لؤلؤه لغواص واحد

الفصل الثانى و الثلاثون

و الله لا يهدى القوم الظالمين 💙

مينا : ليه عملتى كده ، مش كفايه علينا أبانوب .. تيجى انتى تعملى زيه يا أوجيستا

أوجيستا : صدقنى يا مينا عمك بيكدب .. انا معملتش كده .. انا آه ساعدت أبانوب أنه يهرب بس مأسلمتش

مينا : طب و ليه ساعدتيه .. معنى أنك ساعدتيه أنك موافقه على اللى هوا بيعمله

أوجيستا : انا ساعدته لأنه أخويا و انا مرضاش لأخويا أنه يتضرب و يتهان .. و ده قراره لوحده و من حقه أنه يختار حياته

مينا : لأ مش قراره لوحده .. مش من حقه أنه يدخل الإسلام ، و بعدين إيه الكلام الغريب اللى انتى بتقوليه ده .. يعنى إيه مش عاوزاه يتضرب .. اللى غلط لازم يتعاقب

أوجيستا : لاحظ أنك بتتكلم عن راجل مش عيل صغير

مينا : و عمايله دى عمايل راجل يعنى .. و بعدين من امتى و انتى بتناقشينى يا أوجيستا

أوجيستا : من أول ما ابتديت تمشى ورا عمك من غير ما تشغل عقلك أو قلبك حتى

مينا : سبنالك انتى العقل و القلب يختى .. ابقى جهزى نفسك بقى عشان تتجوزى مارتن .. انا كنت جاى و ناوى أرفض بس بعد كلامك ده عمى معاه حق انتى عاوزه قلم يفوّقك و يرجعلك عقلك

*****

رجال لا تلهيهم تجاره و لا بيع عن ذكر الله 💙

حبيبه : ههههه كان شكلكوا زى ما يكون فى خناقه عنيفه بين الصابونه و الليفه و الدش خايف يخش

حسن : طب روحى يا ست الدش من هنا .. اعمليلى كوبايه شاى

حبيبه : نعم نعم .. أمال مين اللى لسه كان بيقول تعالى و احنا نشيلك من على الأرض شيل و هنخلى بالنا منك و مش هنتعبك

حسن : دى ماما اللى هتعمل كده يا قلبى .. إنما أنا هطلب و انا حاطط رجل على رجل

حبيبه : اتفو عليك .. ثكلتك أمك

زين : عشان تعرفى أن البنت ملهاش غير بيت جوزها

حبيبه : حصل يا قره عينى

زين : طب يلا اعمليلى واحده قهوه مضبوطه

*****

و كذلك جعلنا لكل نبى عدوا شياطين الإنس و الجن 💙

مريم : بصى جربى تقلعيها فى الرحله بكره بس و مش هتخسرى حاجه

ألاء : مينفعش والله اتكسف .. انتى عارفه إنى لابسه الطرحه من و انا فى ٦ ابتدائى صعب أخلعها حتى لو كان يوم واحد

مريم : يلا بقى يا لولو متبقيش رخمه بقى .. أحنا ما صدقنا أبوكى وافق على رحله وادى الريان دى

ألاء : هحاول .. بس الموضوع صعب والله

مريم : انتى عارفه مين هييجى معانا الرحله