اوجاع طير النوارس

البارت 48

.
.
مع تحيات الكاتبه : ضحى الطائي
.
.
_____________________________
.
.
نوارس
اجه الليل الساعه ب١٥؛ ٩واني كاعده يم ام اسد واخته جاي يحجلي عله حياتهم الشخصيه وسلوبهم يعني مو حيل عجبني بس زين مقيدين باسلوبهم وام اسد تشرحلي وتفهمني حته ما انسه وكالت
.
بدريه؛ ارييدج تنسين كل دلال امج والي علمتج علي اريد اصيرين اصييله لابني
نوارس:(عكفت حواجبي وكلت) وشبي العلمتني عليه امي شنو الي معجبج واني سويته
بدريه؛ كلشي
نوارس؛ (بصدمه وتعجب) شنوو؟؟
بدريه؛ ايي كلشي تصرفاتج طفوليه وحركاتج مال بزرر اريد تكبرين عقلج وتطين لكل حركه الف حسااب ابني يستااهل ابنيه رزنه مو وحده فرخه متفهم كلشي نفسج اذا مو جبيره بعمرج اكبري بعگلج
نوارس؛ بسـ..
.
.
ردت اخلص حجي محسينه اله اسد واكف يم الباب لستقبال ودك الباب وسلم
.
اسد؛ السلام عليكم
بدريه؛ ياا هلا يمه نورتنه تعال يمه ارتاح
اسد؛ هلا بيج يمه هلاا
.
اسد
كعدت بصف امي وكتله
.
اسد؛ اووف يا يمه شتعبت اليوم احس انزت حيلي
بدريه؛ الله يحفضك وليدي شسوي بعد هاي لعيشه موش هينه
.
نوارس
كمت من مكاني وكلت لاسد
.
نوارس؛ اسويلك عشه
بدريه؛ ليش يمه يرادلهة سؤال طبعن اسويله غير تعبان
نوارس؛ ماشي حاضر
اسد؛ لا اوكفي ما اريد ما مشتهي كلبت اهناج جابولنه وكليت
بدريا؛ هاا خووش همزين ما بقيت جوعان
.
.
اسد
جذبت ما ماكل اني ولا جايبيلنه اكل بس شفت نوارس ضايجه ومردت اكومهة يمكن صاير شي وياهة
بقيت اباوع الهة ورافع حواجبي بس هيه من انتلهتلي نزلت راسه وبعد ما باوعتلي
.
.
نوارس
بقه اسد يحجي ويسولف ويه امه واخته اني ضاربه ركن بس اباوع وسمع ما حجيت كلشيي صارت بال١٠ سويت روحي نعسانه وكمت وكلت همه ويحجون
.
.
نوارس؛ ولو اكطع سالفتكم بخير بس نعست راح انام
شيماء؛ تمام حبيبتي
نوارس؛ عمه خوما محتاجه شي مني قبل لا اروح
بدريه؛ لا يمه ما محتاجه شي
شيماء؛ اني موجوده حبي
.
.
نوارس
هزيت راسي بمعنه نعم وردت اروح باوعت لاسد رافع حاجبه ويهز براسه بمعنه شكو واني ابتسمت ابتسامه جذب ورحت صعدت لغرفتي دخلت للغرفه وسديت الباب
.
.
.
اسد
نوارس راحت واني كلبي ما مرتاح احسه ضايجه ومصحاني اله صوت امي
.
بدريه؛ يمه اسد انته مو كلت اكو بس غرفه وحده مال نوم فوك
اسد؛ هاا اي صح
بدريه؛ اشو نورس اتنام فوك وانته يمهة اتوام شنو؟
اسد؛ ههه نوارس قصدج لا يمه اني انام بالغرفه لبصف غرفه النوم
بدريه؛ يااا هاي لفارغه ما بيهة شي بس ميز وكنتور اتنام عله الكااع
اسد؛ ايي يمه جا وذاا
بدريه؛ جا متنام بالغرف النوم الجوه
اسد؛ هاي الكم من تزوروني وحته ما اكدر اعوف نوارس وحدهة فوك
بدريه؛ والله تالي وكت بززرر تاخذ عگل ابني الزلمه
اسد؛ ههه ولتنسين كلبي هم
بدريه؛ كررت عيني اي والله
ايد؛ يمه نعلي الشيطان شبيج
بدريه؛ والله لو مو اعرف داشع كليبك هل بنيه فلا اخليهة توصلك بشعره انته تستااهل الاحسن
اسد؛ اني استاهلهة هيه وبسس
بدريه؛ امم انشووف
.
