اوجاع طير النوارس

البارت 13

.
نوارس
.
واني افتر بالغرفه مجايني نوم افتر وشد باصابيعي ابعض اشلون بعد ما اشوف اسد ومراح اسمع صوته وهوه معترفلي واني ذابه ثكل عليه ومستحتي ماكلتني اذا هيج ابقه حته بعد مستحيل اشوفه ولا راح هوه ايحاول يسمع صوتي او ايشوفني اذا اني صاده عنه خليت وكلت خلي اقوي نفسي واروح احجي كلشي نفس ما هوه حجه اي عادي قابل راح ياكاني اصلن راح ايكيف
وطلعت من الغرفه ورحت ابسرعه للستقبال ردت افتح الباب اترددت وكلبي كام ايدك ابسرعه شكله وشحجي خليت ودكيت الباب
.
.
اسد
اني كاعد جاي اخلص شغلي بالحاسبه اندك باب شفت الساعه ب١١بالليل اتعجبت وكلت
اسد: ادخليي
ودخلت نوارس وهيه منزاه رايهة ورافعه اعيونهة اتباوعلي اني سديت الحاسبه وكتلهة
.
اسد: خوما صاير شي
نوارس: ها لا مصاير بس اجيت اسولف وياك
اسد:(بتعجب)اسولفين ؟
نوارس: ايي بس اذا نعسان اروح عادي
اسد: لا لا بالعكس فرحتيني تعالي اكعدي يمي
.
نوارس
ادنالي اسد واني باوعتله واجيت كعدت ابصفه نزلت راسي ولميت كذلتي وره اذاني وكلت
نوارس: باجر راح اتروح تسال عله ابويه
اسد: ايي باجر
نوارس: هاا خوش
اسد: شبيج نوارس صاير شي
نوارس:(واني منزله راسي)ها لا مصاير بس هيج اسال
.
اسد
متعجب اشبيهة هايه رفعت وجهة وباوعتلي وعيونهة امبينات بيهن لمعه مغوركات
.
اسد: اشبيج ليش ضايجه
نوارس: لا بس لان بعد ما اكدر اشوفك اذا رجعت لاهلي
اسد: تردين الغي الموضوع وما ادور عليهم😂
نوارس: لا لا مو هيج بس... راح اشتاقلك
اسد: والله
.
نوارس
نزلت راسي وهزيت راسي بمعنه اي
.
اسد: تحبيني ؟
.
نوارس
خجلت وبتسمت بس واني منزله راسي
اسد: اشبيج ساكته احجي لتسكتين
نوارس: اني رايحه نعست
.
اسد
رادت ادكوم واني كضيتهة من ايدهة جريتهة بقوه وكعت عليه رادت اتوخر مني مكدرت كضيت ايدهة الثانيه وهيه رفعت وجهة وصارت اعيونهة بعيوني وكتلهة
.
اسد: احبج
.
نوارس
بقيت ساكته مكلت شي وبس اباوع عله وجهة وهوه اشلون ايباوع لكل تفاصيل وجهي اتقرب عليه وكض خصري بقوه وقرب وجهة عليه واني بدون ما احس غمضت اعيوني وهوه باسني من خدي
.
اسد
تقربت وبستهة من خدهة شفتهة غمضت اعيونهة من خجلهة واشوي وجريت نفسي عله شفايفهة ردت ابوسهة من اشفايفهة اول مطخت اشفايفي بشفايفهة غمضت عيونهة بقوه وخرت اشفايفهة اشوي من شفايفي واني كضيت وجهة وبستهة من شفايفهة اشوي وصارت اشفايفهة بين اشفايفي رادت اتوخر مكدرت كاض وجهة ابقوه وبقيت اجر ابوساتي وامص بشفايفهة من شفه لشفه انتقل من الشفه لفوك للجوه ورجع
هيه كضتني من صدري دفعتني وخرت حلكهة مني ونزلت راسهة وتتنفس ابقوه واني خدران بيهة وميت عليهة و رجعت رفعت راسهة وشفت وجهة قطعه حمرره من الخجل ومغمضه اعيونهة بقوه ونفسهة قوي ضحكت ضحكه خفيفه ورجعت خليت شفايفي عله شفايفهة وكضيتهة من راسهة وبقيت اجر بشفايفهة ومص بيهن وهيه وخرت حلهة مني بالكوه ومنزله راسهة وكالت
.
نوارس:(بخجل)كافي اسد
.
