تتكلم هاذه القصه عن طفله تم اختطافها عند ولادتها ورميها عند شط العرب فوجدها رجل كبير في العمر وقرر تربيتها لترعا كبرته وعندما كبرت واصبحت بس المراهقه تركها الرجل بوفاته وبقيت لوحدها تعاني من الم الحيات والفقر الشديد وجوع ووجع هاذه الايام 💔🥀🥀
.
.
...
هاي القصه لاحدا متابعاتي الي متابعتني ❤🥀 . . ________________ . والعوده في الماضي في عاام ٢٠٠٢ من شهر نيسان كانت هناك امرأه وهيه بحاله ولاده في احد مستشفيات البصره وكانت بمراقبه لممرضه عملت عند زوجه الثانيه لزوج هاذه المرأه التي ستولد فخطفت الممرضه الطفله وعطتها لشاب لكي يتخلص منها واعطت جثت طفلن اخر للمرأه بعد اجره الزوجه الثانيه بمبلغ ضأيل من الاموال . فذهب الشاب ووضع الطفله الملفوفه ببطانيه على ضفاف شط العرب وتركها وذهب وبدأت الامواج بدفع الطفله الى مكان اليابسه وتتجمع حولها طيور النورس الكثيره . . _____ . الحجي عيسى وانه عله زورقي عله شط العرب جاي اصيد وكفت زورقي عله اليابسه ونزلت من عنده سمعت صوت بجي طفل بعيد عليه اترقبت الصوت ورحت مشيت عله مسمعي جان لجحت من بعيد شي ملفوف ابطانيه صغيره وحوالي طيور النورس ملتمه ومن عنده جاي الصوت رحت بسرعتي ركضت شردت الطيور وشلت الغطه من وجه الطفل شفته طفله ازغيره بعدهة خليت وشلتهة بادي وهيه ناكعه ماي نزعت عنهة البطانيه ولفيتهة بقمصلتي وضميتهة بين اديه وحجيت وياهة . الحجي عيسى: انتي منين اجيتي وين اهلج تسودنت الناس تشمر ضناهة يله راح اداريج انه لان انه لوحدي ما عدي احد وخليج لكبرتي اداريني اصيرين ابنيتي يله خلي ارد لدارنه بعد تاخرنه . . رجعت بيهة للدار وجبت الهة مميه وطيتهة حليب شربته كله جوعانه خطيه . الحجي عيسى: الف عافيه الف عافيه بس بعد اطيج اسم......راح اسميج نوارس عله طيور الي خفتي منهن ذيج الساع حته مصير عندج نقطه ضعف تخشين منهة . . وبعد مرور السنين . . _______________ . . . السلام عليكم اني اسمي نوارس عمري ١٧سنه عشت يم رجال كبير بالعمر هوه الرباني وصار اهلي وهوه هم جان وحيد واني صرت كل عائلته . مواصفاتي اني بيضه شعري مو حيل اطويل بس ناعم وثخين كلش طولي ١٦٠ اعيوني وساع لونهن عسلي فاتح متروسه جسمي مو ضعيف . وهاي البنيه اشبهة اني نفس المواصفات بيني وبينهة ونفس الشعر بس اعيوني عسليه مالاتي👇👇
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
. . وغير محجبه اطلع بدون حجاب احب ابين نفسي عود اني قويه وميهمني شي بس اني من الداخل مكسوره ومتأذيه . . _______________ . . نوارس واني داخله للبيت شمرت جنطتي مالت الضهر عله الكاع ونزعت حذائي وباوعت للسكف جاي ايخر ماي لان جانت تمطر والبيت قديم ميتحمل واني جاي ابجي عله حالتي مكدرت الكي شغل ولا اجيب افلوس لابوي عيسى وهوه حيل مريض سمعت صوته صاحلي . الحجي عيسى: بويه نوارس هاي انتي نورارس:ايي ابوي عيسى هاي