لؤلؤه لغواص واحد

الفصل الخامس و الثلاثون

فاجتنبوا الرجس من الاوثان 💙

ليليان : تفتكر اللى احنا بنعمله ده صح يا تيم

تيم : إيه اللى احنا بنعمله يا ليليان ، انتى من ساعه ما دخلتى فى الجروب اللى صاحبتك دخلتك فيه و انتى متغيره و مش بتكلمينى كتير

ليليان : اعمل إيه ، ما انا حاسه إنى محتاره و متردده جدا و مش عارفه اللى احنا بنعمله ده صح و لا غلط ، حرام و لا حلال

تيم : حلال طبعا ، هو احنا بنتكلم فى كلام حب احنا أصدقاء و أخوات فى الله مش انتى قايلالى إن المتحابين فى الله على منابر من نور يوم القيامه تحت ظل العرش

ليليان : تصدق انت صح .. فاتتنى الحته دى .. معلش يا تيم بس بجد الموضوع كان صعب عليا جدا

تيم : و لا يهمك يا ستى .. كل ما تفكرى فى حاجه زى كده تانى افتكري انك داعيه و أنك مش بتعملى حاجه غلط بل على العكس تماما انتى كده بتقومى بدورك كداعيه و بتعاونينى على الخير

تعقيب من الكاتبه /
( نص كلام شخصيه تيم صح و النص التانى غلط و ده نوع من الناس اللى بيحلل و يحرم على مزاجه أو ممكن يشوف الفتوى المتساهله اللى تيجى على هواه و يقول الشيخ اللى قال .. المهم : الصح فى كلامه هو اننا كلنا بلا استثناء دعاه إلى الله _ سبحانه و تعالى _ [ و لتكن منكم أمه يدعون إلى الخير و يأمرون بالمعروف و ينهون عن المنكر و أولئك هم المفلحون ] أول حاجه اتذكرت هى الدعوه إلى الله و مش شرط تكونى حافظه القرآن كله أو دارسه فقه عشان تتكلمي فى الدين لأ انتى لو تعرفى معلومه صغنونه خالص و المعلومه دى صحيحه قوليها و متقلقيش من كلام الناس و لا يهمك [ و من أحسن قولا ممن دعا إلى الله و عمل صالحا و قال إننى من المسلمين ])

*****

و لا تكونوا كالذين نسوا الله فأنساهم أنفسهم 💙

ألاء : ههههه بجد انت دمك شربات اوى

مروان : أى خدعه يا ستى تعالى عندنا كل يوم

خجلت ألاء و نظرت إلى الجهه الأخرى و هى تعيد شعرها إلى الخلف و لكن أثناء ذلك وجدت إحدى زميلاتها المختمرات تنظر لها بشفقه ... لحظه ، هل نظرت لها للتو بشفقه هل هناك شئ خاطئ بها .. فاستئذنت من مريم و مازن و مروان و ذهبت إلى أقرب مرحاض لتنظر إلى نفسها فى المرآه فلم تجد شيئا غريبا و قبل أن تتحرك من أمام المرآه لتخرج وجدت تلك الفتاه تدخل من الباب و لا زالت تنظر لها بنفس النظره

ألاء : فيه حاجه يا آنسه

ملك : لأ مفيش أنا كنت بشبه عليكى و كنت فاكراكى واحده زميلتنا اسمها ألاء بس طلعتي مش هيا

ألاء : لأ انا ألاء

ملك : مظنش أنها انتى

ألاء : بقولك انا ألاء

ملك : لأ مش انتى يا آنسه .. لما وصفولى ألاء وصفولى بنت محترمه ملتزمه لبست الحجاب من و هيا صغيره و عارفه أنه بيحفظ البنت مش مجرد قماشه ، اللى وصفولى قالولى دى مستحيل تكلم شباب و أنها عندها حياء لكن اللى قدامى دى مسخ .. جثه .. بنت العيون بتنهش فى لحمها و لو طالوا كانوا نهشوها بإيدهم مش بعيونهم بس .. اللى وصفولى قالولى أنها بنت مغتربه وعدت أهلها تحافظ على نفسها و ترجعلهم بالسلامه و اللى قدامى دى بنت مش خانت ثقه أهلها بس لأ دى دشدشتها ١٠٠ حته .. اللى وصفولى قالولى إن ألاء لبست الخمار عشان تقرب من ربنا وعزيمتها خلتها تقف قدام عواصف ، و اللى قدامى واحده ضعيفه مع أول اختبار و أول نسمه هواء عدت جنبها وقعتها
روحى فى طريقك يا آنسه مش انتى اللى بدور عليها انا هروح أدور عليها و انتى بصى فى المرايه يمكن بعد ما تدورى و تراجعى نفسك تلاقيها
و خرجت ملك من المرحاض بعدما صفعت ألاء بكلماتها و أفاقتها من غيبوبتها .. فبعد خروجها أعادت ألاء نظرها للمرآه و هى تتساءل من هى تلك الفتاه فى المرآه