اوجاع طير النوارس

البارت 8

.
يوم ثاني
.
.
نوارس
كعدت الصبح شفت الساعه ب٩وربع فركت اعيوني وكمت نزات من السرير وذكرت اسد اليوم ما موجود
بسرعه مشيت وطلعت من الغرفه ورحت لغرفه اسد دكيت الباب ابقوه ماكو حس قربت راسي عله الباب وخليت اذاني عله الباب اريد اسمع صوت ما سمعت شي وخرت وعرفت رايح ونزلت للمطبخ فتحت الثلاجه طلعت جبن وحميت الجاي وكعدت اتريكت وكلت بس اخلص اعزل المطبخ والبيت اشوي اذا يحتاج
وذكرت راح يجي اليوم صديق اسد يمي بالبيت يا الله استحي اني اشلون سالفه هاي
.
.
اسد
كعدت من الخمسه الصبح كمت سبحت ولبست ملابس شغلي وطلعت من الغرفه باوعت عله غرفه نوارس اشلون راح اكدر اعوفهة وحدهة اسبوع كامل نوب كلت هيه عاشت عمرهة وحدهة بقت عله هاذ لسبوع
وتقربت لغرفته فتحت الباب عله كيف وباوعت اله شفتهة غاطه بالنوم محبيت ازعجهة ورجعت سديت الباب ونزلت اتريكت وخذيت غراضي وتوكلت عله الله لبغداد
.
.
نوارس
واني كاعده بالهول عله التخم انفتح الباب مال بيت كمت من مكاني وبقيت بس اباوع شفت هاذ الولد صديق اسد
.
.
مصطفى
رجعت من الشغل ابجهي لبيت اسد فتحت الباب بالمفتاح دخلت شفتهة واكفه وتباوعلي بس اتعجبت عله منضرهة اشكد حلو وبنفس الوكت اتخبل
لابسه ماابس اسد وعراض عليهة وشعر مفتوح بس ما اكدرت اشوف وجهة عدل ضلمه ما مفتوحه كل الاضويه سديت الباب وجيت اتقربت عليهة اشوي وكتلهة
.
مصطفى: السلام عليكم
نوارس: وعليكم السلام
مصطفى: الجو بارد كلش بره
نوارس: ايي صح
مصطفى: ليش الاضويه ما مفتوحه كلهة
نوارس: هييج 😅
مصطفى: عادي تفتحيهن من يمج
نوارس: عادي
.
نوارس
رحت فتح الاضويه ورجعت كعدت عله التخم
.
مصطفى
راحت فتحت الاضويه وندارت عليه رجعت ماا شاء الله شهل جمال الخدود ورديه والشفايف متروسات دائريات ورديات والعيون اكبار عسليات وهيه رجعت ومدنكه اشوي راسهة وترفع اعيونهة عليه اشوي وتنزلهن وكعدت عله التخم واني كعدت صرت مقابيلهة واني صافن عله تفاصيل وجهة مشايفهة اني من رحت ذاك اليوم وياهة واسد موجود وكالت
.
نوارس:(بخجل)متعشي؟
مصطفى:اأ أاي اي متعشي شكرا
نوارس: ها بالعافيه
مصطفى: مرتاحه اهنا
نوارس:ايي مرتاحه لحمد لله
مصطفى: ايي صح اسد ورده حباب
نوارس: ايي كلش حباب ويايه
مصطفى: ايي صح
نوارس: اني راح اصعد انام نعست
مصطفى: اي عله راحتج تصبحين عله خير
.
نوارس
لميت دفتري واقلامي وبتسمت ابجهة ودرت وجهي ورحت ابسرعه صعدت لغرفتي
.
مصطفى:الله يساعدك يا خويه يا اسد كاعد يم كمر كل هل وقت ومتحمل اشلوون صار سبوعين يمه وطبيعي حاله اني بس بنضره تخربطت احوالي
.
.
.
اسد
واني كاعد بالشغل بمكتبي شفت الساعه صارت بال٩ونص عرفت هاذ موعد رجعه مصطفى للبيت بسرعه فتحت جهازي وباوعت عله الكامرات شفت نوارس كاعده وحدهة بالهول ومدري شسوي مو واضح اشوي وشفت مصطفى اجه دخل للبت بقيت عيني عله نوارس اشلون كامت من دخل وجه اتقدم اشوي وهيه راحت فتحت الاضويه هنوب كعدت وهوه كعد كبالهة وشوي وكامت لمت غراضهة وراحت صعدت ارتاحيت وكبل اتصلت عله مصطفى
.
