لؤلؤه لغواص واحد

الجزء الأول

ورده :آنسة حفصه....آنسة حفصه اصحى يلا
حفصه :ايوا يا ورده صحيت اهو و قولتلك متقوليش آنسة دى تانى ، انا بعتبركم كلكم اخواتى
ورده : ربنا يحفظك يا آنسة حفصه و يريح قلبك
حفصه : انتى متعبه ليه قوليلى يا حفصه بس أو حصحص مش هقولك لأ المهم متقوليش آنسة دى تانى محسسانى أنك شغّاله عندى و حتى لو شغّاله عندى متقوليش كده احنا اخوات فى الله و يعلم ربنا انى حبيتك فى الله 😍
ورده :ماشي ولا تزعّلي نفسك هقولهالك المره الجايه
وذهبت ورده وهي سعيده بتلك الفتاه الجميله التي عاشت عندها منذ يومين فقط فهي من ضمن المغتربات اللاتي عِشن بعيدا عن اهلهن حتى يكملن تعليمهن وبحثت كثيرا عن سكن جامعي ولكن لم تجد وكانت حفصه قد نشرت إعلانا عن أنها تمتلك غرفاً فارغه للسكن للفتيات المغتربات مثل ورده و بسعر رخيص جدا واقترحت احدى صديقات ورده عليها ان  تسكن عند حفصه معها ومنذ ان سكنت معها رأت فيها اخلاقاً حميدة كثيرة  والتي لم تراها أبداً في حياتها  أما حفصه فقد شردت في تلك الدعوه التي دعتها لها ورده (ربنا يريح قلبك) وتنهدت بحزن مع الدعاء بأن يستجيب الله وقامت وصلّت صلاه الضحى والتي لم تغفل عنها يوماً لانها صدقه عن جميع اعضاء الجسم وخرجت من غرفتها ونزلت الى الاسفل حفصه :السلام عليكم ورحمه الله وبركاته صباح العسل يا سكاكر
ألاء و هى صديقه ورده و إحدى المغتربات :وعليكم السلام ورحمه الله وبركاته طبعا هيبقى عسل مدام السكر ده طلّ علينا
حفصه : يا بكاشه كده هتغرّ و مش هتعرفوا تكلمونى تانى
ورده : من حق الجميل يتدلع 😉
حفصه : ههههههه طب يلا ناكل بقى عشان عصافير بطنى كسّرت القفص خلاص ... بسم الله الرحمن الرحيم اللهم بارك لنا فيه و اطعمنا خيراً منه
بعد الإفطار صعدت حفصه إلى غرفتها و بدّلت ثياب بإدناء أسود و نقاب أسود أيضا فهي اختارت أن تتشبّه بأمهات المؤمنين و ألّا تكون سلعة لكل من يمر فينظر إليها الذين فى قلوبهم مرض و أصحاب النفوس الخبيثة و أطاعت أوامر الله ( و ليضربن بخمرهن على جيوبهن و لا يبدين زينتهن ) و خرجت إلى المدرسه الخاصه التى تعمل بها كمعلمه للغه العربيه للمرحلة الثانويه للفتيات فقط  فبرغم مجموعها الكبير و الذى كان يسمح لها بالإلتحاق بكليات القمه كما يُقال عنها اختارت أن تلتحق بكليه التربيه و تكون مربيه للأجيال لتكون صدقه جاريه لها و تنصح الفتيات مستغله عملها حتى لا يقعن فى أخطاء كثيره كما يحدث كثيرا فى هذا السن الحرج حينما لا تجد الفتيات من ينصحهن
حفصه : السلام عليكم ورحمه الله وبركاته
الفتيات : و عليكم السلام ورحمة الله وبركاته
حفصه : النهارده الثلاثاء و عندنا حصتين و هشرحلكم النهارده نحو و إن شاء الله أفيدكم ، بس قبل ما أبدأ فى الشرح حبيت اقولكم إن يوم الخميس عندنا ٣ حصص و هشرحلكم بلاغة فى اول حصتين و فى الحصة الثالثه هنتكلم مع بعض شويه و ده هيبقى نظامنا طول السنه يلا نبدأ بسم الله ...

