اوجاع طير النوارس

البارت 22

.
.
.
نوارس
اذكرت اسد وكل لحضه ويا وذكرت من جان ايكلي ازوجج
.
نوارس: يعني بعد ما اكدر ازوج؟
سميه: مامه هسه اشجاب هاذ الطاري حبيبتي انتي
نوارس: مامه جاوبيني يعني هاهيه ما اكدر بعد
ودموعي كامت تنزل
حوراء: حبيبتي سونه لتبجين
سميه: مامه كافي كلبي انتي
نوارس: مامه المريت بي انيي مجاي ايروح من اعيوني جاي اشوف كلشي بعيوني ما اكدر انسه شيي راح ينفجر راسي من التفكير
سميه: كافي يا بعد حيل امج لتبجين بعد كلشي صار وراح لتنقهرين وبعد مستحييل ينعاد
.
نوارس
وكضتني امي من راسي وجرتني لحضنهة وخليت راسي عله صدر ودموعي تنزل وحس كلبي ايريد ايطك عله اسد صار اشكد مشايفته
.
.
___________________
.
.
في مكان اخر
.
اسد
واني كاعد بمكتبي فكره اتوديني وفكره اجيبني وما اعرف ابشنو راح ابدي اشتغل أشو ذوله طلعو يشتغلون ويه عصابه بالتجاره المخدرات والاعضاء البشريه هسه اتفرغ لسالفتهم لو اتفرغ لسالفه نوارس احس راسي داخ هلكد مفكرت بالموضوع
وكبل خابرت عله العميد احمد هاذ صديقي بس علاقتي مو كلش قويه بي بس مليت شسوي
ورد
.
احمد: الوو هلو سيد اسد
اسد: هلا بيك احمد شلونك
احمد: بخير سيدي انته شلونك
اسد: فدوه طلعني من جو الشغل ولدكول سيدي كول بس اسد
احمد: اشبيك اسد خوما صاير وياك حاجه
اسد: والله احس راسي راح ينفجر من التفكير كلت بلكي اشوفك خلصت شغل حته اشوي نطلع انغير جو انه وياك
احمد: بس اسد اذكر عدك تحقيق ويه علي وياسر اليوم
اسد: هسه هيه دنيه ضهر عود بالليل احقق وياهم مالي خلكهم ايوترون اعصابي
احمد: يله جايك اخذك واني علي طلعتك اعزمك ابمطعم عمرك ما ماكل نفس اكله
اسد: خوش خويه اتانيك انه
.
وسديت الخط من احمد احسن شي اسوي اشوي اغير جو ويه احمد وهوه هم اشوي اسبورتي ويحب الدياحه وشوي ودخل للمكتب
.
اسد: يله جايك بعد اخوك
احمد: اليوم ونستك عليه
اسد: اكيد غصبن عنك جا علويش جبتك غير علمود اتونسني ومن جيبك
احمد: ادلل يا بعد اخوك
.
وطلعت ويه احمد رحنه ابسياره احمد هم واني بالي يم نوارس اكلت شربت بردت حرت ما اعرف شي ومصحاني غير احمد
.
