فتحت عيوني اني بحضن سلام ويدك على وجهي مينا بيج شي
ظليت فتره صافنه بوجها مثل الي فاقده اني وين وشكو ابتسمت بوجها بلحظه متذكرت بس ذيج الايام
الحلوه الراحت
غمضت عيوني رجع غسل وجهي هنا رجعت للواقع
نزلت دموعي وشهكت
/ ليش سلام ليش
/ انتي زينه دتسمعيني مينا ردي
/ لا مو زينه اني
جر نفس قوي باس راسي و وخرني عن حضنه وطلع
ظليت نايمه بمكاني ابجي شنو الحل يا ربي
ظليت لليل صعدت دينا كومي سوي عشه ويلا و و
غلست منها وما نزلت
اجت شمس وكفت بباب الغرفه خايفه تدخل
اشرتلها تعالي اجت يمي ودخل وراها ادم
/ تعشيتو
/ اي عمه دينا سوتلنه لفات اني ميخلوني اجي يمج
حضنتها وبوستها هيه وادم ولفيتهم وياي باللحاف
وغفينه
كعدنه الصبح على صوت سلام ديبدل يريد يطلع
سلام يلبس لبس رسمي وهناك بالمركز يلبس العسكري اكله ليش متجيب بدلتك اغسلها يكلي هناك شرطي يشمرها علي اللوندري من اخلص والصبح الاكيها محضره
حسيت اكو رطوبه بالفراش عرفته ادم مسويها
وادم خطيه كعد يبجي خاف من ابو
سلام/ شبيك ولك ليش من الصبح تبجي
/ مبي شي جوعان
طفرت شمس لا دودي مسوي بوله
وهو زاد يبجي
اجه سلام يريد يضربه كمت شمرت روحي علي
/ لا سلام فدوه لا روح معليك اني اغسل كلشي روح
جرني من شعري وخرني وخمط ادم من ايدي
كمت بس حسيت راسي يفتر الغرفه تفتر اريد اوصل لادم ما اكدر شفته اخذه للحمام
رحت ورا
دخلت راد يطلعني مخليته عطت بعلو صوتي يبوووي اطلع منا سلام
جان هذا سلاحي الوحيد بساعتها
لان دايخه وما اكدر السلام هو هم من علو صوتي ظل صافن
شويه وطلع
صحت على شمس تجيب ملابس الاخوها
سبحته وسبحت شمس
واني هم لان اتدمرت
نزلت جوه اسوي فد شي ينوكل اريد بس اوكف على حيلي
حليب بيض للجهال واني عصير برتقال
أنت تقرأ
اولاد الشوارع
Actionنحن من جارت علينا الحياة ونبذنا المجتمع واستغلونا اصحاب النفوذ نحن اولاد الشوارع
