اوجاع طير النوارس

البارت 59

.
.
.
.
السلام عليكم ورحمة الله وبركاته
اشلونكم انشالله الكل ابخير
.
.
رجعت وياكم ابارت جديد اتمنى الكل يتفاع ابنجمه حته القصه تصعد وتمنه الكل يطيني رأيه بالتعاليق
.
.
ونفس كل مره قبل لا نبده بالبارت ((صلي على النبي صلى الله عليه وسلم وعلى آله وصحبه أجمعين وسلم تسليما كثيرا))
.
.
مع تحياتي الكاتبه الكاتبه؛ ضحى الطائي
.
.
____________________________
.
.
.
سيف
واني كاعد عله التخم ودخن ونوارس نايمه كدامي عله التخم المقابيلي واني صافن
اشلون هاي وياهة تعبانه حييل لازم اسد يجي وتشوفه ويشوفه بس اضن راح ايطول ابرجعته
بس اكول الله كريم اكول
.
.
.
نوارس
مر اكثر من شهر ونص وماكو اي اخبار لاسد حته اهلي كطعو مني بس سيف وياي ميعوفني ولاا لحضه وحده حته من يطلع ياخذني ويا وبسبب هاذ الشي نفسيتي كامت تتعب اكثر بحيث اني ويمه ادكوم تتخايلي امور وشوف امي بكل مكان وكمت اخاف من اشوف امي مو نفس قبل افرح اخاف لان دوم تخوفني وتريد تاخذني وياهة غصب بس اني من اشوفه ودي اروح يمهة اكعد وسولف بس اجبر روحي وبقه بعيده
.
.
ويوم من الايام اني بغرفتي جاي امشط شعري سمعت سيف جاي ايصيحلي
رحتله بالاستقبال كاعد لكيته
.
.
نوارس؛ هاا عيني
سيف؛ تسلم عينج بس وينج
نوارس؛ جنت امشط
سيف؛ تعالي كعدي اهنا جبتلج كم شغله تحبيهة
نوارس؛ شنو جبتلي
سيف؛ تعالي شوفي
.
.
نوارس
رحت وكفت اكباله وهوه كاعد عله التخم وبيده علاكه طلع منهة باكيت جكاير وعصير وطاني العلاكه خذيته منه شفت بيهة كوم حلويات ابتسمت وكتله
.
.
نوارس؛ شكررا بس هاي اهواي عليه
سيف؛ عادي بالعافيه
نوارس؛ شكررا الك
سيف؛ اي بس اكعدي يمي اهنا احسن من اهناك
نوارس؛ حاضر
.
.
رحت كعدت عله التخم مقابيله قريب عله الباب وهوه طلع جهازه ايكلب بي واني جاي اباوع بالعلاكه طلعت نستله وخليت العلاكه عله التخم ابصفي وردت افتح النستله مجمدني غير صوت طكطكه بالباب بقيت جامده ابمكاني حته اخاف اندار واشوف
بس قويت روحي ودرت وجهي عله كيف وجان شفت امريه بس ما مبين شي منهة كلهة اسود واكفه يم الباب اتباوعلي
واني من خوفتي عطت بكل قوتيي وركضتت ابسرعه كعدت يم رجلين سيف امجلبه باديه وابجي واعيط
.
.
سيف
اني كاعد اكلب بالجهاز وما احس اله نوارس عاطت بقوه وباوعتلهة اجت ركض مهزومه عليه مديت اديه الهة جلبت باديه كامشه وكاعده يم رجلي وتبجي وتعيط
.
.
سيف؛ بسسم الله بسسم الله علييج شكوو شبييج
نوارس؛ (ابجي وعياط) اجتتت اجتت اترجعنيي لللكبببر ماارييد ارروح
سيف؛ اشبييج بوويه منوو اجتت
نواررس؛ ماا اريد ارروح وياهة والله ماريددد
.
احجي وابجي بكل هستريه وخوف
.
.
سيف
كاضه بيه نوارس وترجفف وتبجيي من خوفهة منبته اضافرهة باديه وما حاسه بروحه ماذيتني وهيه ضمت وجهة ابحضني واني قربت راسي يم راسه وقره قران والمعوذات وهيه تبجي ودندن بهدوأ
.
.
نوارس؛ (ابجي ودندنه) كاافيي اسسكتتت كاافيي
.
.
