بنات اعتذر اليوم عدنه لود و خطار فما نزلت بارت
كل عام وانتم بخير وعافيه ويارب سنه سعيده على الجميع
..
سمعنه صوت صاح منو
زيد دفعني بين الحياطين والطابوك خله وجهي يصير بكتفه بحيث ما اتنفس بزونه صاحت والمره راحت رحعت للبيت سمعنه قفلت باب السطح
اني جنت واعيه بس معندي ردت فعل مثل المتجمده
زيد هزني من كتفي وضربني
/ لح شبيج صحصحي ليش دتسوين هالشكل
هنا صدك مثل رجع الوعي اليه باوعت علي رمزت شويه
وجان ادفعه و اركض
طلعت كبل وزيد يركض وراي
وصلنه مكان الستوته اتعديتها اركض بلا توقف جنت معرف وين اروح
المنظر الشفته هزني جان منضر رعب و اريد بس انهزم منين و وين ما ادري
زيد يركض واني اركض خفت حتى من زيد
وصل يمي وجرني واني عطت ظليت ادفع بي ودموعي تنزل
اشوف بس البنت والدم يسيل على جسمها
كتف ايدي
/ ولج مينا هدي شويه اني زيد باعي بوجهي لج انفضحنه امشي انروح للستوته باعي باعي لوله دتبجي عليج امشي
ظل يحجي و يهديني وزيد حسيته خايف اكثر مني
شويه وهديت ظليت ابجي بصوت عالي رخت اعصابي باوعتله
/ زيد خايفه والله خايفه طلعني منا
/ اهدي شويه مسحي دموعج سكتي لتشوفج لوله
امشي انروح خاف احد يتبعنه منهم امشي يمعوده
من كال هيج خفت لزمت ايده حيل ظليت اتلفت منا ومنا وارجف خاايفه الله لينطيهم همه شنو ديسوون
/ ما اعرف مينا شنو ديسوون دمشي بس الله يستر
وصلنه للستوته هاي اني يمته عابرتها هالكد معرف
صعدنه رشا اتباوع بوجهي محجيت شي
زيد شغل وبكل سعرته مشه بينه
وصلنه للخرابه نزلت بسرعه رحت للجربايه بسرعه كرفصت روحي دخلت رشا و وراها زيد شايل لوله خلاها يمي
حتى مهتميت
شعل الصوبه ودخل الفرشلت سد الباب ومعد خله اعكوسه على ركبته ودنك راسه محجه اي حرف
رشا / ممكن اكد يفهمني شنو صار وياكم ليش من اجيتو لسه ساكتين
زيد / سدي الموضوع رشا الصبح احجيلج
رشا / اشكالكم مو طبيعيه قلقتوني
زيد / داكلج لنلصممممي عاد دفر ترمز الشاي يم رجله فلشه
أنت تقرأ
اولاد الشوارع
Actionنحن من جارت علينا الحياة ونبذنا المجتمع واستغلونا اصحاب النفوذ نحن اولاد الشوارع
