قال لا تخافا إننى معكما أسمع و أرى 💙
تنفس بعمق ثم توكل على الله و اتصل برقم والد تلك الفتاه التى حدّثته عنها آسيا
آدم : السلام عليكم
علىّ : و عليكم السلام و رحمة الله و بركاته ... مين معايا
آدم : انا اسمى آدم ..، هو حضرتك والد الآنسه خديجه
علىّ : ايوا انا فى حاجه يا ابنى
آدم : بصراحه يا عمى انا طالب منك إيد بنتك و أرجو أن حضرتك توافق و تديني ميعاد آجى اتقدم
علىّ : بصراحه يا ابنى انت فاجئتنى ... ممكن تديني اسمك الثلاثى و عنوانك اسأل عليك الأول
آدم : طبعا يا عمى انا اسمى آدم محمد إبراهيم و ساكن فى .....
علىّ : تمام يا ابنى ... و انا إن شاء الله هرجع اتصل بيك لو فى نصيب
آدم : إن شاء الله .... السلام عليكم
محمد : و عليكم السلام و رحمة الله و بركاته
*****
و أفوض أمرى إلى الله إن الله بصير بالعباد 💙
فى صالون بيت نور
كان حسن يجلس بجوار والديه و أخاه و لم تأتِ حبيبه معهم هذه المره متعلله بمرض يونس ... و كان أمامهم صينيه من العصير أحضرتها نور و التى تجلس الآن و هى تنظر للأرض فى خجل
ليليان بهمس فى أذنها : فى حاجه واقعه منك يا نونو و لا إيه .. ارفعي راسك يا قلبى انا عارفه انك برعى
نور و هى تجزّ على أسنانها : هقتلك لما يمشوا يا ليليان صدقينى
ليليان : من ورا قلبك انا عارفه
نور : هنشوف
نسمه : اسكتى منك ليها بدل ما ابوكوا ينفخكوا
ابتلعتا لعابهما فى خوف و صمتتا
و بعد دقائق من الحديث المتبادل بين الرجال طلب الحاج محمد من كارم أن يجلس حسن مع نور للمره الأخيره ليتحدثا فوافق
حسن : احم ... عامله إيه
نور : الحمد لله
حسن : أدام الله حمدك حابه تسألى عن أى حاجه
نور : انت ممكن تجبرني على حاجه
حسن : على حسب
نور : ازاى ؟
حسن : يعنى لو انتى مش عاوزه تعملى فرض هجبرك أنك تعمليه أو لو بتعملى معصيه هجبرك تسيبيها ... يعنى مثلا لو بتحطى مكياج أو برفان همنعك تحطيهم لأنك هتبقى زوجتى و ربنا هيسألنى عليكى ( و قفوهم إنهم مسئولون ) ( كلكم راعٍ و كلكم مسئول عن رعيته ) و انا مش ديّوث
نور : يعنى ايه ديوث ؟!
حسن : الديوث هو الذى لا يغار على أهل بيته و ده لا يدخل الجنه
أنت تقرأ
لؤلؤه لغواص واحد
De Todoانا موقنه أننى لؤلؤه فى قاع المحيط مختبئه عن اعين الصيادين و تُحيط بى محاره قويه لا يصل لى إلا غواص واحد قد غطس إلى قاع المحيط ليصل لى ، فهذه هى المسلمه تكون لؤلؤه جميله و تُخبّئ جمالها بثيابها الفضفاضة و تكون معززه مكرمه فى بيتها حتى يأتيها من يطا...
