ပန်းဥယာဉ်လို အချစ်(Complete)

part 38

ပန်းဥယျာဉ်လို အချစ်
အပိုင်း(၃၈)
အဲလက်ဟာ စွပ်ကျယ်ဂျိုင်းပြတ်အနက်ရောင်၊ဘောင်းဘီတိုတိုလေးတထည်နဲ့ လက်တော့ကိုပါ အိပ်ရာထက်သို့ ယူလာပြီး သတင်းတွေ ဖတ်နေသည်။လီယိုကမူ စားပွဲဘေးက ခုံလေးပေါ်မှာ ထိုင်ကာ စာဖတ်နေသည်။

ဒီနေ့က လီယိုလည်း ဆောင်းဦးရာသီ ဖက်ရှင်ထုတ်ကုန်တွေကို Limited edition နဲ့ ထုတ်ရောင်းပြီးသွားတဲ့ နောက်တနေ့ဖြစ်ပြီး အဲလက်ကလည်း မီးနူးအသစ်တခုကို အတည်ပြုပြီးသွားပြီး စားသုံးတွေရဲ့ တုံ့ပြန်မှုကို စောင့်ကြည့်ဆဲကာလ ဖြစ်ပေမယ့် အားလပ်ချိန်လည်း ရှိတဲ့ နေ့လေး တနေ့ ဖြစ်တာကြောင့် ဟိုဟိုဒီဒီတွေ လိုက်ဖတ်ကြည့်နိုင်တဲ့နေ့လေးလည်း ဖြစ်သည်။

"မတားဆီးနိုင်တော့သော အချစ်"
စီးရီးမှ သရုပ်ဆောင် "အက်ဘယ်ဝါရင်း" တယောက် ရိုက်ကွင်း၌ မတော်တဆ ထိခိုက် ဒဏ်ရာရ။

"မတားဆီးနိုင်တော့သော အချစ် " စီးရီးမှ သရုပ်ဆောင် အက်ဘယ်ဝါရင်း တယောက် အတူသရုပ်ဆောင်သူ ဖီးလစ် အား ကယ်တင်ရင်း ရိုက်ကွင်း၌ ထိခိုက်ဒဏ်ရာရဟု မျက္ မြင်တဦးမှ ပြောကြား။

"မတားဆီးနိုင်တော့သော အချစ်" စီးရီးသည် ပြသနိုင်ရန် အချိန် ကြာဦးမည်ဖြစ်သည်။

"မတားဆီးနိုင်တော့သော အချစ်" စီးရီး မှ အမျိုးသား သရုပ်ဆောင် နှစ်ယောက် အတည်တွဲသွားကြပြီလား? ဟု သံသယရှိဖွယ် အချက် များ ......။

ဘာရယ်မဟုတ်ဘူး ဟိုဟိုဒီဒီ ဖတ်ကြည့်နေရာမှ အခုတလော hot သတင်း ဖြစ်နေတာကြောင့် ဝင်ဖတ်ကြည့်လိုက်ရင်း အဲလက်တယောက် ကြည်ကြည်နူးနူးဖြစ်လောက်အောင်အထိ သဘောကျသွားတာမို့ ပါးစပ်ကပင် အသံထွက်သွားအောင် ရယ်မောနေမိသည်။

တကယ်ဆို အကို ဖီးလစ်သည် အဲလက်၏ Idol လည်းဖြစ်သည်။ပြီးတော့ သည်အတိုင်း နေရင်း၊ထိုင်ရင်းပင် အကိုဖီးလစ် ကို သဘောကျပြီး ပျော်ရွှင်စေချင်သည်။အကို အက် နှင့်ဆိုတော့ ပိုပြီး သဘောကျရသည်။

ပြီးတော့ "မတားဆီးနိုင်တော့သော အချစ်" စီးရီး၏ ဝတ္ထုကို လည်း အဲလက်ကဖတ်ပြီးတော့ သဘောကျခဲ့ဖူးသည်။အခု သူသဘောကျရသည့် ဝတ္ထုကို သူသဘောကျရသည့် သရုပ်ဆောင်တွေနဲ့ ရိုက်ကူးနေတာမို့လည်း သူလည်း ကြည့်ချင်လို့ စောင့်မျှော်နေရဆဲ စီးရီးတခုလည်း ဖြစ်သည်။