اوجاع طير النوارس

البارت 17

.
.
نوارس
رجعت اني واسد للبيت واني حيل فرحانه كبل رحت للغرفه الاني بيهة كاعده ركضت الهة وطلعت جنطتي وكمت الم بغراضي واحير شسوي
وبقيت حايره ليوم ابطوله حته نسيت اسد 😅
.
.
اسد
صارت دنيه ليل ونوارس مشفته بس من اتعشينه وكبل هيه بس خلصت كامت غسلت اماعين وراحت وحقهة واني عاذرهة لان جاي تحضر روحه لباجر راح اتروح بعد راح اكوم اشتاقلهة وما اشوفهة كل يوميه
اخر شي اني كاعد بالاستقبال وشفت الساعه بال١٠ وربع بالليل خليت وحرت شنو نوارس وبن صارت من غراضهة لهواي وجاي اتصفط بيهن خليت وصحت الهة
.
اسد: (بعياط) نووواارس ويينج بااابه نوواارس
.
نوارس
واني كاعده جاي امشط ابشعري سمعت صوت اسد جيصيحني خليت عفت المشط بالكاع ورحتله ابسرعه
وكفت يم باب لستقبال وكتلهة
.
نوارس: هاا اسد
اسد: اشبيج اشو مشفتج اليوم
نوارس: ههه لا بس حايره اشوي
اسد: تعالي حبيبتي يمي
ومديت ايدي الهة وهيه ابتسمت وجت كعدت يمي ابصفي كلش واني حاوطتهة ابأيدي وكلت
.
اسد: ابشنو حايره
نوارس: لا بس اكول هم راح اتعود عليهم وهمه يتعودون عليه بس هيج
اسد: اكييد وراح ايحبوج همم
نوارس: انشاء الله
اسد: طايحه حض اليوم اخر يوم يمي وكمتي اذبين ثكل عليه 😂
نوارس: لا والله مو ثكل بس والله نسيتك😅
اسد: يا ادب سزز من هسه نسيتيني باجر اشلون حته متعرفيني ادكومين
نوارس: لا اشمالني هوه انته تطلع من بالي
اسد: حبيبتي انتي
.
نوارس
ضحكت ضحكه خفيفه وباوعت لاسد وهوه صافن عليه
.
اسد
نوارس اتباوعلي واني ذايب بعيونهة اشكد حلوات رب العالمين راسمهن رسم اكبار وعسليات ورموش اطوال ذبلانه ايخبلن
وجت عيني عله شفايفهة وشلت ايدي اللاخ خليتهة عله خدهة وقربت حلكي من اشفايفهة ردت ابوسهة هيه كبل غمضت اعيونهة ابقوه ودارت وجهة مني وصارت بوستي بخدهة
.
نوارس
اسد اتقربلي راد ايبوسني من اشفايفي احس كلبي وكف من الخجل وكبل غمضت اعيوني ابقوه ودرت وجهي من يمه وهوه باسني ابخدي احس اديه كامت ترجف رفعت ايدي وخليتهة عله خده وخرت من يمه ودنكت راسي وهوه رجع رفع راسي وكال ابهمس
.
اسد
واني كوه كاض روحي اريد بس اوصل لحلكهة كتلهة بهمس
اسد:(بهنس) كافي عناد
.
نوارس
من هيج كالي رفعت اعيوني عليه وسفت اعيونه بعيوني ورجعت نزلتهن وهوه كاضني من خدي وجرني عليه وباسني من شفايفي واني بس باسني كبل سحبت شفايفي من يمه بسرعه وهوه رجع باسني واني وخرت من يمه وخليت ايدي عله صدره وهوه كال
.
اسد: كاافي لتوخرين ابسرعه
ورجعت بستهة من حلكهة وجلبت بي حته بعد متكدر اتوخر مني وبقيت اجر ابوساتي وعض بشفايفهة عله كيفي حته لتتوجع ومص بيهن ما هيست اله ايدي صاعده عله صدرهة
.
