لؤلؤه لغواص واحد

الفصل الثانى و العشرون

إن يعلم الله فى قلوبكم خيرا يؤتكم خيرا مما أُخذ منكم 💙

محمد : ههه بجد مش متخيل منظرك و انت داخل على حسم و حبيبه الأوضه و بتقول اتصلوا على الإسعاف

زين : ليه يا أخويا مشبهش و لا مشبهش

محمد : بصى على شكل وشك فى المرايه بعد كده اتكلم

زين : ما انا ضربته انا كمان على فكره

محمد : انت هتقولى .. دبابتين خبطوا فى بعض يا ناس

حسن : خفّ ظرافه شويه لتبقى زيه

محمد : سكتنا يا باشا .. بس مش كنتوا تأخروا الخناقه شويه عشان اتفرج

حسن : تحب اعملك خناقه جديده و حصريه ليك

محمد بحماس : يا ريت .. بس خلى وشه زى خريطه أفريقيا كده

حسن و هو يقوم من مكانه : و ده اسمه كلام برضو .. افريقيا ايه خلينا فى خريطه العالم أحسن

محمد : حلاوتك يا حس .. إيه ده انت جاى ناحيتي ليه

حسن : تعويره خفيفه بس مش هتاخد فى إيدى غلوه

محمد و هو يجرى : يا حاااج .. الحق ابنك الكبير اللى هيخلص على حته السكر اللى فى البيت و آخر العنقود .. يا أمااااا

سعاد : متوسخش السجاده يا حسن و خلص بسرعه يا حبيبى

حسن : عيونى يا ست الكل

محمد : آه يا خاينه .. مطمرش فيكى العشره و البامبرز اللى غيرتيهولى

حسن و هو يمسكه : متزعلش يا حبيبى انا هريحك من الدنيا الظالمه دى

*****

و عسى أن تكرهوا شيئا و هو خير لكم💙

بعد مرور يومان

محمود : انا يشرفنى يا استاذ علىّ إنى اطلب إيد بنتك لابن أخويا آدم

علىّ : الشرف ليا والله .. بس خليها علىّ بس من غير القاب

محمود : ههه .. حاضر يا علىّ .. مرتاح كده

علىّ : آه جدا هههه

محمود : مش هنشوف العروسه بقى و لا إيه

علىّ : جايه أهى .. قومى يا أم خديجه شوفى العروسه اتأخرت ليه

و بعد دقائق

خديجه : السلام عليكم

الجميع : و عليكم السلام و رحمة الله و بركاته

أم آدم ( لميس ) : بسم الله ما شاء الله عرفت تنقّى يا آدم دين و أخلاق و أدب

سدره : الله يحفظك يا أم آدم

محمود : إيه مش هنسيب العريس يقعد مع العروسه شويه و لا إيه

علىّ : لأ طبعا و دى تيجى .. خدى العريس يا خديجه فى الصالون