ادعوا ربكم تضرعا و خفيه 💙
كانت تجلس بجوار صديقتها فى فتره الراحه بين الحصص و كانتا تتبادلان أطراف الحديث ، و لكن قاطع حديثهما وقوف إحدى الزميلات بجوارهما و تنحنحها بصوت عالٍ قليلا
أفنان : صباح الخير
ليليان : صباح النور ، عامله ايه
أفنان : الحمد لله ، بصراحه يا ليليان انا عاوزه اسألك على حاجه
ليليان : اتفضلى يا روحى
أفنان : انا عاوزه اعرف انتى ازاى اقنعتى اهلك انك تلبسى الخمار ، انا حاولت كتير انى اتكلم مع ماما الأيام اللى فاتت و رفضت رفض قاطع موضوع الخمار ، و قالتلى انتى لسه صغيره و البسيه لما تتخطبى أو تتجوزى ، و هتبانى كبيره و هيبقى شكلك وحش
ليليان : بصى يا قلبى ، بصراحه انا متعبتش فى إقناع ماما ؛ لأن اختى الكبيره مختمره و ماما بتعاملنى زى ما اكون اختها و صاحبتها ، و بتوافقنى غالباً على قراراتى لو كانت صح ، لكن انا فعلا بحسدك لأنك هتجاهدى عشان تلبسى الخمار ، فعلا يا بختك
أفنان : بس انا كده ممكن معرفش البسه ، انا مش عايزه اعصى ماما انا بحاول ألتزم ببر الوالدين على قد ما اقدر
ليليان : أولا : لا طاعه لمخلوق فى معصية الخالق ، ثانيا : مين قال انك هتعصى والدتك ؟ انتى هتسترضيها بأى شكل و تنفذى كل طلباتها و لكن بزعل فى نفس الوقت
أفنان : ازاى؟!
ليليان : يعنى من غير ما تقول تقومى تعملى المواعين أو تنشرى الغسيل أو تنظفى الشقه ، و لما تكلمك و هيا متفاجئة تبتسمى ابتسامه صفراء و تتعاملى ببرود شويه بس طبعاً بكل احترام عشان متجبش نتيجه عكسيه
أفنان : فكره حلوه ، بس تفتكرى هتقتنع كده
ليليان : هتقتنع ان شاء الله ، الفكره دى صاحبتى جربتها و مفاتش اسبوع إلا و أمها كانت موافقه و لبست النقاب
أفنان : اللهم بارك ، انا ازاى مفكرتش اعمل كده ؟!
ليليان : عشان انتى عندك طبق سلطه فى دماغك مش مخ
أفنان : لا والله
ليليان : آه والله
أفنان : طب تعالى بقى و انا اخليكى تدوقى السلطه .......
****************************************
و قل رب زدني علما 💙
كانت جالسه فى تلك الندوه التى تُقام كل فتره فى ذلك المعهد ، و كانت تكتب وراء المعلمة كل معلومه تقولها فى نوته صغيره ، فهى لم تكتفِ بحفظ القرآن الكريم فقط ، بل بدأت فى حضور ندوات العلوم الشرعيه و الفقه ، و لكن جاءت إحدى الفتيات و جلست جوارها ، لم تهتم لها ببادئ الأمر و لكنها انتبهت لها مُرغمه عندما سألتها الفتاه عن قلم
أنت تقرأ
لؤلؤه لغواص واحد
Randomانا موقنه أننى لؤلؤه فى قاع المحيط مختبئه عن اعين الصيادين و تُحيط بى محاره قويه لا يصل لى إلا غواص واحد قد غطس إلى قاع المحيط ليصل لى ، فهذه هى المسلمه تكون لؤلؤه جميله و تُخبّئ جمالها بثيابها الفضفاضة و تكون معززه مكرمه فى بيتها حتى يأتيها من يطا...