نوارس
احس فقدت بعد من اسد بقه ايبوس بيه ما كمت احس ابشي ولا اكدر اسوي شي اديه كمت ما اعرف احركهن بس محسيت اله ايد اسد صارت عله صدري خليت ورفعت ايدي وكضيت اصبع البنصر من ايده ورفعتهة عن سدري خليتهة جوه فجي
.
اسد
وخرت ايدي من صدرهة واني اشوي وخرت حلكي من شفايف نوارس وهيه ابسرعه وخرت مني وعدلت كعدتهة وتيهت اصبعي وكتلهة
.
اسد: اشبيج
نوارس:(ابخجل)مابيه شي
اسد: احبج
نوارس: ههه يله كافي نام انته بعد باجر لازم اروح
اسد: هههه فدوه اروح للخجوله انيي
نوارس: تصبح عله خير بيباي
.
وكمت من مكاني ورحت ابسرعه طلعت من الاستقبال
.
اسد
اباوع لنوارس اشكد خجلت مني صار وجهة احمر كلش وشردت هسه
خليت وتمددت اشوي كلبت بالمبايل وسديته ونمت ابسرعه لان نعسان حيلل
.
.
نوارس
اني ابغرفتي كاعده وصافنه اذكر اشلون باسني اسد وخجل من روحي وبقيت افكر بأهلي وبخواتي وتاخر الوقت ومكدرت انام
.
.
_____________
.
.
ياسر
واني طلعت من البيت بعد ما الكل نامو اروح اسوي الابويه وصاني بي يلي اروح اخطف اختي من مرت ابويه
ورحت ركبت سيارتي وكبل ابجهي لبيت هاذ الجابهة النه اندل البيت لان اترقبتهم من راحو وندليتهة
وصلت البيت كبل لبست اجفوفي وتلثمت حته محد يعرفني شفت الساعه ب٣الفجر خليت رحت ابهدوء وصعدت عله الباب عله كيفي وطفرت بالبيت عله كيفي واول شي سويته رحت فتحت الباب شفته مقفول وحاولت ابسيم ونفتح الباب ورحت عله ميزانيه الكهرباء بالطرمه عايفيهة رحت سديتهة وطفت الكهرباء مالت البيت ابكاملهة
.
.
.
نوارس
واني جاي احاول انام طفت الكهرباء كبل كعدت عله حيلي لان اخاف من الضلمه اني وشوي كلت وراح تجي وجان اسمع صوت طكطكه بالمطبخ خفت كلشش كمت واحس حيلي يرجف من الخوف وفتحت باب الغرفه عله كيف ومديت راسي ضلمه كلشي ما امبين بس ضوه اشوي طالع من شباك المطبخ مال قمر
وفتحت الباب ورحت عله كيفي للمطبخ شفت باب المطبخ مفتوح ابسرعه ردت اروح اكعد اسد ما احس اله شي كضني من وره وسد حلكي ابوصله بيهة عطر مو طيب واني احاول اوخر منه واضرب بي اله اشوي اشووي بدت ونغمه عليه
.
.
ياسر
كضبت براء اختي وخنكتهة بالوصله لمخلي بيهة المخدر ونغمه عليهة وجريتهة بدون حس وطلعتهة فتحت باب السياره ونومتهة اليوره واني ابسرعه ركبت السياره وشغلتهة وتحركت ابكل سرعتي رحت خذيتهة بره بغداد قررت اخذهة لواسط (بالكوت )
.
.
اسد
فزيت الصبح ماكو لا حس ولا نفس بالبيت فتحت الجهاز شفتهة بال٩الصبح اتعجبت اشعجب نوارس مكاعده واليوم اوديهة لاهلهة بعد
ابسرعه كمت من مكاني وطفرت رحت للمطبخ شفت الباب مفتوح مال مطبخ ورحت اتقربت عليه شفت باب الشارع مفتوح كبل خفت ورحت ركضت لغرفه لبيهة نوارس نامت دخلت مشفت نوارس وعطت
.
