اعتذر على التقصير وان شاء الله بعد امتحانات نصف السنه اعوضكم وهاي بارت ونص للغوالي .!
..
باوعت للمره خايفه منها ومن شكلها وطريقة كلامها
مشت واشرت للبنيه الي وياها جيبيها
ظليت بمكاني لزمت الفرشه حيل وكاني استنجد بيها
جرتني من زندي كومتني اخذتني وياها
طلعت من الغرفه بيت عباره عن غرف وبردات حمره والبيت قاطين وبالنص مثل صاله جبيره بيها تخم قنفات وطاوله جبيره وكل انواع المشروب عليها
وصايره الكعده بشكل دائري
مفهيه وامشي ويا البنيه وعيني بتفاصيل المكان شفت هالشي وبلعت ريك خفت يا ربي اني وين
وصلنه يم باب طلاكتين ابيض جوه الدرج دكت الباب صوت من جوه صاح دخلي
من سمعت صوت رجال راحت روحي لزمتني البارده لشتي كلها ترجف
فتحت الباب شفت مكتب والكاعد بي ابو ماهر ويما مره لابسه عبايه خليجي والمكياج خافي ملامحها الحواحب سود وثخان وشامرتهن والعلج والشامه عبالك الثقب الاسود
واكفه يمها المره الي اجت فوك وحده اطك بالعلج والثانيه اترد عليها بالطكه
باوعلي ابو ماهر ضحك
/ عبالج شردين من ابو ماهر يلعبه
مياده / هيه هاي اللعبه الكتلي عليها كبدبد
وكامت اجت باتجاهي مثل الي اتعاين البضاعه اجر خصل شعري اتشد البدي من ضهري تبرز ملامح جسمي
ابو ماهر / ها شلونها مثل الوصف لو لا
مياده / لا داده احلى من الوصف متوقعت هيج
ابو ماهر / بالعافيه عليج بس مثل مكتلج اذا شفتها ببغداد امحيج انتي والي دازينج بصراحه هيه المفروض هيه جوه التراب بس بعد انتو اعزاز عندي و هم نطيتوني وعد فما اعزها عليكم
راحت اتقربت منه حطت ايدها على كتفه سوت نفاخه بالعلج وتقربت يم اذنه طگتها
مياده / حبيبي احنه منتهدد خلينه حلوين لا تشتري عداوتنه لو نسيت
بعدين رجعت علي حيلها طكتها ضحكه وكعدت بمكانها
كملت كلامها
المهم هاي خلصنه منها واعتبره وعد كيوليه متوصل البغداد البنيه الباقيات وينهن اريد اشوفهن
ابو ماهر/ حمديه اخذي هاي رجعيها بمكانها وجيبي رمانه وكناري
اجت حمديه اخذتني رجعتني للغرفه وصاحت على بنات نزلن وياها
كعدت على الجربايه حضنت نفسي ارجف خوف وقهر وملامه
كل هذا الي صار اني منطقت ولا حرف مجرد جنت واكفه اباوع بوجوهم وارجف عبالك فعلا جنت بضاعه او لعبه يشترون و يبيعون
انزين اذا مو بغداد وين لعد راح يودوني شنو راح يسوولي ومنو هاي الي تحجي عنهم ومنين عرفووني
أنت تقرأ
اولاد الشوارع
Actionنحن من جارت علينا الحياة ونبذنا المجتمع واستغلونا اصحاب النفوذ نحن اولاد الشوارع
