سمعنه صرخه طفرنه نركض رحمه لازمه عينها وتصرخ وامها بينها وبين زيد ومروه واكفه تبجي على صفحه
وكناري بباب غرفتها
راح ضياء دفع زيد وحجه علي طلعه بره
و جاب سياره وصاح على ام رحمه وبتها ومروه صعدهن بيها و دفع كروه وراحن
سمعته يحاجي زيد تعال ادخل زيد مقبل شويه ودخل ضياء يباوعلي ويهز براسه
اه منجن نسوان لج عامي عين مرته من شفتها جفلت مستحيل اتشوف بيها بعد
/ ويطبها طوب ودرت وجهي رحت للغرفه طلعت ملابسي ودخلت سبحت ونمت
يوم ثاني كعدت الساعه 12 الظهر وضياء وكناري بعدهم نايمين
سويت تحضيرات البيت وحضرت لحم سلكته شويه اتعلمت من كناري يعني احسن من قبل بالطبخ
سويت جاي وكاعده اشرب وهمه كعدو
اتباركت الهم ومشه اليوم عادي كل شويه ياخذها للغرفه ويرحون واني اضحك عليهم
مرت ايام و وشهر وشهرين عاديه وهادئه وحلوه نفسية ضياء تغيرت وكناري زوجه ونعم الزوجه تعتني بي وتعامله مثل الطفل
وهو ممصدك وطاير بيها
ما حسسسوني بشي او اي اختلاف بالتعامل لكن
اني ظليت احس على نفسي كعدتي عدهم شنو
هذا السؤال الي اسئله لنفسي باليوم الف مره
وخاصه من اشوف ضياء ياشر لكناري ويضحكون
احس نفسي عذول ظليت اتجنب الكعده يمهم كله بالغرفه لو بالمرجوحه ومن يسئلوني اكللهم ضايجه وما ابين الهم
ماكو شي يستمر
ذاك اليوم دخل ضياء من الشغل دنحضر غدا اني وكناري
وسمعنه دكت بابانه طلع ضياء يفتحه وجان زيد بالباب دفع ضياء ودخل
زيد / لج ميناااااا الكلبه تعالي دليني وجهج
رحت طلعتله ملحكت احجي خمطني من شعري حسيته اجه بيده
اجه ضياء دفع ضياء بيد وحده وعاط بي بس توصل اكتلها واكتل روحي
زيد جان انسان ثاني
/ لج منوو رائد لج اتضحكين على شواربنه وتكولين اني محد لمسني وانتي لاعبه ويا رائد وبايكه فلوسه
يحجي ويضرب راشدي بعد راشدي
اريد اجر نفس ما اكدر وكل مايجرني ضياء يدفعه
زيد اتخبل علينه ذاك اليوم
دفعني وكعت بالكاع دفرني ببطني مكدرت اجر نفس اختنكت
ولك ضياء لك طلعت گحبـ...... وحراميه هم لج منو رائد منو
أنت تقرأ
اولاد الشوارع
Acciónنحن من جارت علينا الحياة ونبذنا المجتمع واستغلونا اصحاب النفوذ نحن اولاد الشوارع
