وتشرق الشمس على العالم فتكون بدايه جميله وامل للبعض والبعض الاخر لا يرى إلا انه مجرد يوم روتيني عادي
فى مكان جديد نزوره أول مره نرى فتاة جميله تستيقظ من نومها و هى تتثائب فاتحه فمها بطريقه تجعلك تظن أنها سحبت كل اكسجين الغرفه
نور لنفسها : إيه يا ام المصابيح هتفضلى تصحى كده كل يوم لوحدك سنجوله بائسه ملكيش لزمه .... امتى تيجى يا قرة عينى بقى
و تستفيق نور كالعاده من أحلامها الورديه على صوت نبع الحنان و هى تصرخ بها أن تقوم و تساعدها فى الطبخ و إعداد طعام الافطار و هى تمطرها بوابل من الكلمات الغاضبه و التى تتضمن (ياريتنى ما خلّفتك و لا اتجوزت انا كان مالى و مال الجواز ما انا كنت فى بيت ابويا معززة مكرمه )
قامت نور بكسل شديد من على سريرها و خرجت لتُجيب أمها :فعلا يا نونو انتى كنتى تقعدى عند الحاج جدى و مكنتيش تتجوزى بلا جواز بلا قله ادب انتى مكنش ليكى جواز اصلا ، مش عارفه هم سمحوا ازاى أنك تتكاثرى و تدمرى البشريه و تبتليها بينا
نسمه :يا رب صبّرنى على ما بليتنى ، صليتى يا آخره صبرى و لا لأ
نور: انا قولت ادخل اسرق بطاط.. قصدى اسرق بوسه منك نونو يا عسل و بعدها ادخل اتوضا
نسمه: على ماما يا بت ، رجّعى البطاطس عشان نلاقى حاجه ناكلها على الفطار لو مش هضايق روح الطفسه اللى عندك و روحى اتوضى عشان من هنستناكى و هناكل من غيرك
نور: هوا و هتلاقينى خلصت
و ذهبت نور و دخلت إلى المرحاض و توضأت و صلّت فرضها و خرجت لتناول وجبه الإفطار مع عائلتها الصغيره و التى تتكون من أب و أم و اختها الصغرى ليليان و لم تخلو الجلسه من مزاح نور مع أمها و شقيقتها الصغرى و التى تصغرها ب ٧ سنوات فأختها فى الصف الثانى الثانوى أما هى فقد تخرجت من الجامعه منذ عام واحد فقط و لم يوافق والدها على عملها رغم أنها طلبت منه ذلك كثيرا
وفي مكان اخر يستيقظ حسن من نومه على صوت امه وهي تصرخ بأخيه الصغير ان يستيقظ من نومه فيفتح عيناه بكسل شديد و هو يقول اذكار الصباح: اصبحنا واصبح الملك لله والحمد لله لا اله الا الله وحده لا شريك له له الملك وله الحمد وهو على كل شيء اللهم اني اسالك خير ما فى هذا اليوم و خير ما بعده و اعوذ بك من شر ما فى هذا اليوم و شر ما بعده رب اعوذ بك من الكسل و سوء الكبر رب اعوذ بك من عذاب فى النار و عذاب فر القبر ، اصبحنا على فطره الاسلام وعلى كلمه الاخلاص وعلى دين نبينا محمد صلى الله عليه وسلم وعلى مله ابينا ابراهيم حنيفه مسلما وما كان من المشركين ،اللهم بك اصبحنا وبك امسينا وبك نحيا وبك نموت واليك النشور ،اللهم انت ربي لا اله الا انت خلقتنى و انا عبدك وانا على عهدك ووعدك ما استطعت اعوذ بك من شر ما صنعت ابوء لك بنعمتك علي وأبوء بذنبي فاغفر لي فانه لا يغفر الذنوب الا انت، اللهم اني اصبحت اشهدك واشهد حمله عرشك وملائكتك و جميع خلقك انك انت الله لا اله الا انت وان محمدا عبدك ورسولك ،اللهم ما اصبح به من نعمه أو بأحد من خلقك فمنك وحدك لا شريك لك فلك الحمد ولك الشكر ، اللهم عافني في بدني اللهم عافني في سمعي اللهم عافني في بصري لا اله الا انت اللهم اني اعوذ بك من الكفر والفقر واعوذ بك من عذاب القبر لا اله الا انت (٣)،حسبي الله لا اله الا هو عليه توكلت وهو رب العرش العظيم(٧) ، اللهم اني اسالك العفو والعافيه في الدنيا والاخره اللهم اني اسالك العفو والعافيه في ديني ودنياي واهلي ومالي اللهم استر عوراتي وامن روعاتي اللهم احفظني من بين يدي ومن خلفي وعن يميني و عن شمالى ومن فوقي واعوذ بعظمتك ان اغتال من تحتي ، اللهم عالم من الغيب والشهاده فاطر السماوات والارض رب كل شيء ومليكه اشهد ان لا اله الا انت اعوذ بك من شر نفسي ومن شر الشيطان وشركه وان اقترف على نفسي سوءا واجره الى مسلم ، بسم الله الذي لا يضر مع اسمه شيء في الارض ولا في السماء وهو السميع العليم(٣) ، رضيت بالله ربا و بالاسلام دينا وبمحمد صلى الله عليه وسلم نبيا ورسولا (٣) ،يا حى يا قيوم برحمتك استغيث اصلح لي شاني كله ولا تكلني الى نفسي طرفه عين ابدا ،اصبحنا واصبح الملك لله رب العالمين اللهم اني اسالك خير ما في هذا اليوم فتحه ونصره ونوره وبركته وهداه واعوذ بك من شر ما فيه وشر ما بعده ، سبحان الله وبحمده عدد خلقه ورضا نفسه وزنه عرشه ومداد كلماته (٣) ،اللهم اني اسالك علما نافعا ورزقا طيبا وعملا متقبلا ،اللهم صل وسلم وبارك على نبينا محمد(١٠) ، اعوذ بكلمات الله التامات من شر ما خلق(٣)
خرج حسن من غرفته قائلا :صباح الفل يا ست الكل عامله ايه
سعاد: الحمد لله يا ابو علي عامل ايه انت
حسن: ادام الله حمدك يا ست الكل انا كويس الحمد لله عاملك ايه الواد ده على الصبح عشان صوتك يبقى عالي كده
سعاد: مش عاوز يصحى يا ابني هو كل يوم على كده امتى تتجوزوا وارتاح من الهم ده واشيل عيالكم بقى
حسن :هو انتى اتفقتى انتى والحاج عليا ولا ايه الحاج يبقى عليا امبارح وانتى عليا النهارده
سعاد: ما احنا عاوزين نفرح بيك يا ابني زي ما فرحنا باختك
حسن :فكرتيني والله نسيت اكلّم البت حبيبه امبارح
سعاد :ربنا يحفظهالك ويحفظك ليها يا حبيبي ايوه كده عاوزاكوا تفضلوا سند لبعض انتو طول عمركم متعلقين ببعض ف مش عشان اتجوزت تنساها بقى
حسن: حد ينسى توأمه برضو يا ست الكل
سعاد: ربنا ميحرمكوش من بعض يا قلبي
وفي هذا الوقت يخرج شاب من غرفهٍ ما و يظهر على وجهه آثار النوم وهو يقول:حبوني معاكم بالله عليكم هو احنا ملناش في الحب جانب ولا ايه و لا اكمنّه الكبير يعنى
سعاد :لما تبقى تصحى بدري وتروح جامعتك بدل ما انت سايبها كده نبقى نحبك معانا محمد : و ليه السيره دي بس على الصبح ده بدل ما تقوليلي صباح الخير يا حوده تقومي قايلالي روح الجامعه والله احنا بنروح مبنستفادش حاجه يا ست الكل بنبص للمعيد وهو بيشرح واحنا مش فاهمين هو بيقول ايه ولا هو بيبقى فاهم هو بيقرا ايه
حسن وهو يضربه على كتفه بمزاح :حد قالك تدخل صيدله ، مدام مش قد العلم بتتعلم ليه محمد: انا قلت يبقى للحاج والحاجه ابن يفرحوا بيه كده او يفتخروا بيه بدل ما هم عندهم خيبه كبيره بس
حسن: اه احنا هنلقح بقى بالكلام وشكلنا هنغلط في بعض اصطبح و قول يا صبح بدل ما اجي اوريك فين الخيبه وارقدك في السرير اسبوع ... ثم اكمل بسخريه: يا دكتور
محمد :خلاص يا عم هو احنا قد كمال الاجسام برضو انا لسه صغير و مدخلتش دنيا ،مش عارف انا يعني كان لازمته ايه التدريب ده يا عم و الجيم اللى مخوفنا بيه
حسن : طب خفّ شويه بدل ما اخرّجك منها قبل ما تدخلها
محمد: سكتنا اهو
و ذهب كل منهم يصلى فرضه ثم اجتمعوا على طاوله الإفطار و تناولوا وجبتهم ثم ذهب حسن مع والده إلى المكتبه و ذهب محمد إلى الجامعه و بدأت الأم فى تنظيف المنزل و هى تستمع إلى القرآن بصوت الشيخ محمد صديق المنشاوى
أنت تقرأ
لؤلؤه لغواص واحد
Randomانا موقنه أننى لؤلؤه فى قاع المحيط مختبئه عن اعين الصيادين و تُحيط بى محاره قويه لا يصل لى إلا غواص واحد قد غطس إلى قاع المحيط ليصل لى ، فهذه هى المسلمه تكون لؤلؤه جميله و تُخبّئ جمالها بثيابها الفضفاضة و تكون معززه مكرمه فى بيتها حتى يأتيها من يطا...