اسد
من هيج كالت صحيت عله روحي جنت خدران بيهة وكتلهة
اسد: ههه مصيطرت عله روحي
نوارس: أا.أني اروح بعد
اسد: وين
نوارس: انام
وكمت
اسد: خوما ضجتي مني
.
نوارس
رفعت وجهي عليه واني مبتسمه وهزيت راسي بمعنه لا ورحت طلعت من الغرفه ابسرعه ورجعت ركض لغرفتي وسديت الباب عليه وخجلانه حييل وبنفس الوقت فرحانه
.
.
اسد
واني كاعد وذكر اشلون بست نوارس وشلون معت بيهة وضحك ويه روحي وكلت
اسد: اشبيك يا اسد شصارلك صيطر عله روحك
ونمت
.
كعدت ثاني يوم عله صوت المنبه سديته وكمت رحت للمطبخ اريد اغسل وجهي شفت نوارس كاعده وجاي اسوي ريوك وشكد حلوه طالعه رافعه شعرهة ذيل احصان ومنزله كذلهة وكلت
.
اسد: صباح الخير
.
نوارس
فزيت عله صوت اسد وكتله
نوارس: صباح النور
اسد: سويتي ريوك
نوارس: ايي سويتلك قبل لتكعد حته كبل تتريك
اسد: عفييه
وغسلت وجهي ونشفته وكعدت عله الكرسي كبال ميز الطعام ونوارس اجت صبت جاي الي وكعدت كدامي
اسد: شلونج
نوارس: زينه لحمد لله
عرفت راح ايذب كلمه الي وكال
اسد: اخخ حلكي يوجعني
.
نوارس
خجلت وبتسمت ونزلت راسي ورجعت باوعتله وكتله
نوارس: ليش شبيك
اسد: ها لا بس البارحه انضربت بدون ما ادري
نوارس: ليش ابشنو انضربت
اسد:(ابضحكه)انضربت بشفايفج😂
.
نوارس
ضحكت ونزلت راسي
اسد: احب خجلج
بقيت اباوعلهة وشوي وكمت هيه بس تضحك بخجل متحجي شي
.
نوارس
راح اسد كام واني كمت شلت لماعين ونضفتهن واني هستوني خلصت غسل اماعين جاي انشف ايدي اجه اسد وهوه امبدل ملابسه وشايل سويج السياره
.
نوارس: ها رايح
اسد: ايي رايح محتاجه شي اجيبلج وياي
نوارس: سلامتك بس
اسد: كلبي انتي يله باي
ردت اطلع  وكفت يم باب المطبخ واباوعلهة وهيه ابتسمت وعكفت حواجبهة وكالت
.
نوارس: شو وكفت
اسد: ماكو هديه قبل لا اروح
نوارس: ههه لا ماكو ارجع يله
اسد: (ابضحك)اوكي خمس دقايق وراجع😂
نوارس:هههه شنو هاي
اسد: يله باي
.
نوارس
وراح اسد واني اباوعله فرحانه بي احس رب العالمين امسخره الي هل رجال معافني ويتعب ويدور عله اهلي الله يساعده ويحفضه يا رب
.
ورحت لغرفه البيهة غراضي كلت اعزلهن
.
اسد
صارلي ساعه من طلعت واني رايح للمحل الي مشتغل ويا علي عبد العادل محل غسل وكوي
طبكت السياره ونزلت رحت دخلت المحل لكيت شباب اثنين واحد عمره مداخل العشرين والثاني جبير
.
اسد: السلام عليكم اخوان
عباس: وعليكم السلام خويه تفضل
.
اسد
رد عليه الولد الكبير
اسد: مشكور بس جاي اسال عله شخص
عباس: اي تفضل منو
اسد: تعرف رجال اسمه علي عبد العادل
ياسر:ليش انته منو
.
اسد
كمز من وحده الولد لصغير
اسد: جاي اسال عليه عدي إمانه اله
عباس: اني ابنه لجبير تكدر تحجي
اسد: هوش مادامك ابنه اخذني لابوك هسه
عباس:(بتعجب)هسه؟ليش
اسد: كتلك عدي امانه اله
ياسر: خويه احنه ولده اثنينه اطينه الامانه وتوكل
اسد: ما اكدر اطيهة اله بيد ابوكم
عباس: ميخالف خويه هسه اتصل عليه وخلي يجي
اسد: رحم الله والديك
عباس : ولا يهمك ستاذ
.
اسد
اتصل الولد وذاك اللاخ الصغير ايباوع ومعاجبه الوضع امبين عليه وكح وما متربي حجه هاذ ويه ابو وسد الاتصال
.