سيف مهتميت لكلامهة عرفته بساعه هلع فبقيت اقره وبديت بسوره الكرسي اقره وهاي اتخبلت عاطت بكل قوتهة ليكول اكو شيي جاي ايخوفهة ويمنعهة تسمع
فطفرت مني رادت تشرد واني كضيتهة من ثوبهة وهيه تعيط وتبجي
.
.
نوارس؛ (ابجي وعياط) هدنييي هدنييييي
سيف؛ مااا اهددج اشبيييج
.
.
سيف
نوارس كضت ايدي وخرمشتني حته اتيهة واني من وجع فلتت ايدي من ثوبهة بس قبل لا افلتهة جريتهة علي وكضيته بايدي الثانيه حضنتهة بايدي الثانيه وهيه تدفع بيه وتعيط وتغلط هم كامت واني متيهتهة
.
نوارس؛ حييواان عوفنيي نذللل كووااد
سيف؛ ما اهدج لو تفشرين هم
.
.
سيف بقيت مقاومهة وهيه ضربتني ابطني ابقوه بحيث قلت قوتي وكدرت اتوخر من ايدي بس هم طفت وراهة وكضيتهة وهيه وكعت بالكاع عله ضهرهة واني كعدت عله رجليهة وكضيت اديهة خليتهن فوك راسهة وهيه ادير وجهة منا ومنا وتعيط واني كلت
.
.
سيف؛ لا تحاولين بعد هاهيه مدكدرين اتوخرين مني
.
وهيه ثبتت راسه وباوعتلي بنضره حزن ليكول حزينه حيل ومكسوره ودموعهة نزلت وكامت تبجي واني نقهرت عليهة بس ما اكدر اهدهة اخاف اجذب تطلع وتشرد
.
.
نوارس؛ (ابجيي) ساعدنيي خايفه حيييل
سيف؛ نواارس بس كولي شكو شصار
وخرت منهة وكعدت ابصفه عله الكاع وهيه كعدت وكامت تبجي واني خليت ايدي عله راسهة اريد ارفعه وكول
.
.
سيف؛ شوو خلي اشوفج رفعي راسسج
.
وهيه تبجي ابصوت غريب اتغرر ابصوتهة وتانان وتبجي صراحه اني خفت حيل عليهة لان تبجي وجر ابشعرهة كامت
.
.
سيف؛ لاا لااا لسويين هيج عوفيي شعررج شوو عوفي
.
وهيه تبجي وجر ابخصل ابقوه وانما اتريد تشلع وجريت اديهة ابقوه من شعرهة وشعر كوم واكع بايدهة
.
.
سيف؛ شووفي اشسوييتي ابروحج كافيي
نوارس؛ ماا اكددرر ماا اكددرر
سيف؛ يلله كافيي تاخر الوقت امشي انام بعد امشيي
.
.
سيف
جذبت عليه بعدهة بالتسعه بس كومتهة ومشيتهة للغرفه نزلت الهة مخده وبطانيه وخليتهن اله واجت هيه بكل تعب اتمددت وتريد اتنام
.
.
.
مر الوقت وصارت بالثنتين ونص بالليل واني كاعد يمهة وصافن عليهة وادخن
.
وافكر واكول وينك يا اسد تعال شوف حالهة اشلون صار من دونك حته مجاي تتواصل ويانه ما اعرف ميت لو بعدك عايش حته
ما اكدر اكول وين الله وترجع صار بالشهرين انته ماكو
.
صارت الساعه بالخمسه ونص كمت اسوي جاي حته اتريك
خليت القوري عله النار وشربت اكلاص ماي ورجعت للغرفه اخذ مبايلي ودخلت الخرفه وصدمني شكل نوارس كاعده عله حيلهة وتباوع وكلت واني خايف
.
.
سيف؛ نوارس كاعدده
نوارس؛ ويين جنت سمعت صوت كعدني وكعدت
سيف؛ لا هاي حلم يمكن رجعي نامي لتخافين اني موجود
نوارس؛ لا ما ارجع انام اخااف
سيف؛ لعد كومي تعالي يمي خلي نتريك
نوارس؛ لا خليني ما بيه اكوم
.
.
.
سيف
خليت ايدي عله راسي وستغفرت ربي وعفتهة رحت كلت حته اذا صار شي عادي تعودت
.
وسويت جاي وحضرت ريوك الي ولنوارس رحت اقنعهة ادكوم تتريك وياي احسن
رحت وتعجبت لكيتهة نايمه ضحكت كلت هاي اني هم اسودنت هههه
.
.
ورحت اتريكت خلصت رويوك وبقت اشرب جاي وجان سمعت الباب ايدك اتعجبت منو منرهل صبح الساعه بالسبعه ونص منو جاي
.