احمد: اشبيك صافن
اسد: لا بش شغله ابالي
احمد: شنو هيه كول بعد اخوك اني ازيح همك وخفف عنك
اسد: لا بس شاغله بالي قضيه ياسر وابو
احمد: لا لا انته ردت تطلع من جو الشغل مو مال اجذب عليه كول شبيك
اسد: شكلك كوم اكو حجي
احمد: كول الي شاغل بالك اكثر شي
اسد: امري لله بعد بلكي ايخف اشوي عني
احمد: اكيد خويه كول انه معاك
اسد: بس هاا مو باجر الكه السالفه مطشوشه بين خلك الله
احمد: لك صدك انته ما تستحي اي والله جا قابل انه مره علمود افضح احد ما عدي صدك شارب رجال ابجهي
اسد: حشاك خويه بس انه ما احجي الي ابداخلي ابد بس انته راح احجيلك
احمد: كول بعد اخوك شكو شجارك
اسد: تعرف هسه اني اشكد عمري
احمد: ٣٤ سنه غير؟
اسد: ايي وبعد كم شهر اصير ٣٥ سنه
احمد: وشكو بيهة جا متريد تكبر بعد
اسد: لا مو اهنا القصه
احمد: اي لعد شكو بيهة
اسد: حبيت وحده عمرهة ١٨ سنه
احمد:(ابصدمه)شنووو صدك تحجي انته عوود لا لا اكيد جاي اجذب عليه
اسد: والله ما مجذب شوف مو اكلك صعبه
احمد: ورب الصعوبه زين منو هاي لبنيه تعرف اصلهة فصلهة تعرف بيك اتحبهة لا
اسد: اي تعرف بيه احبهة اني وهيه هم اتحبني
احمد: بس اشلون اهلهة مستحيل يرضون
اسد: وانته تعرف منو هاي
احمد: منو هاي يعني شايفهة اني
اسد: ايي شايفهة
احمد: احجيي مو راح تنفجر حوصلتي ما اتحملل
اسد: هاي لبنيه الي انخطفت ذاك اليوم
احمد: الي ايصير اخوهة ياسر وابوهة علي ونخطفت ابسببهم
اسد: اي هيه
احمد: والله ما اعرف شكلك يا خويه وما اكدر احكم عله لبنيه لان ما اعرفهة
اسد: شوف بعد كم يوم راح اروح تحقيق عليهة وراح اخذك وياي وانته اسمع حجيهة وسالهة عله كللشي اتريده وبعدين من نرجع كول رايك
احمد: خوش فكره وتدلل واذا خوش بينه شرط ازفك بسيارتي
اسد: حبيبي انته متقصر
.
وبقينه انسولف وحجيله عله ماضي نوارس وهو متعجب اشلون ابوهة ذبهة هيج وصلنه للمطعم كعدنه وطلبنه اكل
.
.
.
________________
.
.
في مكان اخر
.
نوارس
واني صعدت للغرفه سمعت صوت حنين تحجي وهيه متفاعله وضايجه ودخلت للغرفه شفتهة اتخابر
.
حنين: يله رووح روح بعدين نتفاهم ....اوكي مراح انسه.....يله باي
.
نوارس
كعدت عله الجربايه وكتلهة
نوارس: هاذ عباس عله الخط
حنين: لا يا عباس هاذ وسام
نوارس: يعني تكدرين تتواصلين ويا عله هاذ المبايل
حنين: اي اكدر
نوارس: لعد اشبيج ضايجه
حنين: اتعاركت ويا وسام
نوارس: ليش اتعاركتي ويا
حنين: عصبيي هوه كللش وميثق واني اكره هيج
.
ودخلت حوراء وسدت الباب وشافت حنين كالبه وجهة ومنزله راسه وكالت
.
حوراء: اشبيهة حنين؟
نوارس: متعاركه ويه وسام
حنين: اي واريد اعوفه بعد
.
نوارس
حجت هيج حنين وكبل ادموعهة كامت تنزل وجت كعدت ابصفهة حوراك ورفعت راسهة وكالت
.
حوراء: ضوجج ابيش هاذ العار
حنين: لا كلشي ماكو
نوارس: لعد اشبيج تبجين
حنين: ميتفاهم ابد بس ايعيط ويصيح وعصبي كللش
حوراء: لضوجين كلبي هسه نفس كل مره يتندم ويجي يعتذر ايبوس الرجلين
حنين: لا بعد اريد اعوفه ما اتحمل عصبيته
حوارء: اطيني اني اخجي ويا وافهم
حنين: لا راح يم جماعته بعد
.
نوارس
صافنه عليهن وذكر اسد سدك احس نفسي مشتاقتله وشتاقيت لعصبيته وضحكه وشقا وكلشي بي هنيالي لو هسه اشوفه حته اذا عصبي عليه ويعيط
وسكتن اشوي وكتلهن
.
نوارس: تعرفن اشلون عرفت اني اسد
حوراء: صدك والله من البارحه اريد اسالج هل سؤال بس انسه اشلون عرفتي
حنين: ايصير كرايب هاذ الرباج موو
نوارس: لا مو هيج
حوراء: لعد سولفي عدي فضول اكبير اعرف
.
.
نوارس
وحجيتلهن من اول ما كضاني الشرطي وخذاني واجه اسد هوه ايحقق وياي وشلون جان ايعذبني لان حسباله من الارهاب وشلون اخذني وبقيت ويا لحد اخذ يوم عفته
.
