وكفنه بمكان بعيد عن المنطقه الي احنه بيها
نزل ضياء
/ بنات اني رايح اجيب بنزين خلصت لان ديرن بالج على نفسجن ولا تحجن ويا اي احد
نزل الجادر وراح
لوله تبجي جوعانه
/ رشا اني نازله اشتريلها شي خطيه علاكة الخلويات وكعت من عدنه هناك ظلت
/ لا تتركيني وحدي اخاف
/ يله نزلي
نزلنه مكان شبه مگطوع يعني بيوت قليله وصبخه ومسافه تلول مال زبل
/ رشا احنه بعدنه ببغداد لو شنو
/ شمعرفني بس اكيد يعني هيه ستوته قابل يطلع يها محافظات
مشينه مسافه ماكو اي محل يبيع
شفنه اطفال يلعبون بس شنو من اطفال يكسرون باب الگلب
صحنه على واحد منهم
/ ها خاله
/ خاله حبيبي اكو محل هنا قريب
دلاني بمحل هم مسافه وصاير بين البيوت وهنه كلهن كم بيت
رحنه الستوته صارت ورانه بلوفه يعني انلوف الشارع الي دخلناله الا انشوفها
رحنه شترينه من عدهم محل بسيط بشكل وبي اشياء قليله
خلصنه ودنرجع للستوته مجرد لفنه الفرع شفت رياجيل واكفين يمها
رجعت وره
رشا / شبيج مينا
/ لج معرف هاي رياجيل واكفين يم الستوته
/ اي امشي انروح انكللهم مالتنه اخاف ياخذوها
/ رشا ركزي حبي اذا حراميه راح يخافون من عدنه قابل بس لحظه عسا يرحون
واكفين دنترقب من بعيد ونصدمنه من واحد منهم وكف مسافه وانشوفه يعني من وخر من الستوته شفنه ضياء واكف ويمه حسن
فتحنه عيونه على وسعهن وظلينه وحده تباوع بوجه الثانيه
رجع هذا الرجال لزم ضياء من ياخته ودفعه وكع بالكاع
/ رشا هذا ابو ماهر و ضياء راد يسلمنه اله لتكليلي ولا اكولج
/ ابو ماهر مو على اساس يدور حسن شو واكفين سوه
/ ما اعرف كل الي اعرفه امشي نطلع من هالمكان لحد يشوفنه
رجعنه وطلعنه من الفرع الثاني انصدمنه بزيد
رجف جسمي من شفته كلت هاي هيه
رشا / زيد الله يلخيلك لتسلمنه الهم
/ اششش رشا اخذن هذا الدرب وطلعن كبل اكو خرابه ظلن بيها تره مراح يتركوكم بسررعه الكل اتطشرت يدورن عليكم ركضن مو وقت تصفن
أنت تقرأ
اولاد الشوارع
Actionنحن من جارت علينا الحياة ونبذنا المجتمع واستغلونا اصحاب النفوذ نحن اولاد الشوارع
