اوجاع طير النوارس

البارت 42

.
.
.
.
نوارس
مر اسبوع ڪامل واني بالي مشتت حيل وحايره هم وما اعرف الي جاي اسوي صح لو لا
.
الدنيه عصر واني گاعده عله الدرج صافنه وسمعت الباب يندگ كلت لروحي
خاف يطلع يوسف وشيخلصني منه كمت حته اكره افتح الباب بس اتعوذت من الشيطان وگمت فتحت الباب طلعت حوراء حيل فرحت من شفتهة
.
.
نوارس:حورااء والله بوكتج اجيتي
حوراء:طبعن غيرر جبتلج اخبار تخبل
نوارس:تعالي ندخل ونحجي بس حنين وين؟
حوراء: يوو غير بعد منخطبت لوسام كام يحاسبهة عله كلشي وما خلاهة تجي
نوارس:يوو واني مشتاقتلهة والله
حوراء: دعوفيهة وامشي خلي اروح نسولف
.
.
نوارس
رحنه اني وحوراء للغرفه مالتي گعدنه وكتلهة
.
نوارس:ايي احچي شكو شنو الاخبار لتخبل
حوراء:نجااح
نوارس:اشبي؟؟
حوراء: وللج بعد زواج حنين اسبوع وگالي وره لسبوع يجي يخطبنيي وعمتي اجتي لامي البارحه
.
.
نوارس
فرحت حيل لحوراء بس بنفس الوقت ضجت عله روحي وما ردت ابين لحوراء هيج وگتلهة
.
نوارس:والله صدگ تحجين
حوراء:والله
نوارس:ياا الله شگد فرحتلج واخيرن راح يتزوجج وما تبقون كل يوميه مشكله بسببج
حوراء:ولج فرحانه وما اعرف اشلون اوصف فرحتيي
نوارس: لو اعرف اهلهل جان هلهلتلج
حوراء: عرفت راح تفرحيلي فاجيت گتلج
نوارس:عفيه خوش اسوين الله يتممهة عله خير
حوراء:يوم الالج وهسه لازم اروح بعد
نوارس:لييش ابقيي هستوج اجيتي
حوراء:لا لا امي كالت خمس دقايق ورجع بس اكلج
نوارس:اوكي گلبي عله راحتج
.
.
نوارس
كمت اني وحوراء رادت اتروح ويتصل جهاز حوراء حنين ادگ عليهة وحوراء جاوبت واني اسمع صوت حنين لان الجهاز عالي
.
.
حوراء:ايي اجيت لا تتصلين
حنين:ولج دكيت عليج حته اكلج شغله
حوراء: شنو هيه؟
حنين:خوما گلتي لنوارس عله خطوبتج انتي ونجاح
.
حوراء باوعتلي وگالت
.
حوراء:ليش گتلهة
حنين:ولج ثوله نوارس مو عافهة اسد خاف اضوج وضوجتهة تاثر عليج
.
.
نوارس
سمعت حنين شگالت ومتت قهر عله حجيهة وحوراء گبل سدت الاتصال ابجه حنين وگلت لحوراء
.
.
نوارس:اضن بعد لازم ترحين حته حنين تحجي براحته وياج
حوراء: لا لا تفهمين غلط
نوارس: لا مفاهمه غلط حته مسمعت شي بس لا تتاخرين وامج متقبل
.
.
.
نوارس
طلعت حوراء وسديت وراهة الباب وتوقعت هيج يطلع من حنين حيل نقهرت من ڪلمتهة قابل راح احسد حوراء اني
ونزلن دموعي وگلت
.
نوارس(ابچي):ليش هيج سويت بيه يا اسد
.
ومسحت وجهي بردان ثوبي ورحت
.
.
.
.
༺☆الڪاتبه:ضحى الطائي☆༻
________________________________
.
.
.
اسـد
صارت دنيه ليل وخذيت احمد ورحنه اني ويا لمحلات ملابس حته اشتري جدد وروح بيهن لنوارس
واحنه جاي انباوع عله الملابس گلت لاحمد
.
.