حنين:(بتعجب)شنوو هااي من صدفهه
حوارء: وللج غير اطك بالكااع اشكد حلوو عذبج حيل
نوارس: اخخخ لذكريني بذنيج ليام جسمي ايكوم يوجعني😅
حنين: هههههه بس خوش نتيجه والله😂
حوراء: هنياالج اي والله
حنين: بس سؤال نوارس
نوارس: كولي
حنين: عادي اسولفيلي اشلون جنتي عايشه ويه الرباج جان زنكيل فقير
.
نوارس
نزلت راسي ابقهره ورفعته وحجيت الهن جان ابويه عيسى اشلون رجال حباب وفقير وجان يشتغل واني هم وكلشي لحد يوم وفاته حجيت الهن وشلون طردوني اخوانه
.
حوراء: الله ينتقم منهم حبيبتي لتنقهرين هسه انتي ابيتج بعد
.
واجت حضنتني واني هم حضنتهة وجت حنين هم خضنتنه اشكد حلو صدك حسيت بالدفو الراحه ويه خواتي صدك حسيت نفسي كامله ولكمال لله بس احله شي حضن العائله ولمتهم صح جانت ايام صعبه عله مرت ابويه ليلى لان ياسر وابويه مسجونين بس بدت تتعلم اشوي شوي ويه ليام
.
ومر اسبوع كامل واني مشايفه ولا الي خبر من اسد كل وقت هوه ابراسي وافكر بي وذكر ايامنه سوه ابد متنمحي مني احس اشتاكيت لايامي ويا كللش
.
واني كاعده بالحديقه ويمي حوراء جاي انسولف
.
حوراء: عدج رقم اسد
نوارس: لا ليش
حوارء: لا بس هيج سالت لان صارلج اشكد محاجيه ويا
نوارس: اي صح صار كومه بس ما عدي رقمه يمكن هاهيه راح
حوارء: لا انشاء الله يرجع وشوفي
نوارس: انشاء الله
حوراء: تعرفين شي نوارس
نوارس: شنو؟!
حوراء: من اباوع بعيونج اشوف اعيون نجاح بيج
نوارس: ليش بشنو يقربلي قابل
حوارء: وللج يا ثوول غير نجاح ابن عمج ايصير
نوارس: هاا اي صدك نسيت
حوارء: ايي عيونه هم هيج عسليه نفسج بس انتي افتح بعد بشوي
نوارس: ههه خووش لعد
.
واحنه نحجي سمعت صوت امي اصيحلي
.
سميه: نوروسه وينج بنتي
نوارس: ايي مامه اجييت
وركضت الهة اني وحوراء لكيناهة واكفه بالمطبخ ويمهة عباس
.
نوارس: ها مامه حبيبتي
سميه: يا عمر امج انتي
حوراء: شكوو
عباس: شوفي خيتي نوارس
نوارس: ها عباس
عباس: باجر راح يجي هاذ اسد النه
.
نوارس
احس كلبي راد يطلع من مكانه هلكد مدك قوي من هيج كال ولا تلقائي ابتسمت ابجهة وحوراء كرصتني وكالت
حوراء: وليش جاي الاستاذ اسد
نوارس: أا أايي صدك ليش جاي
عباس: عكب باجر محكمه ابويه وياسر وهو راح يجي يتحقق وياج اشوي عله الموضوع
نوارس: هاا خوش هلا بي
.
سميه: صاحب فضل هاذ الزلمه علينه والله تعبنا ويانه كللش
عباس: اي صدك واني بعد اترخص محتاجين شي
سميه: سلامتك يمه
.
نوارس
واني طايره من الفرح اجت همست يم اذاني حوراء
.
حوراء: وللج فضحتنيه اشمالج
نوارس: اسفه متحملت بعد
.
.
.
يتبع
.
________________
.
انتضرو في البارت الجديد اشراح ايصير؟؟
.
وجيلان اشلون راح تدخل حياة نوارس ؟؟
.
ومنو هيه جيلان؟؟
.
واسد اشلون راح يكدر يرجع نوارس يمه؟.؟
.
______________
.
انتضرو الاحداث الجايه
🥀❤