.
كمت افتح الباب وفتحته ونصدمت من شفت اسد واكف كدامي
وبدون ما احس ادموعي نزلت وحضنته ابسرعه وبكل قوتيي
.
.
.
*****************
.
.
اسد
خلصت كلشي وخلصت من كلل اعدائي واني ابابل كبل رحت للمركز لرايس مركزهم وستاذنت منه وشكرته اهواي لان خلصت كلشي
.
وطلعت من المركز  رحت للسياره مالتي سقت الساعه ب٩ ونص بالليل وتلفون دك شفته الملازم علي
.
.
اسد؛ الووو هلا
علي؛ سيدي شنو راجع للبصره
اسد؛ اي والله راجع
علي؛ توصل بالسلامه اتمر عله المركز
اسد؛ الله يسلمك لا ما امر اريد اروح ابجهي للاهلل
علي؛ ها حقك يابه توصل بالسلامه
اسد؛ تسلم
.
.
اسد
سديت الخط منه وفكرت اشلون راح اشوف اهلي ونوارس واهلهة
بس اضن نوارس هيه واهلهة رجعو لبغداد اتمنه مراجعين اتمنه امي ما مخليتهم ايرجعون يا ربب كلبي مشلوع اريد اشوف نوارس اشلونهة عفتهة ابحاله مو زينه كللش هيه بالمستشفى
بقيت ادعي الدرب كلله كون مرايحين لبغداد
.
وصلت للبصره الساعه بالسته الصبح ابجهي للبيت الي راحو كعدو بي اهلي الجديد دكيت الباب ابقووه سمعت صوت امي اتعيط من وره الباب الله عله صوت شكد مستاكله
.
.
بدريه؛ ياا ستاار اجيتتت منو هيج ايدك الباب
.
.
اسد
بقيت اضحك عليهة وهيه فتحت الباب وعاطت بيا الله وحضنتني وبجت واني حضنتهة بقوتي ودموعي تنزل عديهة وخرت منهة وهيه تبجي وتحجي
.
.
بدريه؛ يممه ولييدي رجعع احمددك وشكررك ربيي
اسد؛ حبيبه كلبي عمري
.
ودخلنه للبيت واني امشي وامي تتحمد لربهة لان رجعت
وكعدنه بالديوانيه وهيه كعدت ابصفي اني كضيت ايدهة بستهة وكتلهة
.
.
اسد؛ لو تعرفين شكد مشتاكلج
بدريه؛ وانه اكثر يا يمه ولهانه عليك والله الليل كله ادعي ترجع بالسلامه كون ولحمد لله استجابلي ربك
اسد؛ حبيبتي بس وين الباقين
بدريه؛ شيماء نايمه
اسد؛ ولبقيين؟
بدريه؛ اخوك ابيته
اسد؛ شنوو ليش ابيته زين نوارس اهلهة
بدريه؛ خاب لجيب اسم هل خبله تسودنت تالي وكت وهلهة ردو البغداد من شهر ونص كل يوم جانو يتمالخون ويه اخوك
اسد؛ يمه اشجاي تحجين لعد نواارس ويين
بدريه؛ اخوك كرت عيني عليه ماخذهة وضامهة ابداره ميقبل اترد ويه اهلهة
اسد؛ ولييش رجعو اهللهة اصلن
بدريه؛ يمه تسودنت البت جاي اكلك تحجي بالموته والكبور وتبجي وتنوح اربعه وعشرين ساعه وانته جنت منتضرتك حته تجي وتفصخ هاي الخطوبه الكشره ونفض منهة
اسد؛ جاااي تحجين صدك يمه انتيي راايح اشوفهة اني
.
.
اسد
كمت وعفت امي اتعيط وراي حته مهتميت الهة وطلعت شغلت السياره ورحت ابجهي لبيت سيف
.
واني واسوق وافكر يا ربي شهل ضيم الي ماره بي نوارس
وصلت للبيت طبكت سيارتي اكباله ونزلت وقفلت السياره ودكيت الباب وره اشوي فتح سيف الباب
وانصدم ابشوفتي كبل حضني ابقوه وكام يبجي واني حضنته بقوتي مشتاكله كلشش ليكول سنين غايب عنهم مو شهرين
احس روحي راحت من فاركت اهلي ورجعت من رجعت الهم ماكو شي احله من لمت الاهل
.
.
.
مع تحياتي الكاتبه ضحى الطائي