.
اسد
شفت امي مراضيه بنوارس وضاهر ضوجت نوارس بسبب امي يمكن مضوجتهة بكلامهة
وره اشوي امي راحت نامت وردت اكوم وكفتني اخيتي شيماء
.
شيماء؛ اسدد
اسد؛ ها خويه
شيماء؛ اريد اكلك شي بس بدون ما امي تسمعنه
.
اسد
عدلت وكفتي وقلصت عيوني وكلتلهة
اسد؛ شكو؟
شيما؛ انته لاحضت نوارس ضايجه مو
اسد؛ ايي لاحضت وليش ضايجه
شيماء؛ لان اعزهة اكلك هيج بس تره امي سمت بدنهة بشوي كلام
.
.
اسد
بقيت ساكت وهزيت راسي بنعم ودرت وجهي ومشيت رحت صعدت للغرفه مالتي لانم بيهة
كعدت عله الكاع ورتاجيت عله الحايط بقيت افكر يعني امي صدك مراضيه بنوارس وشلون
بس بعدين اذكرت بانو اني معايش يم امي امي بدياله هيه واخوتي واني راح ابقه اني ونوارس وحدنه خلي بس تعدي الخطوبه والزواج عله خيير والله كريم بعد
.
وكضيت الجهاز كلبت بي شفت الساعه صارت ب١١ خليت سديت الجهاز وكمت رحت باوعت من المحجر للطابق الجوه هدووأ نايمات امي وشيماء
ومشيت لغرفه نوارس ردت اسمع صوت بس ماكو حس دكيت الباب محد جاوب
فخليت ودخلت وشفت منضر نوارس
.
.
.
نوارس
وره مصعدت لغرفتي وسديت الباب كعدت عله الجربايه صدك ضايجه من كلام ام اسد حجت عليه وعله امي حسيت روحي حييل مشتاقه لامي صار اهواي مسامعم صوتهة  وذكر لمن جانت تواسيني وتمسح دموعي وعله راسي من ابجي لو انقهر عله اسد  وذكر حنيتهة وحبهة محسيت اله دموعي نزلن عليهة احس روحي شاطت من الحركه وكانو اكو طفل بداخلي متيه امه مشبعانه منهة
وذكرت كلام ام اسد عليه يعني هيه اصلن متحبني ولا تريدني لاسد وخفت متقبل بيه بعدين وبقيت ابجي واني كاعده عله الجربايه
وره اشوي سمعت الباب اندك فزيت مجاوبت حته الجاي حسباله نايمه ويروح بس انفتح الباب وشفته اسد كبل دخل وهوه فاتح اعيونه متعجب عله منضري
.
.
.
اسد
دخلت لغرفه نوارس وهيه كبل كامت من كعدتهة وتباوعلي بعيونهة الصايرات حمر من البجي وخدودهة المتروسه ادموع وعاكفه حواجبهة كلبي نخمش عليه كبل فتحت اعيوني وادي ورحت الهة وكلت
.
.
اسد؛ هاا شكوو هاا يروحيي شبيج
هيه نزلت راسهة وكالت
.
نوارس؛ ما بيه شي
اسد؛ وللج لا تفلشيني عليج احجي
.
نوارس
رفعت راسي باوعتله وكتله واني دموعي نزلت لا تلقائي وشفايفي ترجف
.
نوارس؛ اريد امي مشتاقتلهة
.
اسد
نوارس
رفعت راسهة وعيونهة حمر وخشمهة احمر صاير ودموع تخرر من نزلن دموعهة احس كلبي نزل وساهن وشفايف ترجف من وحدهن بهاي حالتهة ارييد احضنهة بس كضيت روحي و كتلهة
.
اسد؛ يمهه كلبي ما تحجي جاا ليش تبجين يا حييلي مو كسرتني دموعج
.
.
