لؤلؤه لغواص واحد

الفصل الرابع و الاربعون

و هو يهدى السبيل 💙

ورده : السلام عليكم

نجاة : و عليكم السلام و رحمة الله و بركاته

وردة : ازيك يا نوجه عامله ايه ، و نجلاء عامله ايه

نجاة : الحمد لله يا رورو ، انتِ عامله ايه

ورده : أدام الله حمدك ، انا بخير يا روحى ، حفصه كانت بتحاول توصل ليكم بس مش عارفه

نجاة : ازاى طيب ، انا مش بقفل فونى خالص

ورده : كان بيديها غير متاح

نجاة: مش عارفه والله ، طيب هشوف الموضوع ده بعدين ، بس خير قلقتينى فيه حاجه و لا إيه

ورده : فيه احلى خبر يا نوجه ، حفصه اتقدملها عريس و وافقت و عزماكم على خطوبتها

نجاة : بجد ، ايه الاخبار العسل دى ، مش تمهديلى بدل ما انا مصدومه و مش عارفه اقول إيه كده

ورده : هههه معلش يا نوجه هيا كانت عاوزه تعزمك بنفسها والله

نجاة : لأ ده انا أصلح الفون حالا و اشوف مشكلته ايه ، ده حفصه يا جماعه برضو

ورده : عقبالك يا قلبى انتى و نجلاء

نجاة : من بعدك يا روحى

ورده : يا رب

نجاة : الخطوبه يوم ايه طيب

ورده : يوم الخميس الجاى ، أوعى متجيش حفصه هتزعل أوى

نجاة : والله لو حد تانى أمى كانت هترفض رفض قاطع بس دى حفصه ، و أمى بتحبها فاحتمال كبير توافق

وردة : لعله خير

*****

الطيبون للطيبات 💙

أوجيستا : ايوا بقى أخويا كبر و بقى عريس ياناس

سلمان : طول عمرى كبير يا بنتى ، بس انتو مش واخدين بالكم

أوجيستا : يا واد يا واثق أنت ، بالراحه على الأرض عشان مش بتاعتنا

سلمان : انتى بتعاكسى يا بت

أوجيستا : مش أخويا و لازم ادلعه

سلمان : حبيبتى يا جوجو

أوجيستا : مش هنرجع لأهلنا يا أبانوب بقى ، على الأقل يعرفوا أنك هتخطب ، يمكن قلبهم يرق

سلمان : أولا متقوليش أبانوب تانى ، أنا اسمى سلمان و لأ يا أوجيستا مش هرجع أبدا ، لأنى لو رجعت هيحاولوا يرجعونى مسيحي تانى و أنا عمرى ما هرجع تانى ، أنا عرفت الطريق الصح و ماشى فيه

أوجيستا : حاضر يا سى سلمان بس دول أهلنا برضو ، و بعدين أنا برضو رافضه اللى انت عملته

سلمان : فيه فرق يا أوجيستا انتى رافضه بس محترمه قرارى لكن هم لأ ، و انا اخاف ارجعك انتى اصلا لا يرجعو يأذوكى