اسد:شنو رأيڪ بذاك يلوگلي
احمد:مدگلي يا اسد عريس انته وتريد تلبس هاذ ولعرسان هم ما سووهة
اسد:هسه راح اضل اتعلق عله ڪلشي
احمد:يا خويه تريد نصيحتي
اسد:اي بله كول نصيحتڪ
احمد:البس قاط وروح هيه خربانه يا خربانه
.
.
اسد
صفنت اشوي عله ڪلمته وگتله
اسد:اي والله خوش فكره خلي اشري ذاك اللبس وروح نشتري قاط اسود
احمد:انته قافل عله ذاك اللبس بعد
اسد:اي والله عاجبني حيلل
احمد:ديله خلي نعامل عليه
.
.
اسد
رحت عاملت عله اللبس وشتريته وهوه لبس رسمي ڪلش حلو
.
وراهة رحنه عله ابو القوط دخلناله واجه ابو المحل
.
.
العامل:اتفضلو اخوان اشحابين موديلات موجوده وجميع لالوان
احمد:اريد قوط عرسان
العامل :المن ياهو من يمكم
اسد:طبعن انيي
.
العامل بقه يباوع عله جسمي وراح وكال
العامل: ثواني
.
وكلت لاحمد بهمس
اسد:اشو هاذ بقه ايباوع عله جسمي خوفني
احمد:مشوف راح يحضر غرفه الكم
اسد:ههههه الله يستر
.
.
رحنه اني واحمد انباوع عله القوط وكلساع احمد جايبلي قاط اخضر وقاط احمر ويضحك عليه لو اصغير ويصنف وكتلهة
.
.
اسد:خايب انته تمشي عوج لا حوبتي تكسر رجلك الثانيه
احمد:اي مو انته علويه وتكسر رجلي
اسد:فشلتنه قصدك سييد مو علويه ولك
.
.
وره ساعه يله اختاريت قاط اسود ڪله  وياخاته بيهن لمع مدري شنو حته قميصه اسود ليكول رايح لجنازه مو لحبيبتي
ورجعنه اني واحمد لبيتي
دخلنه للبيت ودخلنه الملابس واحمد باوع عله البيت وگال
.
احمد:والله صح هاذ البيت صغير بس احله من دارك القديم
اسد:اي اني هم عاجبني
احمد:يمكن اقرر اجيب غراضي وسكن يمك
اسد: ونوارس وين اعوفهة بالصطح
احمد:ليش عادي هيه بغرفتهة واني بغرفتي عادي
اسد:عادي هلا بيك بس يمكن ثاني يوم تستشهد انته
احمد:ليش يا ستار شكوو
اسد:ما ادري اشوف ابجهك موت
احمد:من اكلك انته علويه ماصدك وتزعل
.
.
اســد
ضحكنه اني واحمد لحد الوحده بالليل واحمد نام واني ممطول ومجتف اديه وفرحان وبنفس الوقت خايف
خاف اروح وما ملحگ عله نوارس لو رايحه من ايدي لان صارلي سنتين عايفهة ولا حرف ابينه بس الله كريم انشاء الله
.
.
نمت وما احس اله فزيت عله صوت المنبه فتحت عيوني گوه طفيت المنبه وشفت الساعه ب6الصبح خليت وطفرت من مكاني لازم نطلع من وكت البصره بعيده حييل عله بغداد هم يله الحك
.
كمت كعدت احمد
.
اسد:(بعياط)احمممد احممد يمعوود اگعد
.
ليگول ميت ولا حس عله عياطي خليت وڪضيته وهزيتهة بڪل قوتيي وصيح
.
اسد:(بعياط)احححممممدددد
احمد:(ابفزه)هاااا هاااا شكووو
اسد:ولك اگعدد تاخرنه
احمد:بشرفك هوه هيج ليگعد يااا اسدداشبييك
اسد:يله كوم اني راح اسوي جاي
.
.
اسد
غسلت وجهي وخليت القوري عله النار
.
.
.
.
༺༽الڪاتبه:ضحى الطائي༼༻
______________________________
.
.
.
نوارس
.
الساعه بالوحده الضهر اني جاي اعزل بالمطبخ دگ الباب كبل گلت بعصبيه
.