اسد:(بعياط)نووواااررسس وويننج نوووااارسس
.
وركضت للباب مال شارع مللكيت ولا طير بالشارع رجعت دخلت للطرمه انتبهت طافيه الميزانيه مال كهرباء اتعجبت وكبل رحت شغلتهة وعرفت اكو سالفه مدبر الهة
كبل رحت دخلت خذيت اسويج سيارتي وطلعت ابسرعه بالسياره اريد اروح لابو نوارس وبالدرب هوه اتصل عليه ورديت عليه
.
اسد: الوو
علي: هلو ابني
اسد: هلا بيك
علي: ها بويه اشوكت تجون
اسد: ثواني واصل الكم
علي: هاا خوش انتضر لعد
اسد: اييي
.
وسديت الاتصال من يمه وصلت للبيت نزلت من السياره واني امفول عصبيه ورحت دكيت الباب ابقوه فتحه الي عباس وكال
.
عباس: عله كيفك مو هيج ليدك
اسد:(بعصبيه)وين ابووك؟؟
عباس: ليشش
اسد:(بعياط) كتلك ووين ابووك
.
وجان يجي علي وكال
.
علي: اشبي اشصاير وين لبنيه؟؟
اسد: وين لبنيه موو اسال نفسكك انته وين هيه
علي: شنو مفهمت
اسد: انعل والديك اليووم اذا مطاعتهة(بعصبيه وعياط)
علي: انجبب لك موش انته التعلي حسك عليه
اسد: والله ابتلي بيكن كلكم فطلعوهة احسن
علي: لييش وين وديت بنتي
اسد: لسوي روح متدري ادري كلش زين يمك لان انته من البدايه مردتهة فطلعهة احسلك
علي: هاااي انته روح اطلع من داري احسلك لا هسه اشتكي عليك والله
اسد: راح اطلع بس ارجع مره ثانيه هم وراح ادور عله نوارس وراح ارجعهة لأمهة لو اخر نفس بيه مفهوووم ومتلومون اله نفسكم اذا عرفتهة ابسببكم
.
هيج حجيت وطلعت من البيت فتحت باب السياره ردت اركب وصاحلي
.
عباس: اسدد اوكف
اسد: هاا شتريد
عباس: عادي اجي وياك ادور اختي
اسد: ايي تفضل
.
وركب عباس وياي بالسياره وحركت ابسرعه رجعت للمنطقه مالتنه وطلعت من السياره وصافن عله لبيوت وطلع عباس وكال
.
عباس: شدور؟؟
اسد: كامره بلكي شادين كامره
عباس: ايي صدك
.
اسد
بقيت اباوع لحد ملمحت البيت لكبال بيتنه هده كامرات وكبل رحت ركضت لبيتهم
.
.
.
___________
.
ياسر
وصلت للكوت الساعه صارت بال٨ونص الصبح رحت لمنطقه قديمه اشوي عرب اعرف بيهة شباب اصدقائي وفزت براء بس اني شاد حلكهة واديهة ورجليهة بقت بس اتحوص اليوره وتبجي واني احجي وياهة
.
نوارس
فزيت شفت نفسي اني ابسياره واحس نفسي دايخه كلش كوه فتحت اعيوني شفت نفسي شادين اديه ورجليه وحلكي ردت اكعد عدل وكعت اليجوه يم الكشن وحاولت اصيح مكدرت بس ابجي وحجه هاذ الخطفني
.
ياسر: كافي لتحاولين متكدرين تنهزمين لو الحمزه يجي هسه راح اوديج البيت راح ايحبوج البي كلش واكثر من يمنه وراح ايصيرون همه عائلتج حبيبتي انتي يله لتبجي اشوي واصلين هههههه
.
نوارس
عرفت من صوته هاذ اخويه ابن مرت ابويه اشكد حقير ليش هيج ايسووي بيه
وبقيت ابجيي
.
.
.
يتبعع.......