اني الحجي عيسى: تعالي خلي نحجي . نوارس مسحت ادموعي وبتسمت وسويت نفسي طبيعيه ودخلت للهول وهوه امدد بفراشه مد ايده وكالي . الحجي عيسى: تعالي بويه يمي خلي اشبع منج . نوارس كبل نزلت ادموعي ورحت ركض عليه وكضيت ايده وكمت ابجي واكله . نوارس: اعذرني بويه عيسى بس ما كدرت اجيبلك العلاج ما كدرت ادبر لفلوس الحجي عيسى: عادي بويه لا تنقهرين اصلن بعد ما بي فايده هاي اخر ساعاتي نوارس: اسم الله عليك لدكول هيج ما اكدر بدونك اني انته عائلتي الحجي عيسى: لا تكدرين ابدوني لان انتي قويه اني جنت ما اكدر بدونج اخاف اخسرج نوارس: ربي ايخليك اليي كون(وكمت ابجي) الحجي عيسى: يا بنتي تعرفين ليش سميتج نوارس نوارس:(مسحت ادموعي وكلت)اي ليش هيج سميتني؟؟ الحجي عيسى: يوم اللكيتج بي جانت طيور النوارس ملتمه عليج وانتي جنتي تبجين مرتعبه منهن واني سميتج بهاذ الاسم علمود اتواجهين مخاوفج وتكونين قويه وما عندج نقطه ضعف فاريد اتوعديني تبقين قويه ميكسرج شي وبنفس الوقت كلبج طيب نوارس: انشاء الله بس صير زين الحجي عيسى: اوعديني يله اتاخرت عله ساعتي نوارس: اوعدك راح ابقه قويهه الحجي عيسى: عفيه عليج ابنيتي . نوارس واني حاضنه ايده وابجي عليهة ما اريد اهده ولا اريد ايعوفني واله غلبني نعاسي ونمت يمكن مطولت عشر دقايق وفزيت من نومي كبل باوعت لابوي عيسى لكيته ميتنفس ولا يتحرك كبل كمت ابجي بقوه وكمت اهزهز بي واريد اكعده وصيح . نوارس: (ابجي)لااا فدووه لا تعوفنيي ما اكدر للدنيه وحديي فدوهه اكعدد بوويه والله ما الي غيرك لااااا . . بقيت اعيط وصيح وابجي بس كل هاذ مابي نفع بعد لان بعد مستحيل يكعد وذكرت عد عيسى اخوان بس همه ميعترفون بي لان اخوانه زناكيل كلش ميحبون عيسى . كمت كبل ركضت ابكل سرعه وبدون ما البس الحذاء او شي ابرجلي ركضت لبيت اخو عيسى اندله بس هوه اشوي ابعيد اركض وابجي الناس اتباوع عليه ومتعجبين حسبالهم مخبله اركض رحت دكيت الباب ابقوه طلعلي اخو كبل . زياد:(بعياط)اشبييج فلشتي الباب نوارس:(ابجي)ابووي ابووي زياد: اشبي ابوج انوب نوارس: ماات ابويه ماات (ابجي) زياد:ايي حقه ايموت الفكر كلا بمكانه . . نوارس التمو اخوان عيسى ولكل اتفق راح ايسون الفاتحه الكل يدفع الهة سوو الفاتحه هيج بينهم حالهة حال الصدقه سووهة كوه ايطلعون الفلس من اجيوبهم وهمه زناكييل كلهم طاكين اني مرحت للفاتح بقيت كاعده بالبيت لان اخوان عيسى ماايطيقوني ابد ولا ايحبوني هوه جان ابويه عيسى موجود وجانو كليوميه ايكلوله اشمرهة عوفهة بعد وهوه ايكللهم ما عدي غيرهة اشلون اعوفهة . مر شهر كامل عله وفات عيسى وبهاذ الشهر كل الوقت اني كاعده بالباب اخاف ادخل للبيت بس باليل ومن اريد انام ما اكدر من الخوف وامه الغده والعشه خطيه الجوارين عيشوني بهل شهر كليوميه واحد ايجيبلي صينيهة بيهة اشكال وره هاذ الشهر المر قررت بعد ارجع ادور شغل