المره كامت الي اشرتلها حمديه وكالت يلا خلي يدخلن يمي
دخلنا للغرفه واحنه كلشي مفاهمين اكو جربايه عاليه وبيها مساند ثنين مشايفه مثل هيج من قبل والجربايه ينصعد الها بدرج من بايتين
كناري / نصعد ليش شنسوي وشنو تردين من عدنه
/ لج حمديه هاي شنو شو يتحجن ويعترضن
دفعت حمديه الباب
حمديه / ها خير شكو صعدي انتي ام السان وفتحي رجليج وبلا صوت
كناري / غير نفهم شكو شنو على عمانه احنه مو سلعه هنا ترانا بشر
اتقربت يمها حمديه وضربتها راشدي فرتها فر رحت دفعت حمديه اني وعطت بيها
/ ليش دتضربيها محجت شي غلط
حمديه / لك زعترر ، بسيطه متجن بالعيني والاغاتي صدك دواجن مياده
دخل زعتر وكللها امريني
حمديه تعال ساعدنه جتف البنات حتى تفحصهن ام راعي
ودفعت علي كناري اول وحده
خمط كناري شلون ما ادري كبل خلاها على الجربايه العاليه بحركه وحده عبالك لعبه بيده
صار وراها راسها بحضنه وسوه موقف قهرني حيل لزم رجليها ثنينهن من يم ركبتها وفتحهن وتقربت ام راعي يمها وكناري تصرخ وتدفع بس مكدرت الزعتر اني ورمانه ظلينه وحده اتباوع بوجه الثانيه
ام راعي خلصت كالتله نزلها عيني
حمديه / ها شنو بشري
ام راعي / بعدها بنيه يلا صعدلي غيرها
اني صرخت خلي يطلع اني اصعد وحدي
ابتسمت حمديه وكالت الكناري
/ اتعلمي من الدنيا ولتخلين نفسج عبره ودرس الغيرج
صيري مطيعه وخوش بنيه
اشرت الزعتر يطلع واجت جرتني يلا كدامي
مالي قوه اصعد فوك الجربايه خجل وخوف
وهضيمه
حمديه / هااا اصيح زعتر لو تصعدين
هزيت واسي وصعدت نمت واجت ام راعي سوت مثل ما سوت الكناري بس اذتني
الاذيه جانت نفسيه قبل لتكون جسديه
ام راعي / نزلي هاي هم بعدها بنيه
نزلت مهضومه امسح دموعي صرت يم كناري باوعتلها تباوع بتحدي رافعه راسها و تتنفس سريع بس الوجه مطعون وترجف
صعدت رمانه طلعت مو بنيه صكعتها حمديه على راسها ويامن لاعبه ولج
نزلت تبجي وكفت يمنه
ام راعي / وشنو مطلوبات الا عذاري
حمديه / اي عيني ومدفوع بيهن ذيج الحسبه والمصيبه مياده شافتهن شسوي بله بهاي الكحـ...
وضربت رمانه على راسها
أنت تقرأ
اولاد الشوارع
Actionنحن من جارت علينا الحياة ونبذنا المجتمع واستغلونا اصحاب النفوذ نحن اولاد الشوارع