نوارس:خررب يالباب ما اجه منه غير الشر
.
رحت افتحه شفت عباس فاتحه وحنين وحوراء جايات واني رجعت للمطبخ مهتميت لان ضايجه من حنين وعله الكالته
.
وسمعت صوت حنين
.
حنين:نوواررس حبيي
.
نوارس
مهتميت ولا درت وجهي عليهة وهيه اجت حضنتي من وره وگالت
.
حنين:والله اسفه مو قصدي انتي مفهمتيني
نوارس:وخري مني اصلن ما اريد افهم
حنين:ما اوخر اذا مسامحيني
نوارس: وللج وخري مني
حنين:ماااا
.
.
نوارس
حنين مجلبه بيه وباستني من خدي حيل وكالت
.
حنين:والله اسفه سامحيني
نوارس:يلله اوكيي سامحتج
حنين:والله
نوارس:ايي بس بعد لتعيديهة
حنين:ايي والله التوبه
.
.
حضنتني حنين وحوراء عاطت
.
حوراء: وللج تتحاضنن ويوسف وامه اجووو
.
نوارس
وخرت گبل من حنين وكلت واني مصدومه
نوارس:شنووو
حنين:والله صدك تحجينن
حوراء:ايي والله هاي طبو للستقبال
.
.
نوارس
كبل خليت ايدي عله وجهي وضجت وحنين كالت
.
حنين:حبيبتي نوارس اذا ما تردين كولي محد يجبرج
نوارس:اعررف بس ما اعرف حايره حييل
.
واجت امي كالت
.
سميه:يمه نوارس تره القرار الج ما علي اني ولا تتقيدين بيه تعالي هسه اكعدي يم المره وبعدين اطي جوابج
حوراء:والله خوش راح ننخطب كلنه سوه
حنين:والله فايخه انتي
.
.
نوارس
فكرت وكلت خلي اعيش اللحضه حته اذا ما اقبل اتونس بهل يوم وكلت لحوراء
.
نوارس:تعالي عدليلي وجهي وخليلي مكياج
حنين:طبببعن قبل مدكوليين
.
ورحت اني وحنين وحوراء لغرفتي طلعت عله المكياج مالتي وكعدت كدام حوراء وخلتلي اكريم اشوي ورميل ومسكاره ومورد خدود وحمره خفيفه
.
.
حنين:الله مصلي على محمد عله هل جمال
نوارس:والله حلوه
وكمت باوعت عله روحي بالمرايه صدك حلوه طالعه وفتحت كنتوري طلعت دشداشه بيهة حزام كلش حلوه ليكول فستان لونهة وردي خفيف حيل
لبستهة وفتحت شعري
.
حوراء:الله من شكلج امبين هاويه هل سالفه
نوارس:لا ابد ما حابتهة بس اريد اتونس وعيش اللحضه بيهة
.
حنين جابت كلاصات عصير واني خذيتهن ورحت للاستقيال دكيت الباب ودخلت
.
.
.
يوسف
اني كاعد عله نار انتضر اشوكت تجي نوارس واشوفهة وره اشوي اندك الباب ونفتح ودخلت نوارس اني من جمالهة فتحت حلگي عليهة مو بس عيوني شنو الجمال شنو الوجه شنوو الجسم شنو الشعر  حرت عله شنو اباوع تفاصيلهة تخبلل  وامي كالت
.
.
ام يوسف:الله مصلي على محمد والي محمد على بت سميه
سميه:ربي يحفضج حبيبتي
نوارس:تفضلي خاله
ام يوسف:ربي يخليج يا يمه
.
.
يوسف
نوارس اطت عصير لامي ورجعت اطتني واني اعيوني بس عليهة ما انشالن وهيه باوعتلي ورجعت نزلت اعيونهة التخبل اعيونهة عسليه ومجرورات صدك اتمنيتهة ام جهالي
.
.
نوارس
اطيت عصير ورحت كعدت عله التخم ابصف امي وامي رادت تحجي وسمعنه الباب اندگ بقوه حته فزيت اني
.
.
.
.
༺الكاتبه :ضحى الطائي༻