اشتغل بي واطلع افلوس اعيش بيهة . طلعت من البيت قفلته وجانت الساعه بال٨ونص الصبح شفت ام جيرانه بالباب تكنس . نوارس: صباح الخير عمه ام نور: هلا صباح النور ابنيتي اشلونج نوارس: لحمد لله انتي اشلونج ام نور: لحمد لله بس عليج الله اذا محتاجه شي كوليلي نوارس: لا سلامتج عمه اني رايحه . نوارس رحت جاي امشي بالمنطقه منطقتنه زراعيه رحت كبل البيت صديقتي ساره لان صار فتره مشايفتهة رحت دكيت الباب . حمودي: منوو نوارس: انيي نوارس افتح فتح الباب حمودي: هلا ابنوروسه شلونج نوارس: لحمد لله ساره موجوده حمودي: اي هسه اصيحه . راح ايصيح ساره اني دخلت للحوش(طرمه)وكفت يم الباب انتضر اجت ساره . ساره: نووروسه حبيبتيي مشتاقتلج نوارس: هلوو اني اكثر والله ساره: خير وين رايحه من الصبح اشوفج امبدله نوارس:راح اطلع بعد ادور شغل صار شهر عايشه عله الجيران ساره: نوارس مو كتلج عوفي ذاك البيت الخرابه وتعالي يمنه كعدي امعززه امكرمه نوارس: اولن عيب من اهلج وثانين ما اريد اني اعتمد عله نفسي وثالثن ما اكدر اعوف بيت ابويه عيسى بذيج الدكولين عليهة خرابه عطرر الرباني ساره: الله ايسهل عليج كلبي نوارس: شكرا متقصرين ساره: بس ابقي عله علم اشوكت ما تردين او تحتاجين شي تعالي بيتنه مفتووح الج كله وامي اتحبج حيل وتتمناج تبقين يمنه نوارس: الله كريم حبيبتي اني اروح بعد ساره: الله وياج كلبي ارجعي عود لدغيبين هيج نوارس: انشاء الله باي . نوارس عفتهة وطلعت رحت للمحافضه والمناطق الراقيه بيهة شغل لان منطقتنه ما بيهة الناس البيهة كاعدين كوه ايعيشون نفسهم هنوب اني اجي فاروح للاماكن الراقيه ادور بالمحلات محد ايريد اخر شي شفت كوزمتك اكبير كلش طابقين دخلت واني صافنه عله الملابس اشكد حلوات مال بنات اباوع واتحسر محسيت اله صاحب المحل حاجاني . الشخص: اتفضلي ست تحتاجين اساعدج ابش عدنه انواع الموديلات وجميع الالوان الي يعجبج اني بالخدمه والاسعار زينه نوارس:السلام عليكم الشخص:(ابتعجب)وعليكم السلام نوارس: محتاجين عامله تشتغل وياكم اساعد النسوان التجي اهنا او منضفه او ايشي بس المهم شغل الشخص: هاا يعني انتي جايه علمود شغل نوارس: ايي والله الشخص: ما شاء الله ولا امبين عليج ادورين شغل عله هل شكل الحلو وفاله الشعر نوارس: عفون🤨 الشخص: لتفهميني غلط اخيتي بس كلت انتي حلوه اشعجب اهلج خلوج ادورين شغل نوارس: هسه عدكم لو ادور بغير مكان الشخص: عدنه بس شغله وحده وبس لهاذ اليوم نوارس: ايي كول شنو الشخص: اريد اتنضفين الكوزمتك كله وشتأمرين اني حاضر وبس هاذ اليوم او ايوم تحتاجين شغل تعالي نوارس: اريد كل يوميه الشخص: لا ما اكدر كل يوميه نوارس: اوكي كل فتره اجي الشخص : ايي احسن وتكدرين هسه تبدين والمعدات التنضيف موجوده بذيج الغرفه ومن اتخلصين تعالي اطيج اكراميتج نوارس: حاضرر . . نوارس رحت طلعت الغراض التنضيف من الغرفه ماسحه