.
نوارس
واني متمدده عله سرير والفكار ماكله عقلي
اشلون راح يكضي هل اسبوع واني يم هاذ متقيده كلش ويا حته احس بديت اشتاقله
وغلبني النعاس ونمت
.
كعدت الصبح شفت الساعه ب٩ونص خليت وكمت مشطت شعري وضفرته ونزلت جوه رحت للمطبخ ما احس اله صوت ورايه من خوفي كمزت كمزه
.
مصطفى: اسم الله سبيج
نوارس: هاذ انته
مصطفى: لا مو اني
نوارس: اسفه بس قصدي مرايح للشغل
مصطفى: اليوم جمعه
نوارس: ومداومون بالجمعه والسبت؟؟
مصطفى: لا بس الجمعه ستراحه
نوارس: هاا تعال خلي نتريك
مصطفى: لا ما اشتهي بس لو ستكان جاي موجود
نوارس: اي ايي حاضر
وخليت القوري عله النار وهاذ كعد عله الكرسي يم الميز واني طلعت الي جبن وخبز وطلعت كوب وستكان
.
مصطفى
هيه تفتر كدامي واني صافن عله طواهة وعله شعرهة وفاتح جهازي بس تندار عليه اسوي نفسي جاي اكلب بالمبايل شهل جمال يا ربي لخدوود ينكرطن ورديات والشفايف المتروسات الحمر واجت كعدت وطتني الستكان
.
مصطفى: شكرا ورده
نوارس: بالعافيه
مصطفى: تعرفين شسمي اني
نوارس: لا والله😅
مصطفى: اسمي مصطفى
نوارس: اتشرف (وبتسمت ونزلت راسي)
مصطفى: تعرفين انتي كلش حلوه
.
نوارس
رفعت راسي باوعتله ونزلت راسي خجلانه وكتله
نوارس: شكرا
مصطفى:ههه لتخجلين لان خدودج ايزيدن توريد
.
نوارس
هاذ اشبي ليش هيج يحجي يربي
نوارس: ههه ما ادري (واني منزله وجهي)
مصطفى: اسف اذا حرجتج بس اني انسان صريح
نوارس: لا عادي اصلن شبعت وراح اكوم
مصطفى: بس مو اتختلين امل وحدي اني عود نزلي نسولف
نوارس: نشاء الله
.
وكمت خليت كوب عله السنك ورحت بسرعه صعدت لغرفتي
.
مصطفى: يا ربي عله الجمال لازم اصارحه متفيد بعد السالفه
.
.
اسد
واني جاي اراقب الكامرات وشفت نوارس ومصطفى كاعدين بالمطبخ اشوي وراحت نوارس كلت لروحي
.
اسد: ليش كل متكعد يم مصطفى اشوي وتنهزم معقوله يحجي حجي وياهة مو حلو لو يتحرش بيهة لا لا شسالفه شبيك اسد صديق عمرك هاذ معقوله اشك بي ميسويهة
.
.
نوارس
واني كاعده بغرفتي مستحيل اطلع بعد اذا يبقه هيج يحجي وياي اني ما اكدر استحي واضوج من هيج اصلن وكلت
نوارس: خلي اكوم اسبح احسن
.
وكمت رحت دخلت سبحت وخلصت رجعت عله ملابس لطانياهن اسد وطلعت مشطت شعري ونمطلن عله السرير وبقيت ارسم مطلعت من غرفتي ابد اجه الليل واني احس نفسي جعت خليت وكمت نزلت اريد اروح اسوي عشه نزلت وماكو حس لمصطفى يمكن طالع اني رحت سويت عشه شوربه صبيت الي بطاسه اكلت لحد مشبعت وبسرعه كمت غسلت لماعين الوصخه ورحت رجعت صعدت ابسرعه
.
.
اسد
مصطفى اتصل عليه كلي راح ايروح للشغل اتصلو عليه وكتله عادي واني بشغلي فتحت حاسبتي عله كامرات البيت نوارس مطلعت من غرفتهة لليل يله طلعت نزلت للمطبخ شفتهة وسوت اكل الهة واني صافن عليهة وكلت
.
اسد: والله مشتاقلج يالطفله
.
.