نوارس
كوه كاضه روحي ما ابجي بس من حجه هيج وياط اسد لا تلقائي بجيت ونزلت راسي وخليت ايدي عله حلكي لان مقهووره حيلل احب اسدد اني اخاف ميصير اليي نفس كل مره نبتعدد وهسه طلعت امه صفح
محسيت اله اسد جرني عليه وحضني بقوته
.
.
اسد
من نوارس نزلت راسه وبجت حسيت كلبي نشللع اني توجعت بدموعهة متحملت وجريتهة وحضنتهة بقوتي اخخخ اشكد ناعمه ضاعت بين اديه وديي احضنهة ولصبح ابقه حاضنهة ما ريد اتيهة وحس كلبي طفر من مكانه لان حسيت ادين نوارس صعدتهن عله ضهري وحضنتني حيلل بقوتهة حته اضافيرهة نبتتهن بضهريي وتبجيي واني امسح عله راسهة وكللهة
.
.
اسد: اششش ماعوفج وحق رب العبااد ما اعوفج لو الكون كله يعارضنه فهمتيي انيي ويااج للموت
.
.
نوارس
حاضنه اسد بقوتي وضامه وجهي بجتفه وابجي وهوه حجي وياي واني مجلبه بي ما ودي اتيهة
.
.
اسد
جبرت روحي وردت اوخر منهة بس هيه مجلبه بيه واني نعلت الشيطان بكلبي اللف مره ما اريد ابقه حاضنهة لا هنوب اجرني روحي عليهة اكثر وسوي غير شي فكتلهة
.
اسد؛ يله حيلي وخري مني خلي اشوف اعيونج الحلوه
.
.
نوارس
وخرت من اسد واني منزله راسي مستحيه من روحي اول مره هيج اسوي وهوه رفع وجهي عليه وباوعت بنص عيونه  اشو هاذ كبل كعد عله ركبه وكال
.
.
اسد
من رفعت وجهة خلت عيونهة بعيوني وهيه عيونهة عسليه وصايرات حمر من البجي وجهة يخبل كبل حته لا ازعلهة اكثر وخليهة تطمأن كعدت عله ركبي وكتلهة
.
اسد؛ بنضره منج صرت بهل ضعف كله تتوقعين راح اعوفج فد يوم
.
نوارس
ابنص ادموعي ضحكت وكتله بشهكه
نوارس؛ والله احبك
اسد؛ الله من ادكولين هلل كلمه اشكد ارتااح
.
نوارس؛ ودي يبقه وياي اسد بس خفت لا تجي امه وتلعب جوله فكتله
.
نوارس؛ يله اسد كوم روح لا واحد يشوفنه
اسد؛ هاا يعني ما بيهة مجال ابقه شوي بعد
نوارس؛ (هزيت راسي وكلت) لاا
اسد؛ تمام
.
اسد وكمت وبقيت اباوع الهة وكتلهة
.
اسد؛ وامج متخابريه
نوارس؛ اووف شكد مشتاقتلهة بس دنيه ليل وتاخر الوقت باجر اخابرهة
اسد؛ عدج مبايل وخابريه معلي انيي
نوارس؛ اصلن ناسيته المبايل وما اعرف رقم امي اني
اسد؛ لعد شعلي اني
نوارس؛ هههه تمام رووح لا امك تجي
اسد؛ اي هنوب تكتلني
نوارس؛ تكتلك لو اني تكتلنيي
اسد؛ حبي هاي امي تحملي لخاطري
نوارس؛ امك فوك عيني وراسي عادي اصير هاي الامور
اسد؛ فدوه اروح الج تصبحين عله خير
نوارس؛ وانته بالف خير
.
.
مشيت ردت اطلع باوعت لنوارس غمزت الهة وطلعت وسديت الباب
.
.
