وعيت على صوت جلاب تركض ورانه والنباح قريب
وكناري اتعيط لج مينااا وين الاسواق صارت
اباوع منا ومنا وين التل
وكل هالحجي نركض لان اذا لزمونه مستحيل يرحمونه
غيرت الاتجاه لازم نصير من امام البيت بس هالحجي صار مسافه نركض بدون منباوع ورانه
شفت التل فرحت
باوعت وراي كناري ماكو وكفت للحظه
صعدت على التل واشوفها تركض بالطريق المبلط الي تمشي علي السيارات وتصيح وولج ركضي ركضي
رحت اركض وراها صارت اللوفه وهذا نص بيت
نص بيت جان بيت مبني على النص ومتروك اني اكول عنه نص بيت
دخلنه بي
كامت كناري ورشت بودره جسم بالارض صعدنه فوك ترست الارض بودره
شدتسوين
انغطي ريحتنه
ظلينه يمكن نص ساعه
/ كناري كلش ماكو وقت لازم نطكها ركضه للاسواق بسرعه
/ وين صايره الاسواق
/ رفعي راسج شويه اكو حديقه
/ اي شفتها شبيها
/ بس نتعداها انشوف الاسواق مرسوم عليها ميكي موس جبيره اتركضين كله على ايدج اليمنه
/ صار بس انتي ضامنته الهذا رائد
/ مدري شكلج كناري المهم طلعنه منهم خلي انكمل طريقنه اول
مستعده
/ اي بس لحظه اذا طلعنه راح انشوفهم كبالنه تدرين
صفنت بوجها اكيد وخاصه صوت النباح قريب
/ كناري خلي انروح عكس الطريق ونلف وانوب نتوجه للحديقه
/ بس خاف نتاخر
/ خليها على الله واصلا خلي ندخل بالحديقه نضيع روحنه بالزرع يلا كناري كعدتنه طولت
نزلنه فعلا حتى طفرنه حايط ومن وره البيت لفنه بطريق يرجعنه البيت مياده
ركضنه مسافه انشوف سطح البيت يعني لو احد صاعد فوك السطح يشوفنه لان البيت كلش عالي
سويناها دائره وانوب رجعنه للحديقه دخلنه بين الزرع اشويه خففنه ركضنه
هم تعبنه مسافتنه صارت طويله حيل وهم خفنه وحده من عدنه تعثر بالزرع تنكسر شيشيلها
الحديقه جبيره واحنه اهواي ركضنه وصلنه النهايته كدامنه سياج كناري كعدت يائسه
/ مستحيل نلحك مينا مستحيل
طلعت بطل مي الي و واحد الها
اخذته منها شربته
/ زين حاسبه حسابج بهالجنطه بس تدرين هيه مثكلتج
/ بيها لكل وحده قطعتين ملابس تدرين ومي وفلوس
/ فلوس منين
/امس هذا الرجال من طلعت شمر عليه صفطه معرف شكد كال ضميها اذا عرفو عندج ياخذنها صدك ضميتها
/ كومي كناري خلي انكمل عبرت السياج وهيه شمرت الجنطه عليه السياج عالي اتشككت ايدينه من عبرنا لان حوافه مدببه شمرت روحها كناري انلوت رجلها
لبست الجنطه اني وظليت امشيها اي شبيج متشوفي مسافه شطولها لو نازله بعد شويه منلوت رجلج
/ دكافي مينا رجلي موتتني اني وانتي دتعاتبيني
اتعدينه الطريق شفنه من بعيد المحلات الي يصير بينهن الاسواق الي احنه نقصده
اشرتلها باعي
/ شنو شكو
/ شبيج خايفه لج وصلنه هناك الاسواق يم هالمحلات بس خفي رجلج وضغطي على نفسج شويه
خطيه ظلت تمشي بسرعه اني لازمتها وصدك شفنه الاسواق عيني ظلت ادور على رائد
معقوله عافنه او يمكن ما اجه اصلا
وكفنه بباب الاسواق كعدت كناري ترتاح واني ظليت ادور بعيوني وينك رائد ووينك
طلع النه ولد من الاسواق يحجي كردي ما فهمنه علي هو يحجي كردي واحنه انرد عربي لا احنه فاهمين لا هو فاهم
بنص الهوسه ونسمع صوت من ورانه
يحجي ويا ابو المحل بالكردي عيني راحت على كناري الصوت اني سامعته بس اريد اكذب نفسي كناري بسرعه لونها انخطف مجرد ملامح وجها نشفت دمي
يلا امشن بنات بلا فضايح راح يخابر الامن تره
التفتت وراي واشوفه نفسه العار اني معرف شنو اسمه
واكف متكتف ومبتسم عود هو منتصر وياشر براسه يلا
مسافه واكفه سيارت السايق نفسه الي وداني البيت رائد وشفته ديخابر
ظليت اباوع منا ومنا وينك رائد ووينك
هاي تعلوله لعيون الحبايب فديت اني
أنت تقرأ
اولاد الشوارع
Actionنحن من جارت علينا الحياة ونبذنا المجتمع واستغلونا اصحاب النفوذ نحن اولاد الشوارع
