اليوم العقد مال كناري وضياء
ومنعرف شنو انحضر جانت الفرحه طاغيه علينه
ضياء كعد من الصبح طلع بدون ريوك
واني وكناري كمنه اتريكنه وبدينه انرتب البيت
وهيه سةت كيك وعصير
دخل ضياء حايب ويا تخم قنفات مستعمل بس حلو
رتبنا بالهول سوت غده خفيف واني وياها اخضر لخد ما اكلنه على الواكف وغسلنه وعطرنه ورحنه بدلنه وظلينه منتظرين
اول ما دخلت ام رحمه و وياها زيد
جنت بالمطبخ داسوي جاي واحضر اكلاصات العصير والكيك حته من يعقدون انقدم الهم
سمعت ضياء دخلهم للبيت وهيه طكتها هلهوله
ضاق النفس بصدري من سمعت صوته يباركله
اااخ شيطلعك من بالي قوي روحج مينا لتخلين شي يخرب فرحت ضياء وكناري
جريت نفس مرتين ثلاثه هديت روحي وطلعت
ولا كاني شايفتهم ما سلمت عليهم
رحت للغرفه يم كناري
لكيتها دتبجي
/ شبيج ولج شصاير
كناري / مينا مجاي اعرف البس الشال
/ خرعتيني رحت يمها يحضنتها
معقوله كل هالبجي بسبب الشال
زادت بجي عرفتها مفتقده اهلها
كنو تدرين ضياء شكد فرحان ومحتار شيسوي حتى يفرحج
لتهلي يشوف هالدموع ويحس هو وجوده ميكفي
ضياء هو اهلج كومي مسحي وجهج ولبسي وطلعي
اريد اشوف اسنانج يلا كومي
استحي شويه اني هنا شنو ممعتبرتني اهلج
بسرعه ضحكت
كناري / وثول مينا دخلي واحد يحس شويه باحساس حقيقي شبسرعه گلبتي عليه
/ كومي كوومي يلا
/ وانتي شلونج
/ شبيه اني اخبل شوفيني
/متاكده مينا
/ اي متاكده وداعتج ولا كاني شفتهم يلا خلصينه امشي
لفت شالها ورتبت روحه شويه كحل ومكياج كلش خفيف طلعت اتخبل
وعود تستحي خلتني اطلع گبلها عيني صارت على ضياء يدورها وراي وخرت وكتله اتفضل وهو ظل يضحك فرحان وخجلان وممصدك
هيه راحت سلمت على ام رحمه وكعدت يمها واني كعدت يم ضياء
اني متعوده على ضياء وفعلا حاسبته اخ
أنت تقرأ
اولاد الشوارع
Actionنحن من جارت علينا الحياة ونبذنا المجتمع واستغلونا اصحاب النفوذ نحن اولاد الشوارع