سبحان الله و بحمده سبحان الله العظيم

في مكان اخر قريب نرى شابا وجهه منير كالبدر وهذا لا يحدث الا لكثره السجود (سيماهم في وجوههم من اثر السجود) نجد هذا الشاب يرتّب الكتب في تلك المكتبه الكبيره التي يعمل بها فهو يحب القراءه ومطالعه الكتب ولذلك اختار ان يعمل بدوام جزئي مع والده في هذه المكتبه الكبيره الى جانب عمله الاساسي وهو المحاماه فقد اختار ان يكون محاميا وان يدافع عن الخير والاّ يقبل بالظلم واختار ان يكون مثل عمر بن الخطاب وان يكون العدل هو عنوانه ولم يدافع عن ظالم ابدا فهذا هو حسن الذي ختم القران الكريم وهو امام في المسجد ويقوم بتحفيظ الاطفال القرآن الكريم(خيركم من تعلم القران وعلمه )فهو اختار ان يكون مع السفره  الكرام البرره ( الماهر في القرآن مع السفره الكرام البررة و الذى يقرأ القرآن و يتتعتع فيه و هو عليه شاق له أجران )
حسن :احط الكتاب ده هنا يا حاج ولا احطه على الرف التاني
محمد : حطه هناك كده يا ابني على الرف التاني ، هو  انت هتروح امتى على المكتب بتاعك
حسن :لا لسه شويه يا حاجه هروح كمان ساعه كده انا بفتح المكتب على الساعه  2:00
محمد: براحتك يا ابني انا عارفك  مش عاوز تمشي غير لما الطلاب يخرجوا من المدرسه اللى جنبنا لانهم بييجوا هنا ويعملوا زحمه وانت بتبقى عاوز تساعدني
حسن: على طول كده قافشني يا حج
محمد :ربنا يحفظك ليا يا ابني ويرزقك ببنت الحلال
حسن: مدام بقى فيها بنت الحلال الحق اجري انا قبل ما تجوزني وانا واقف
محمد: ما انت كبرت يا ابني خلاص وبقى عندك 27 سنه مستني ايه تاني
حسن :مستني الزوجه الصالحه يا والدي اللي تساعدنى على طاعه ربنا و اللى استأمنها  على بيتي واولادي انت عارف ان البنات اليومين دول اخلاقهم بقت متدمره و بقت كل بنت تصاحب ولد ومش مراعيين ان ربنا نهاهم عن كده (ولا متخذات اخدان ) ومش بيحافظوا على نفسهم ولا مقدّرين الامانه اللي اهلهم مشيلينهالهم واللى ماشيه ببنطلون رغم ان ده تشبه بالرجال واللي تفتكر ان البنطلون الواسع ده مش من ضمن البناطيل مش عارف انا مش هو اسمه بنطلون برضو ولا انا اللي  وقعت على ودنى و أنا صغير ومبقتش اسمع كويس ولا هو عشان واسع بس مبقاش ضمن البناطيل انا مش عارف هم بيبرروا لنفسهم ايه هم مش عارفين ان المتشبهات بالرجال ملعونات يعني مطرودات من رحمه ربنا و اللى  خارجه  بطرحه  مش هقدر اسميها طرحه اصلا و مبينه شعرها منها  واللي مش حاطه فيها دبابيس خالص وسايباها كده طايره مع الهوا
محمد: بس برضو في بنات محترمه يا ابني متنكرش ده
حسن :ايوه يا حاج انا منكرش ان في بنات كتير محترمه وفيه مختمرات وفيه منتقبات بس لسه لغايه دلوقتي ملقيتش زوجتي و لا ارتحت لواحده فى الرؤيه الشرعيه وفي بنات من اللى قعدت معاهم فى الرؤيه الشرعيه  اهلهم هم اللي غصبين عليهم انهم يلبسوا الخمار او النقاب ومش مقتنعين بيه او مش عارفين هو ايه حكمه اصلا ولابسينه كده وخلاص مش عارفين ان هو ستره للبنت وان الخمار فرض و في بنات كثير فاكرين ان الطرحه هي الفرض و ميعرفوش ان الفرض هو الخمار( وليضربن بخمرهن على جيوبهن )
محمد:  ربنا يرزقك بالزوجه الصالحه اللى تسعدك و تعينك على طاعه الله
حسن :آمين ...شفت يا حاج اهو الكلام اخدنا والساعه بقت 1:30 والطلاب بداوا يخرجوا من المدرسه يلا انا هروح اقف بقى مكاني عشان نبتدي نستقبل الزباين لان شكل الزباين النهارده كتير
محمد : يلا يا ابنى

بقلمى / ربما داعية