم ثاني عود نرجع انكمل البقيه
نمنه تعبانين
والصبح هم كعدنه ورحنه للعصر دخلت امي و وياها رمله
موصلهم جلال للباب ورايح مداخل
بنيه حلوه وحبابه ومن تسمع اسم جلال تطفر تحرير وفاتن مسوياتها فلم خطيه لان فقيره
هم ساعدتنه وامي كل شويه اتعيط بيها اخاف حامل وخايفه عليها
اتذكرت ليلي شنو جانت اتسوي بيه
لليل كلشي خلصنه البيت صار جاهز حتي غرفتهم عدلناها وامي وتحرير رتبن الملابس الاشياء الثقيله جانت عليه اني و فاتن ورمله ايدها ويانه
هم دخل مصطفى وهاي احلى لحظه من يدخل وبيده الاكل
/ تدري صوفي دخلتك شحلاها وانت بيدك هالعلاكه
مصطفى / لا يا ام كرش دتعالي اخذي من ايدي وسويلنه جاي
/.يابه مو تدلل رحت اخذت العلاكه واجت فاتن
/ هلوو عيني لا اتامن البزون شحمه وتركض وراي واني اخذت العلاكه للمطبخ طايره ونضحك شلون لحظات حلوه جنت مفتقدتها
سوينه الجاي وحضرنه كلشي ودنقله للصاله اني وفاتن
دخلت وجان اشوف بوجهي سلام
بس شافني طفر هاي وين جنتي
ودار وجها على مصطفى خزره
سلام/ لك هيه هاي خوتك اني ادور عليها وشايفني مثل المخبل تالي تطلع ببيتك
مصطفى / هاي انت كلتها مخبل شلون اتريد ادليك مكانها وبعدين مو ببيتي هيه عد بلال
سلام/ لك يا بلاال مصارله شهر وهيه من شهرين ماكوو
دار عليه وعاط ووين جنتي بيا كوا........ ويا مگـ.........
/ عياطك ميخوفني دور وجهك واطلع منا و وين ما جنت جنت اني حره
أنت تقرأ
اولاد الشوارع
Aksiyonنحن من جارت علينا الحياة ونبذنا المجتمع واستغلونا اصحاب النفوذ نحن اولاد الشوارع