ومكناسه ام العوده وريشه لتنضيف الرفوف كضيت المكناسه ام العوده ما اعرف انضف بيهة لان اني متعوده عله مكناسه السعفه اكنس بيهة بس مشيتهة وكوه كنست الكوزمتك ونضفته كله صارت دنيه ليل اباوع لساعه صارت بال٧وربع خلصت ورحت لابو الكوزمتك نفس الشخص . نوارس: السلام عليكم الشخص: وعليكم اشلونج نوارس: لحمد لله كلشي خلصت تنضيف الشخص: اشكد تأمريني نوارس: ابكيفك الي يطلع منك الشخص : اوكي . نوارس وفتح الدخل وطلع منه خمسه وعشرين وطانياهة واني اتعجبت كلش اهواي . نوارس: لا هاي اهوااي الشخص: عادي اكراميه من المحل نوارس:(نزلت راسي وبتسمت )شكرا متقصر الشخص: ادللي . . نوارس طلعت من الكوزمتك واني طايره فرح اول مره اكض بايدي خمسه وعشرين حايره شسوي وششتري بيهة وردت اضمهة بالجنطه العله ضهري وجان ما احس اله ولد شاب اجه ضربني ابجتفه حيلل وكعني بالكاع ويه ما ضربني سحب الفلوس من ايدي وخذاهن وشرد واني وكعت عله الكاع وكمت ابجي واصيح ورا . . نوارس: (بعياط وبجي)لاا تعاال حرام عليك كوه طلعتهة لاا . وكمت اريد اركض ورا كضاني شرطي من ايدي وسحبني عليه . نوارس: عووفنيي عوفنيي ولك وخرر الشرطي: كافي ماكو فايده بس فاضحه نفسج رااح نوارس: وخرر مني الله ينتقم منك رزقي خذاا الشرطي:(بعيطه)كاافيي . نوارس سكتت وبس ابجي وكفت اكباله الشرطي: وين بيتج اهلج وين نوارس: ما عديي اهلل جان رزقي يمي وخذا هاذ الحيوان الشرطي: اشكد اخذ منج؟؟ نوارس: لا هاهيه شكرا خلي اتولي السرطي: اني اطيج اضعاف الاخذ منج بس كولي نوارس:شنوو انته تصدق عليه ما اريد . وعفته وشلت جنطتي من الكاع ورحت من يمه بقيت امشي بالشارع ودموعي تنزل بس كلت خلي ابقه قويه ومسحت ادموعي ورجعت للبيت ودنيه ليل ردت افتح باب البيت بالمفتاح لكيته مفتوح اتعجبت وخفت اخاف حرامي شلت خشبه ودخلت ابهدوأ رحت للهول وشفت اخوان عيسى اثنين كاعدين . نوارس: السلام عليكم الكل: وعليكم السلام نوارس: اشعجب اليوم اهنا عباس: اجينه حجي وياج احجايتين ونكوم نوارس: شنو كولو زياد: هاذ البيت بيت اخونه وصار ورث النه وريده نوارس: شنووو وانيي عباس: دبريلج كوخ نوارس:ويين اولي هاذ بيت ابويه ما اطلع منه زياد: الصميه يا بت الحرام عيسى مو ابوج وكلنه نعرف هل شي وهوه لكاج عله طياف الشط نوارس: اطوني فتره زين لبين ما الكالي مجال عباس: الج يومين ماكو غيرهن وراحه انشيلج من ثوبج ونكلعج من هل بيت . نوارس اني بس تنزل ادموعي وهمه كامو وراحو اني كعدت ابزاويه الغرفه وابجي بكل قوتي وكلول . نوارس: ياا رب ليش هيج اني شمسويه ليش كل ما اكول فرجت تنسد ابجهي يا ربيي ساعدني وين راح اكعد هسه ياا الله مجااي اشوفنيي مجااي تسمعنيي لييش جاي اتعب كليوميه اكثرر . ابجي واعيط من شوطه كلبي الي اني بيهة وغلبني نعاسي ونمت . . . يتبع في البارت القادم اذا عجبتكم اكمل القصه ويه البنيه الي كالتي انشرهة❤❤
