فزيت من مكاني اشوف منو
/ سلااام اشبيك
سلام / ليش قبلتي ليش ما ظليتي على رفضج
عافني وكعد على الجربايه
/ خفت جلال يتضرر
/ وما خفتي على روحج
/ لا لان اني كلشي شفت بحياتي ماكو شي يخوفني
وكف وتقرب يمي
/ ثقي بالله مينا الي راح تشوفي مشايفته
دار وجها وطلع
اني رحت للحمام
فتحت الدوش و وكفت جوه المي يعني شمقسوملي بعد شنو ظل مشفته وسلام راح يخليني اشوفه
اتندمت الف مره على رجعتي
فاتن گلبت الدنيا ليش غسلت وجهي وشعري هو اني بيا حال
امي شكد حاولت اغير رائيي وتوديني الخوالي مقبلت لان شفت اني شنو الممكن يصير
كل يوم يتقرب العرس تظلم الدنيا بعيني
كملو تحضيرات تحرير مناك تحضر بيت سلام وفاتن منا يمي
وصارت الحنه اجو خوالي خالاتي حسيت خالاتي بيهن حنيه الدنيا على امي وخواتي وحتى عليه
وحتى وحده من خالاتي ظلت تلوم بيه وكالت اني اتكفلج و هواي حجت
بس مكدرت لان مرجوعها على امي
لمتهم حلوه والحفله جانت حلوه ومناقصها شي
يوم ثاني العرس خوالي راحو لان مشاكل بينهم وبين بيت عمي سعدون بس خالتي الجبيره ظلت اسمها اسيل معدها اطفال زوجها متزوج غيرها بس مدللها دلال وممحسسها بنقص
صارت الزفه اشوف سلام دخل بطوله وهيبته الي يشوفه يحسدني علي
اخذ ايدي ورحنه البيتهم زفه ماكو حتى محد يعرف عبالك مسوين جريمه
بيتهم حلو وجبير وبس الاهل حاضرين ف كفه الموجودين
صعدت للغرفه وشويه دخلو سلام
خالتي وصته عليه
اسيل / سلام اذا يوم اشتكت مينا اني اجي بنص بيتكم اخذها واكبرها ميوكفني وتنسه حتى اسمها ولا عبالك كلمة مره وبس لا هاي كلمه اتعادل شيوخ
ما رد عليها بس متخوصر و واكف يباوعلها
بوستني وطلعت
التوتر والخوف والخجل كلهن انجمعن عندي
سلام/ ماله داعي هالخوف والقلق لا تعتبرين هذا زواج كومي غيري هدومج وشوفيلج مكان تنامين بي
/ على شنو اشوف مكان انام على الجربايه وانت اتصرف درت وجهي داروح للحمام
جرني من زندي
/ شنو اتفضلتي
/ مثل مسمعت و وخر ايدك داتذيني
عصر ايدي حيل وهو واكف صافن بوجهي ثواني وقلص عيونه وسئلني سؤال
أنت تقرأ
اولاد الشوارع
Actionنحن من جارت علينا الحياة ونبذنا المجتمع واستغلونا اصحاب النفوذ نحن اولاد الشوارع