نوارس
اسد قبل ليطلع غمزلي ضحكت وهوه راح
ياا الله اشكدد احبه مستحيل بعد اكدر بدوونه روحي تعلكت بي
ورحت تمدتت عله الجربايه بقيت افكر اشوي ونمت
محسيت اله الصبح صاير فتحت اعيوني وذكرت وكبلل طفرت من مكاني يوو الله بس لا تاخرت
ركضت للحماَم غسلت وجهي وطلت فتحت الكنتور اريد ابدل ونتبهت لساعه ب١٠؛ ٦ الصبح كبل ضربت كصتي ورجعت كعدت عله الجربايه وباوع عله روحي بمرايه الميز هاي اشصاير ابشعريي كفشه
كمت بدلت ومشطت شعري عله راحتي وعدلت نفسي وطلعت من الغرفه باوعت بغرفه اسد ما موجود رحت طبيت الهة عزلت فراشه ونضته وشفت من امبدل شامر ملابسه بالكاع شلتهن وبقيت اباوعلهن ورفعتهن خليتهن عله خدي حسيت ارتاحيت وبتسمت محسيت اله كمزني صوت ام اسد وهيه تحجي
.
بدريه؛ شجاي اسوين
.
نوارس
كمزت من مكاني ونداريت بسرعه ونزلت قميص اسد من وجهي وكتلهة بكل توتر
.
نوارس؛ هاا ل لاا بس هيج يعني جاي اصفط اقصد ارتب الغرفه
بدريه؛ هاا خوش من كعتي من وكت يله خلصي ونزلي عود اجيت اكعد ابني بس الضاهر رايح
نوارس؛ ايي صح
.
.
راحت ام اسد واني ارتاحيت ذبيت نفس وستغفرت ربي ورجعت اعزل وصفطت ملابس اسد وذكرت ملابس اسد بكنتوري الي بغرفتي يعني اسد الصبح يجي يطب للغرفه ياخذ ملابس ضحكت بيني وبين روحي وديت ملابسه ورحت نزلت جوه شفت ام اسد تتريك هستوني طبيت للمطبخ كالتلي
.
بدريه؛ روحي كعدي شيماء خلي تنهض بعد تاخرنه
نوارس؛ حاضر
.
نوارس
رحت دخلت لغرفه شيماء وشفت شيماء غاطه بالنوم كعدته
.
نوارس؛ شيمااء شيماء كلبيي كعديي
شيماء؛ (بنعس) هااا
نوارس؛ كعدي امج ادكول
شيماء؛ امممم
نوا س؛ يلله كعدي شيمااء عييني
شيماء؛ ايي اي كعدت هياتني
نوارس؛ رايحه اني تره كوميي لا امج تعصب
شيماء؛ ايي كعدت
.
نوارس
كعدتهة ورحت رجعت للمطبخ شفت ام اسد جاي اطلع من المجمده مدري شنو عرفت راح اسوي غده خليت وعفت الريوك لميت لماعين خليتهن عله السنك لبين متتريك شيماء اخسلهن رحت للبيت طلعت المكناسه ولفيت شعري الليفوك وكفيت البجامه وصعدت للطابق الثاني اكنس بي كنسته كله مخليت زاويه
.
واني وانضف اضحك عله روحي لان ام اسد موجوده اليوم راح انضف تنضيف احترافي😅
.
ونزلت للطابق الجوه وشفت ام اسد اتباوعلي وكاشه نفسهة هزيت راسي ورجعت اشتغل وخلصت بطلاع الروح الكنس زوايه زوايه تراب واني انترست اتراب وعركت سمعت شيماء من بعيد كالت لامهة
.
شيماء؛ خلي اكوم اساعدهة
بدريه؛ لاا خليج خلي اشوف شطارتهة
.
.
نوارس
كلت لروحي لعد شوفي الشطاره اليوم بعينج يا ست بدريه
وجبت صطل ماي وخليت بي تايت ومعطر ارضيه وذب ماي ومسحح انكسر ضهري ورجع عله المكان مرتين امسحه الطابقين هنوب اخر شي اجيت امسح هول خليت الصطل ماي بالكاع ورتجيت عله الحايط اريد اخذ نفس واني تعبانه حيل وعركانه
كل هاذ حته اكسر نضره ام اسد اليي
.
جان اجت وكفت اكبالي وتباوعلي من فوك لجوه وكالت
.
بدريه؛ كل هاذ ولتعب حته تبينيلي انج اجبيره وتكدرين اصيرين ام بيت ابني مجرد كنس ومسح هيج فحطتي
نوارس؛ يابه ارحميني تره طابقين
بدريه؛ الله يرحم ذنيج لايام جنت حامل باسد وانه احش بالحصاد وسرح وجنت ولا اتعب
.
