اوجاع طير النوارس

البارت 12

نوارس
.
رحت صعدت الغرفتي واني مصدومه ما اعرف شصارلي طلع مزوج وعده طفله وميتات بس بنفس الوقت مرت عليه نسمه فرح لان عرفت هوه ايحبني نفس ما اني حبيته ورحت نمت
كعدت الصبح فزيت باب غرفتي يندك عرفت اسد اجه ايكعدني خليت وكمت من مكاني ورحت فتحت الباب ما لكيت احد الضاهر نزل اني هم نزلت جوه رحت للمطبخ شفت اسد واكف يم الكاونتر ومرتاج عليه
.
اسد
نزلت كبل بس دكيت باب غرفه نوارس نزلت ورجعت للمطبخ شغلت النار عله القوري ورتاجيت عله الكاونتر واجت نوارس كبل رفعت راسي باوعت الهة شعرهة كفشه ونعسانه امبينه لان هستوهي كعدت ضحكت ضحكه خفيفه ورجعت نزلت راسي
.
نوارس: صباح الخير
اسد: هلا صباح النور
نوارس:(واني مبتسمه ورافعه حواجبي)اممم اليوم الريوك من ايدك
اسد: لا من البقره
نوارس: شنو؟
اسد: اي لان ما اعرف اسوي شي طلعت كيمر وجبن
نوارس: هههه بس الجاي انته مسوي
اسد: ايي اني نشاء الله يعجبج
نوارس: كلشي منك طيب
اسد: والله(واني مبتسم صفح وباوعلهة)
.
نوارس
باوعتله وشفته اشلون ايباوعلي وكتلهة
نوارس: مجرد مجامله
اسد: دسكتي غير ايخبل الجاي
نوارس: ايي هسه نشرب ونشوف
اسد: هسه ليكول بس انتي تعرفين اطبخين
نوارس:(ابضحكه)ههههه لا انته هم تعرف تطبخ😂
اسد: اكيد
نوارس: واهل المطاعم كامو يبيعولك بالجمله هلكد متشتري منهم
اسد:(بضحكه عاليه)هههههههه اي والله😂
.
نوارس
شلت القوري وكعدت عله الكرسي يم ميز الطعام وكعد اسد كدامي وتريكنه
.
اسد
طول ماني كاعد عيني منشالت من نوارس اعرف بيهة مرتبكه وكوه تاكل لان اباوع عليهة بس شسوي اعيوني ايجبرني ابقه اباوع عليهة ونعلت الشيطان وكمت
.
اسد: راح اروح ابدل ملابس اني اشوي استعجلي واخذي وياج غراضج التحتاجيهن
نوارس: ايي كايمه
راح اسد واني كمت شلت لماعين نضفتهن بسرعه ورجعتهن لمكانهن ورحت صعدت ابسرعه لغرفتي طلعت ملابسي الجابهن اسد الي مال طلعه لبستهن ومشطت شعري وضفرته ونزلت كذل وخذيت جنطه اصغيره مخليهة بيهة ملابس مال بيت  خليت مشط هم بيهة وفرشه اسناني والمعجون ونزلت ابسرعه لكيت اسد واكف يم باب الخروج مال بيت ويلعب بالمبايل اجيت وكفت كدامه وكتله
.
نوارس: ها اروح
.
اسد
واني مندمج بالمبايل فزيت عله صوت نوارس ورفعت راسي من المبايل وباوعت عليهة شهل جمال يا ربي هنوب الشمس ضاربه ابجهة وعيونهة ليكول صارن صفر والشفايف اتخبل ورديات من الله باوعت عليهة اشوي كتلهة
.
اسد: شكلتي
نوارس:(رفعت حاجب واحد وكتله)بالك يمي
اسد: ترفعيلي حاجب خوش
نوارس: شكو بيهة جا وذا
اسد: اي عادي يله روحي صعدي بالسياره مشغلهة اني بالباب طابكهة
نوارس: خوش
ورحت من اسد وطلعت من البيت اباوع عله المنطقه اشكد حلوه ونضيفه والبيوت مرتبه صار اشكد اني مطالعه وخليت وصعدت بالسياره وشمرت جنطتي الليوره اشوي واسد قفل باب الشارع واجه صعد بالسياره وحركهة ومشه
.
اسد: تره الدرب حيل بعيد اذا تردين نامي
نوارس: اشكد يعني نتاخر
اسد: سبع ساعات ثمانيه هيج
نوارس: هاا والله
اسد: اي والله بعيده عنه بغداد
.
