لؤلؤه لغواص واحد

الفصل الثانى و الأربعون

و من الناس من يجادل فى الله بغير علم 💙

جلست فى حياء و هى تنظر إلى الأرض بهدوء منتظره أن يتحدث الجالس أمامها

سلمان : احم أولا و قبل أى حاجه انا عاوز اعرفك معلومه مهمه

حفصه : إيه هيا

سلمان : انا اسمى القديم كان أبانوب

حفصه : أبانوب !!

سلمان : ايوه مكنتش مسلم ، لكن أسلمت من كام شهر

حفصه : و فين المشكله

سلمان : يعنى انتى معندكيش مشكله فى شيئ زى ده

حفصه : لأ طبعا ، بالعكس انا مندهشه من شجاعتك

سلمان : جزاكى الله خيرا ، عندك أى اسئله

حفصه : بتصلى كل الصلوات فى المسجد جماعه

سلمان : آه الحمد لله و حتى الفجر بصليه حاضر

حفصه : و السنن

سلمان : أنا بحاول احافظ عليها على قد ما اقدر

حفصه : جربت تصوم اتنين و خميس

سلمان : أنا صمت فعلا قبل كده بس اشمعنا اليومين دول

حفصه : قال رسول الله - صلى الله عليه و سلم - : ( تعرض الأعمال يوم الاثنين و الخميس ، فأحب أن يعرض عملى و أنا صائم ) رواه الترمذي

سلمان : امم تمام ، هحاول اواظب إن شاء الله ، أى اسئله تانيه ؟

حفصه : اسأل أنت

سلمان : بصراحه انا معنديش أى اسئله ، انا بس عاوزك تتكلمي عن نفسك

حفصه : اممم انا عندى ٢٥ سنه و بشتغل معلمه للمرحله الثانويه و بحب القراءه جدا ، ببساطه أنا اتأخرت فى الزواج لأنى عندى مواصفات معينه لزوجى فى المستقبل ، فأنا هقولها و انت تقيسها عليك

سلمان : تمام

حفصه : اولا محافظ على الصلوات فى المسجد ، صيام كتير لعل و عسى أكون انا و هوا من أهل الريان ، كثير التصدق ، حافظ القرآن أو على الأقل الزهراوين ، مبيشربش سجائر ، عاوزه اب و أخ و صديق قبل ما يكون زوج ، عاوزه زوجى يكون مُعين ليا و يشجعني على الأعمال الصالحه عشان يكون من نصيبى فى الجنه

سلمان : ممكن تقولى انا ٧٥ % ، لأن عندى مشكله فى الصيام و الصدقه ، بس انا معرفش ايه الزهراوين اصلا

حفصه : دول سوره البقره و آل عمران

سلمان : لأ انا لما بدأت حفظ حفظت من السور القصيره و بصراحه حاليا فاضل ليا ٤ سور ( المائده و النساء و آل عمران و البقره )

حفصه : اللهم بارك اللهم بارك ، مفيش مشكله ، ده إنت خطيت شوط كبير أوى ، بس ممكن أسألك سؤال