لؤلؤه لغواص واحد

الجزء الثالث

فى صباح يوم الخميس

تستيقظ حفصه من نومها و هى تتمتم :الحمد لله الذى احيانى بعدما أماتنى و اليه النشور ، و دخلت إلى حمام غرفتها و توضأت و صلّت الضحى و نزلت إلى الأسفل لتجد الاء و ورده و نجاه و نجلاء يفطرن بالأسفل

صاحت حفصه عندما رأتهم : خيانه ! بتاكلوا من غيرى ، هو ده العشم برضو هان عليكوا المخلل اللى اكلناه سوا ، هانت عليكم عشرتنا من اسبوع ، طب العشرة تهون بس المخلل اكيد مش هيهون..... آه قلبى انجرح و جرحه عمال ينزف ..ينزف

نجلاء و نجاه بصوت واحد : إيه الاوفر ده يا بنتى

الاء :احنا عندنا محاضره بدرى هنعمل ايه يعنى و انتى بتبقى مهدوده وبتصحى تصلى الفجر و بتحضّرى الدروس و بتبقى تعبانه و فيكى اللى مكفيكى فصعبتى علينا و مرضيناش نصحيكى

حفصه : ياااه ... للدرجادى بتحبني يا ابو حمزه

الاء بغمزه : للدرجادى و نص يا ام العيال ما تجيبى حضن

حفصه : لا اتكسف

ورده : انا حاسّه أن فى فراغ عاطفى هنا

حفصه و الاء : فعلا يا اوختشى

و ضحكت الفتيات بمرح و انتهين  من وجبتهن و ذهبت كل واحده منهن إلى وجهتها

***************************************************************

فى بلد آخر

مجهول ١ : وحشتنى اوى و مش قادر على بعدها اكتر من كده

مجهول٢ : هنزورها قريب اوى متقلقش

***************************************************************

فى مدرسه على بن أبى طالب

ليليان : مقولكيش يا بنتى خرجت مع نور و جبنا شويه هدوم انما ايه عنب

سلمى : جبتوا ايه

ليليان : انا جبت شويه بناطيل واسعه على تونيكات على شميزات

سلمى : ايوا بقى و مجبتيش بناطيل جينز ليه

ليليان :  لا طبعا يا بنتى البناطيل الضيقة حرام و بتوصف الجسم

سلمى بتهكم : حرام .. امم ماشى ، طب و نور جابت ايه

ليليان : نور جابت ٣ خمارات ( احمر و ابيض و رمادى فاتح )

سلمى بتهكم: خمارات ... ايه اللى جابرها تلبس التعقيد ده

ليليان : بالعكس دى بيبقى شكلها شيك جدا و بتلبسهم على دريسات و بتبقى زى القم..

قاطع استرسال الفتاتين دخول حفصه إلى الفصل

حفصه ببسمه واسعه : السلام عليكم ورحمه الله وبركاته

الفتيات: و عليكم السلام ورحمة الله وبركاته

حفصه :  النهارده زى ما وعدتكم هناخد حصتين بلاغة و التالته هنتكلم فيها سوا ، نبدأ بسم الله