نوارس
جتفت اديه ورتاجيت عله الباب السياره وباوعت الاسد وكتله
نوارس: ايي خلي نكضيهة انسولف
اسد: ثمن ساعات اسولفين شعدج
نوارس: اتعرف عليك اكثر اني اعرفك عليه اكثر
اسد: اعرفج اكثر من ما انتي تعرفين روحج
نوارس: هاا والله
اسد: ايي كلشي عنج مكتوب بالملف اليمي
نوارس: لا اني قصدي احجيلك عله ايامي الخاصه بيه مو الاشياء العامه
اسد: اي احجيلي
نوارس: شتحب احجيلك
.
اسد
واني جاي أسوق السياره انداريت عليهة وكتلهة
اسد: جان اشلونه عيسى وياج
نوارس: بمعنه الكلمه رجال طيب كَلبه ابيض كلش
اسد: الله يرحمه امبين بس شنو سبب موته
نوارس: مات ابسبب مرض صار بي ومره وحده راح للدكتور والعلاج جان كلش غالي واني جنت اشتغل ابيت بس بطلوني من يمه وما كدرت اجيب سعر العلاج
اسد: جا مو عده اخوان ما ساعدو
نوارس: خليهة سكته هوه بس مات ثاني يوم اجو طلعوني من البيت وخذو ورث
.
اسد
باوعت اشوي النوارس ورجعت عيني عله الدرب شفتهة ضاجت حبيت اغير الموضوع لان ما اريد اضوجهة اكثر وكتلهة
.
اسد: هم حبيتي بحياتج
نوارس: لا لان جان محد ايحبني اصلن كل كرايب عيسى يحتقروني خاصه شبابهم جانو من ايشوفوني اوجوهم تنكلب واني من اطلع وادور شغل الناس تصتصغرني
اسد: هاا والله
نوارس: اي والله واني اصلن مو ابالي الحب ابد لان جنت  اربعه وعسرين ساعه بالي يم الشغل اشلون راح اشتغل وشلون راح اكمل علاج ابويه عيسى وره ما مات شهرين اني مطلعت من البيت وراهة طلعوني من البيت بقيت ادور اجار وشغل هنوب الشرطه كضتني كبل
اسد: من صالحج من كضتج الشرطه
نوارس: اي لحمد لله صح بالبدايه اتفلشت بس عادي
اسد: ههه تره لازم تعذريني لان هاذ شغلي
نوارس: لا عادي عوضتني عله كل ضربه
اسد: تعرفين النسوان من ايجيبوهن من المداهمات شسوي بيهن انواع العقوبات افنن بعذابهن بس انتي صغيره شفتج وكلت مقشمريهة ومخليهة تشتغل حراميه وبدون جنسيه اتعاطفت وياج
نوارس: شنو يعني مداهمات؟
اسد: يعني الشرطه من اشك ابشقه ابيت هاذ البيت بي شي ايدخلون عليه مداهمه ضباط مسلحين شكو شخص بالبيت ياخذو ويفتشون المكان
نوارس: وشيطلع
اسد: نص يطلع مخدرات ونص يطلع ضامله دعارات ايشي يطلع
نوارس: هااا تخوف
اسد: لا متخوف عادي
نوارس: غير انته متعود
.
اسد
ضحكت ضحكه خفيفه وباوعت لنوارس وكرصتهة من خدهة حيل هيه كضت ايدي وخرتهة من خدهة
.
نوارس: اخخ اشبيك😅
اسد: احبج
.
نوارس
بقيت ساكته واباوعله مكلت شي
.
اسد: نخرست بعد ميطلع صوتهة
.
نوارس
بقيت ساكته مجاوبته استحيت من يمه
.
اسد: ليش سكتي
نوارس: يعني شتريد اكلك
اسد: ايشي بس لسكتبن تموتيني بسكوتج
نوارس: ما اعرف شكول
اسد: يله سدي الموضوع
ضجت حيل لان جانت عديمه الجواب بس اني اعرف اشلون راح اخليهة تحجي وشلون اعرف هيه اتحبني لو لا
.
مشينه بالدرب يمكن مرت ٣ساعات ونوارس مالهة حس اباوعلهة كل اشوي اشوفهة نعست كلش ودغفي كامت وهيه عايفه راسه عله جامه السياره وجتفه اديهة  وره نص ساعه اني بقه بالي اشراح اسوي هسه من نوصل انداريت عله نوارس شفتهة نايمه وكذلتهة نازله عله وجهة وما مبين حرامات اتمنيت ماكو كذلتهة جان شفتهة مر الوقت وصلنه لبغداد اول مدخلت بغداد طبكت ابانزين خانه حته افول سيارتي طلعت من السياره دفعت افلوس ورجعت دخلت للسياره شفت نوارس كاعده
.