اسد: ها شكال
عباس: هسه راح يجي تكدر تستريح يمك
اسد: مشكوور بس مكتلي شسمك
عباس: اسمي عباس وهاذ اخوي الصغير ياسر
ياسر: بس من نفس الابو يعني اعتبار اصغير هوه اخويه
اسد: كافي اخوك لجبير هاذ
خله ودار وجهة وراح دخل جوه واني بقيت كاعد انتضر اشوكت يجي ابوهم
.
.
نوارس
واني كاعده بالغرفه اعدل ابنفسي وفرحانه راح يجي اسد وهوه يعرف اهلي وراح ارجع لحضن امي الي مشايفته ابد
حيل فرحانه وفكر وذكر اشلون البارحه باسني اسد واخجل من وحدي يا الله لحمد لله احس نفسي مرتاحه
.
.
.
اسد
واني كاعد وانتضر اجه رجال دخل اكبير بالعمر بس مرتب نفسه وحلو كبل كمت من مكاني
.
علي: السلام عليكم
اسد: وعليكم السلام ستاذ
علي: هلا بيك انته ردت اشوفني
اسد: ايي والله اني عدي امانه الك
علي: اي شنو الامانه انشاء الله تسوه جيتك
اسد: تسوه وزياده وراح اتفرحك هم
علي: ياا الله كول
اسد: تفضل
وكعد عله الكرسي واني كعدت ابصفه
.
علي: روح ابني عباس جيب النه استكانين جاي
عباس: حاضر بويه
.
راح عباس بس بقه ياسر واكف بعيد ايباوع النه
.
علي: اي كول ابني شنو الامانه
اسد: بنتك
علي:(بتعجب)بتي ؟يا بت انته تقصد
اسد: الماتت بثناء ولادتهة
علي: وانته شعرفك صار عليهة ١٧ سنه
اسد: يا عمي اني جاي اكلك بنتك ما ميته بنتك موجوده يمي
.
كبل كام علي وهوه معصب وفاتح اعيونه عليه
علي:(بعصبيه)انته جاي تعرف اشتحجي البنيه ماتت
اسد: لا ما ميته موجوده ومن خلالهة لكيتكم اشعرفني لعد اني بيكم
علي: مستحييل انته ناصب علينه
اسد: والله العلي العضم بتك موجوده ويمي
علي: وكضت كل هل فتره يمك
اسد: لا رباهة رجال اكبير بالعمر وقبل كم شهر اتوفه والمخفر القه القبض عله بتك وحجت قصتهة ودخلنه محامي بيهة ولكيناك
.
اشو هاذ كبل من هيج كلت خرط بالكاع وتخربط واني كضيته من راسه وبقيت اكعد بي
اسد: اشبييك اكعد ولك انته جيب ماي (بعياط)
اكعدد شصارلك
.
جاب ابنه ماي وذبيت عله وجهة وكعدته وكوه كومته وشلته وفتحت السياره بالسويج
.
اسد:(بعياط)ياااسر روح افتح باب السياره خلي ناخذه للبيت
ياسر: ايي اي رايح
.
اسد
وكومته ورحت وديته دخلته بالسياره وابنه كعد بصفه واني شغلت السياره
اسد: يااسر دليني عله بيتكم
ياسر: امشي كبلل
.
اسد
ومشيت بكل سرعتي مهتميت اكو طسه لو شي
دلاني ياسر عله البيت وطبكت سيارتي بسرعه ونزلت اريد انزل الرجال لكيته كاضي ودايخ مشينا كوه اني وياسر دك الباب ياسر فتحو وابسرعه دخلنا للستقبال ابدايه البيت كعدنا عله التخم وهوه دايخ و كام يحجي 
.
علي: الله ينتقم منك اذا جاي اجذب عليه
اسد: ارتاح عمي وبعدين افهمك ارتاح هسه
علي: فدوه كلي السالفه جذب
ياسر: بويه ارتاح اشبيك متت اني رايح اجيبلك علجك مال سكر
اسد : يله بسرعه
.
ياسر
طلعت ابسرعه من الستقبال ورحت لغرفه امي ليلى الي هيه الزوجه الثانيه لابويه علي الي اتئامرت عله قتل اختي البس من ابويه من انولدت
دخلت لغرفتهة وصحت
.
ياسر: يمهه افرحيي انكشف كلشي وصرتي بالرجلين
ليلى(بفزعه وخوف):يا ستار شكوو
ياسر: رجعتت براء بت ابوي الطيتيهة للمرضه عود تكتلهة....
.
.
.
يتبع.....