مصطفى
اتصلو عليه من الشغل اتصلت عله اسد كتله لازم اروح وهوه كال عادي كلت خاف ايصير شي عله الاقل بعلمه واني رحت ساعتين ورجعت مريت عله المحل اذكرت نوارس كلت بعدهة اصغيره هيه اكيد اتحب الحلويات فجبت الهة علاكه حلويات وشتريت باكيت جكاير الي ورجعت للبيت دخلت وكفت يم الدرج وصحت بصوت عالي
.
مصطفى: نوواارس نوووارس
واجت بسرعه
نوارس: هاا مصطفى شصاي
.
مصطفى
ابتسمت ابجهة ابتسامه اكبيره ورفعت العلاكه الحلويات
.
نوارس: شنو هاي
مصطفى: الج هاج
.
نوارس
اطانياهة وخذيتهة فتحتهة شفت بيهة حلويات وكلشي فرحت وضحكت ابجهة وكتله
نوارس: شكررا
مصطفى: تحبيهن مو
نوارس: ايي شكرا
مصطفى: تعالي خلي نكعد اهنا ونسولف اشوي
نوارس: ايي عادي
.
ومشيت ورا هوه كعد عله التخم واني كعدت عله التخم الكدامه وخليت العلاكه عله الطبله وعدلت كعدتي
.
مصطفى: اشكد عمرج نوارس
نوارس: ١٧ سنه
مصطفى: ههه صغيره
نوارس: لا مو صغيره
مصطفى: هههه اي انتي جبيره
نوارس: ايي جبيره مو صغيره
مصطفى: صغيره ومطيره عقلي
.
نوارس
من هيج كلي احس كلبي وكف وغلست عله الكاله وردت اغير الموضوع
نوارس: انته شكد عمرك
مصطفى: انتي عمري
.
نوارس
اتعجبت هاذ شبي ليش هيج يحجي
.
مصطفى
شفتهة سكتت ومحجت شي اني مدري منين اجتني الجرأه وكمت من مكاني رحت كعدت ابصفهة هيه رادت ادكوم كضيتهة من ايدهة كعدتهة
.
نوارس
كام واجه كعد ابصفي كبل كمت وهوه كض ايدي وكعدني واني منزله راسي وارجف اخاف ايسوي شي
.
مصطفى
وهيه منزله راسهة وتتنفس ابقوه وشعرهة نازل عله وجهة رفعت ايدي وخرته من وجهة ورفعت راسهة بأيدي وهيه عيونهة عليه وخايفات واني كبل محسيت عله نفسي اله خليت اشفايفهة بين شفايفي وعضيتهن احس نفسي اريد اكلهن
.
نوارس
مصطفى اتقرب عليه وما احس اله باسني من شفايفي حاولت ادفعه مكدرت جنه حايط صار مدري منين اجتني القوه وضربته ابراشدي كلش قوي وهوه وخر واني كبل كمت من يمه وهوه بقه كاض خده وداير وجهة واني كبل رحت بسرعه صعدت الغرفتي ركض دخلت وسديت الباب وحس كلبي راح يوكف ونفسي لعبت مسحت شفايفي بردان البدي
.
.
مصطفى
ضربتني وكامت كبل راحت ركضت لغرفتهة واني كلت الروحي
مصطفى: ثووول اكو واحد هيج ايسوي والله اذا كالت لاسد اجني عله روحي بس لا ادكله يا الله
.
.
اسد
واني كاعد عله جربايه مال فندق وفاتح الحاسبه عله كامرات البيت شفت مصطفى ونوارس كاعدين بالهول يمكن جاي ايسولفون اشوي وشفت مصطفى كام وكعد يم نوارس وكضاهة مخلاهة اتروح اني عكدت حواجبي وعدلت كعدتي وباوع وشفت مصطفى لعب ابشعرهة لو احس اريد انفجر اشجاي ايسوي هاذ انفاسي زادت ويه دكات كلبي وعصبيتي
هنوب شفته كضاهة وباسهة احس النار كامت تطلع من اعيونيي كمت اعرك من عصبيتي وشفت نوارس ضربته وراحت عرفت مو ابرضاتهة كمت من مكاني وشمرت الحاسوب وكمت بقيت احوص بالغرفه اروح ورد وعصابي اتفور معقوله الثقيت بي صديق عمري هيج ايسوي اني اعلمه
متصلت عليه اريد اروح واصدمه واطيح حضه كبل اتصلت عله رأيس شغلي اطيته علم راح ارجع باجر صارت عدي فاتحه ولميت غراضي
.
.
يتبع....