اسد: ها صح النوم يابه
نوارس: وصلنه لو بعد
اسد: لا بعد ساعتين نوصل
وحركت السياره
نوارس: ها والله
اسد: اي غير بعيده
نوارس: صارت دنيه عصر وبعدنه مواصلين
اسد: اشاقه وياج وصلنه وهسه راح اروح للبيت
نوارس: بيت منو
اسد: بيت صديق عدي بالشغل وهسه هوه امسافر كتله اخذ بيته كم يوم
نوارس: هاا خوش
اسد: ايي
وكفنه بزدخام طولنه نص ساعه حيل ضجت كمت ادك هورن اهواي
نوارس: اشبيك مشوف ازدحام
اسد: اصبري
اشوي اواجه الشرطي فتحت الجامه
.
الشرطي: مشوف ازدحام اشبييك
اسد: السلام عليكم
وطاعتله هويتي شافهة كبل وكف عدل وطاني تحيه
الشرطي: اعذرني سيدي هسه نحرك الزدحام
.
ابتعد اشوي الشرطي وكام ايعيط وياشر عله الدرب الاحنه بي
.
الشرطي(بصوت عالي): حررك حرك هااذ السايد
.
وتحركت السيارت الكبالنه وطاعنه من الزدحام واني اباوع لاسد متعجله ومبتسمه وهوه باوعلي
.
اسد: شبيج
نوارس: والله حلو هاي بس شاف الهويه
اسد: اي لان اني لواء اول ايسوون كلشي اريده ويلغون شكو شي اضوج منه
.
نوارس
هزيت راسي بمعنه اي عجبني كلش الصار صدك اله هيبته وبقيت اباوع لاسد وهوه حيل عاجبني هنوب انداريت بقيت اباوع عله شوارع بغداد اتخبل كلش حلوه واسال كلساع اسد عله اسم الامناطق ويكلي ويشرحلي عنهن واني ماخذني الواهس ويا كلش
اشوي وكف يم مطعم جاب عشه النه ورجع هنوب وره نص ساعه وصلنه للبيت
نزلنه واني اباوع البيت هم اكبير كلش واسد اجه وكف يمي وكال
.
اسد: ما الج نيه ادخلين
نوارس: لا يله خلي ندخل
رحنه دخلنه اسد فتح الباب بالمفتاح الحديقه مو حيل اكبيره اصغيره بس حلوه ودخلنه للبيت ابدايته المطبخ صاير اكبير المطبخ وكلت
.
نوارس: شنو سالفتكم ويه لبيوت الكبار
اسد: لا هاذ عده عائله مزوج وجهال ٣عده ومسافر
نوارس: وانته مو عدك بيت اكبير
اسد: (عكفت حواجبي ودرت وجهي منهة وكلت)جنت مزوج
وعفتهة ودخلت جوه بالهول
.
نوارس
حسيته ضاج من سالته هيج وشلون جان جوابه رحت ورا ابسرعه وكتلهة
.
نوارس: وين غرفتي راح اصير
اسد: اي غرفه تعجبج
نوارس: انته وين راح اصير غرفتك
اسد: الستقبال
نوارس: ليش؟
اسد: احسن ما اريد اخذ غرفه هيه كم يوم ورجع
.
نوارس
اتعجبت عله الكاله عكدت حواجبي وكفت كدامه وكتلهة
نوارس:ترجع؟
اسد: ايي خوما اعيش اهنا
نوارس: وانيي ما ارجع
اسد: غير راح ترجعين لاهلج انتي
.
نوارس
بقيت ساكته واباوع عله اسد وحس دكات كلبي سرعن وتنفس ابقوه وضايجه
.
اسد: اشبيج ليش ضجتي
نوارس: ما اشوفك بعد
اسد: ههه اني العلي اسوي اوفي ابوعدي ورجعج لاهلج وارجع لشغلي بالبصره
.
نوارس
هزيت راسي بمعنه اي ودرت وجهي منه وشفت غرفه رحت بيهة كبل دخلت وشمرت جنطتي عله التخم البيهة وباوع عله روحي بالمرايه الباب الكنتور
.
اسد
شفتهة من ضاجت وشلون كلبت وجهة من عرفت بعد مشوفني  خليت ورحت للاستقبال خليت جنطتي عله التخم وكعدت عليه وذبيت روحي ذب تعبت من الدرب كلش وباجر هم عدي طلعه من الصبح ادور عله علي عبد العادل
.
.
يتبع...