.
نوارس
بقيت اباوع الهة وباوعت عله ساعه الهول ب٣٠؛ ١١ اريد اخلص قبل لا يرجع اسد
دنكت حته اخلي وصله المسح بالصطل مال ماي وجان ينفتح الباب الخارجي ونصدمتت
.
.
.
________________-___
.
اسد
طلعت الصبح للشغل الساعه ب٥ الصبح واني جاي اسوق اذكرت نوارس من تبجي عله امهة خليت وجت ابالي فكره كبل شلت التلفون وتصلت باحمد
.
.
احمد؛ الووو
اسد؛ هلا بالضلع كاعد نايم
احمد؛ كاعد يابه هلا بيك
اسد؛ ممكن خدمه صغيرونه بلا ما اسوي عليك زحمه من فجر الله
احمد؛ لا يابه وحتلو زحمه ما اكدر احجي غير انته رأيسنه لواء ركنيي بويه منكدر نحجي
اسد؛ هههه انجب عاد انته صديقي تعرف كلش زين لو تضربني بنعل ما احاجيك
احمد؛ حشاك خويه أمرني
اسد؛ ميامر عليك ضالم بس تكدر تروحلي لبغداد؟
احمد؛ اشوكت باجر؟
اسد؛ لا هسه
احمد؛ هسهه شكو يا ستار
اسد؛ اريد اجيبلي ام نوارس وخواتهة ومرت ابوهة واخوهة ولما يرضه يجي سويله القاء قبض
احمد؛ هههههه حااضر هاي اني طالع
اسد؛ مشكوور أنشاء والله اجازييك بس سرع اقصه سرعتك ارجع
احمد غصبن عنك تجازيني ولتخاف سيد السرعه اني تعرفني
اسد؛ ماشي باي
.
.
اسد
وسديت الاتصال وفرحت لان راح تفرح نوارس حييل بالمفاجأه
وصلت للمركز كعدت بمكتبي لغيت كل شغلي لهاذ اليوم حته لا انشغل ابشي ولا شي وستاذنت من الرأيس طبعن وافق صارت الساعه بال١١ خابر احمد
.
.
اسد؛ الووو ها بشرر
احمد؛ هايي جبتهم كلهم
اسد؛ خوما احد عارض من كتلهم؟
احمد؛ لا يابه كلهة اجت برضاتهة
اسد؛ بعد احسن وين انته
احمد؛ راح اوصل لراس شارع المركز
اسد؛ اني جايك اخذهم وطيك سيارتي
احمد؛ تمام يله تعال
.
.
اسد
سديت الاتصال وكمت رحت شغلت الساره وطلعت شفت سياره احمد طابكه رحت طبكت سيارتي اكبالهة ونزلت واحمد نزل وعباس اخو نوارس نزل كبل سلم عليه عباس خوش سلام وهنوب سلمت عله احمد وكتله
.
اسد؛ قسم بالله انته ابو الوكفات
احمد ؛ ادلل كم اسد عدنه
اسد؛ يله روح بعد اني اخلص بمكانك
احمد؛ يله باي
.
اسد
راح احمد وركب عباس بالسياره واني ركبت وسلمت
.
.
اسد؛ السلام عليكم
الكل؛ وعلكم السلام
اسد؛ خوما مضايقين او ميكفي المجال
سميه؛ لا يمه كافيتنه وزياده
اسد؛ ياا هلا بيج ام نوروسه شلونج
سميه؛ بخير وانته نوارس شلونهة
اسد؛ بخيير لحمد لله البنات شلونهن ام ياسر شلونهة
ليلى؛ زينين احنه بخير نسال عليكم
اسد؛ تسال عليج العافيه
.
وحركت السياره ورحت للبيت وصلنه نزلنه الغراض مالاتهم من الجنطه ورحت فتحت باب الي يدخل عله حديقه البيت ومشينه فتحت باب البيت ودخلت اني اول واحد وشفت نوارسس غاطه بالتنضيف وامهة بصفي
.
.
.
((مع تحياتي الكاتبه :ضحى الطائي))