شنو المطلوب منعرف جان الكلام عباره عن تمهيد لمصيبه اي مصيبه الشغل الي يقصدونه و يسمونه تطور جان مخدرات
كلنه انصدمنه من كمل كلامه وكال تبيعون مخدرات الناس معينه
باوعت بوجوه الولد عادي عدهم الظاهر متفقين وعدهم علم بس الكلام جان النه اني و هدى
/ يعني معرف ليش وانت دتحجي كانك اتكول بيعو طماطه براس الفرع مو مخدرات
حسن / مينا ركزي وياي السالفه ينراد نباها وبس تاخذون هاي باكيتات علج وتبيعوهن بس اكو اشخاص معينين همه راح يجون الكم يشترون علج عادي
/ ما فهمت شي وين المخدرات بالموضوع لعد
طلع كيس من جيبه بي اكياس كلش صغيره بيهن بودره بيضه
وطلع علج شال غلاف العلج وغلف بي البودره وصارت نفس شكل العلج
بس اختارها كلها لون واحد وميزها عن باقي الوان العلج
اني وهدى ظلينه وحده صافنه بوجه الثانيه خفنه شغله مو هينه وخاصه هو كال الي ينكض منعرفه
علي / حسن طلع البنات من عدها خليها علينه احنه نكفي اربعتنه
حسن باوع العلي بنظره مدري شلونها راح كعد على الكرسي ورث جكاره وخله رجل على رجل
حسن/ منو اربعتكم تقصد
علي / اني وانت وضياء وزيد منو غيرنه يعني
ضحك بصوت عالي مستهزء بكلام علي
حسن / لا عزيزي اني بره الحساب مجرد اجيب البضاعه و ارتبها الكم
ضياء / هاي شنو حسن يعني اتريد اتخلينه احنه بالوجه وانت بالامان
عصب كام وكف ودفر الميز
حسن / لك يا امان ليش واني من اجيب البضاعه من وره البيت مو من عالم وحوش ادخل بنصهم واجيبها الكم و ارتبها اصلا انتو بالامان لان دتبيعون علج محد يشك بيكم
زيد / ختولي مو لازم
حسن / حجه الجبان ابن امه . باعولي زين من باجر هاي البضائع تتوزع بالتقاطع الــ ..... والي يجي يكللكم اشلونها العمه هذا يريد علج خاص يعني بين قوسين مخدرات
سكتنه كلنه محد رد علي شفنا معصب وهو واحد ميستحي
علي باوعلي بخزره وطلع وتبعو الولد
حسن اشر الهدى راحت تركض وره
واني رحت للغرفه لكيت فاطمه نايمه بس رشا دتنتظرني
بس دخلت طفرت عليه
رشا / لج شكوو شنو راد منكم هذا الاغبر
/ سكتي رشا مصيبه راح يوكعنه بيها
أنت تقرأ
اولاد الشوارع
Actionنحن من جارت علينا الحياة ونبذنا المجتمع واستغلونا اصحاب النفوذ نحن اولاد الشوارع
