اوجاع طير النوارس

البارت 7

.
.
.
نوارس
كعدت الصبح رفعت راسي شفتهة بال٩الصبح خليت وكمت باوعت عله روحي بالمرايه اشوي ورحت غسلت وجهي ونشفته بالمنشفه وطلعت من الغرفه ونزلت شفت اسد كاعد بالهول عله التخم ويلعب بالحاسبه اتعجبت مرايح لدوام
.
نوارس:صباح الخير
.
اسد
رفعت راسي باوعتلهة وكتلهة
اسد: صباح النور
نوارس:متريك؟
اسد: اي لحمد لله
نوارس: بالعافيه
وردت اروح للمطبخ صاحلي اسد
.
اسد: نووارس
نوارس: هاا
اسد: تعالي اهنا
واشرت اله عله التخم المقابيلي
.
نوارس
اتعجبت واجيت كعدت اكباله وكتلهة
.
نوارس: شنو
اسد: فكرت ابموضوع البارحه وردت اخذ رايج
نواري: شنو هوه
اسد:شنو رايج اطلعلج جنسيه
نوارس: والله
اسد: ايي وتكدرين حته بيهة تدرسين وطلعين وطبين وبزودج
نوارس: بس اشلون واني ما عدي اصل
اسد: اني اطلعلج
نوارس: اشلون يعني
اسد: اخليلج اسماء مزيفه لاهلج
نوارس: واذا لكينه اهلي
اسد: انصقطهة ونطلعلج جنسيه باسم اهلج
نوارس: حلو خوش فكره
اسد: ايي كلش زينه
نوارس: شكرا والله ما اعرف ابشنو اجازيك
اسد: تكدرين اجازيني
نوارس: بشنو
اسد: اسمعين الكلام وبس
نوارس:(ابضحكه)هههه اي انشاء الله دومي اسمع
اسد: عفيه وهسه اني راح ابدل وروح لشغلي احسن
نوارس: اشعجب مرحت من صبح
اسد: ما عدي شي ونتضرتج اتكعدي
نوارس: شكرا
.
اسد
عفتهة ورحت صعدت للغرفه مالتي
.
نوارس
حيل فرحت من هيج كالي اسد واخيرن راح تطلعلي جنسيه واكدر ادرس وتعلم اقرايه والكتابه وكمت رحت للمطبخ اريد اتريك ومنتبهت لاسد من راح طلع للشغل بس سمعت باب البيت الخارجي انطبك ونقفل اني اتريكت وخلصت وكمت غسلت لماعين وعزلت ونضفت المطبخ ابكامله وطلعت للهول وباوع وجتني فكره انضف البيت لان هوه عباره عن قطعه اتراب وهم اجازي اشوي من السوا وياي اسد وبديت انضف
.
.
اسد
واني كاعد ابمكتبي وجاي اشتغل دخل مصطفى
.
مصطفى: ممكن ادخل
اسد: هوه انته دخلت اصلن تعال
واجه كعد عله الكرسي لكبال ميزي وكتله
.
اسد: خير شكو
مصطفى: جبتاك اخبار بالباكيت
اسد: يا الله كوول شكو
مصطفى: شغلك لبغداد لتحبه اتروح مراقبه رجعته الك اليوم شنو رايك
.
اسد
هيج كالي وضربت الميز بايدي وقوه وكتله بصوت عالي
.
اسد: انته اشسوويت
مصطفى: شنو شبيك غير انته تتمنه اتروح اهناك
اسد: اشبيك انته عقل اكوو ابراسك وهاي لصخام ليمي وين اوديهة
مصطفى: يوو صدك نسيت
.
اسد
عصبت من يمه ودرت وجهي منه ومسحت لحيتي بايدي ورجعت باوعتله وعاكد حواجبي وكتله
.
اسد: انته اتروح معلي اني
مصطفى: اشمدريني نسيت لبنيه يمك
اسد: ايي وما اكدر اروح طلع حجه وكول للرأيس
مصطفى: اشلون نوب يعصب ويعاند
اسد:(بعصبيه)هسه انته اشجابك عله هاي لشغله مدكللي ورطتني
مصطفى: اسف نسيت اني شمدريني
اسد: هسه لازم اطلع جذبه الشيطان ما مفكر بيهة حته ايصدك
مصطفى: اعذرني خويه مجان قصدي
اسد: اذا عاند وخلاني اروح انته تبقه يم نوارس بالبيت
مصطفى: خو اجيبهة يمي
اسد:(بعياط)لااا مطلعهة عتبه الباب
مصطفى:اي لان مثق بيه وتريد تبقيهة ابيتك وما اجيبهة يمي لان بيتك متروس كامرات ليكول راح اكلهة
اسد: تعرف بيه اثق بيك بس اخاف اطلعهة وتاخذهة يمك ويصير بيهة شي
مصطفى: ميخالف ابقه يمهة واعتذر
.
اسد
وكام مصطفى وهوه ضايج وطلع وراح واني كمت رحت للرأيس بلكي يقبل ما اروح
رحتله دكيت الباب
.
الرأيس:تفضل
.
دخلت وطيته تحيه وكتله
اسد: شلونك حضره الرأيس
الرأيس: هلا بيك اسد الضاهر فرحان واجيت عله روحه بغداد
اسد: سيدي اجيت الغي هاي الروحه
الرأيس:شنوو اجه صديقك وكال انته اتروح وانته ردت شنو تضحك علييه
اسد: لا سيدي بس اني حالين مشغول ما اكدر اروح
الرأيس: لا ماكوو انته اتروح لان القبلك الجنت امره ايروح واجه مصطفى اتبرع بيك واني رفضته وتوكل عله بيته بالناصريه من البارحه
اسد: سيدي بس ما اكدر حالين
الرأيس: روح اطلع وانته الي راح اتروح واذا ترفض لتجي بعد للشغل
اسد: حااضر حاضر
وخليت وطلعت واني معصب وضايج وكبل طلعت تلفوني وتصلت عله مصطفى كتله هسه تجي لمكتبي وسديته ودخلت مكتبي وكفت يم الميز واني ضايج اجه مصطفى دخل وسد الباب
.
مصطفى: هاا بشر
اسد: شوف مصطفى راح اروح لبغداد اني وانته راح تبقه يم نوارس
مصطفى: تدلل تأمر
اسد: بس اذا طلعتهة بره البيت انصير مو خوش اني وياك
مصطفى: لا قابل وين اوديهة
اسد: وانته راح تبقه يمهة اتبات ومن ترجع من الشغل دير بالك عليهة تره هيه طفله وجبانه
مصطفى: ايي قابل شسويلهة يا اسد شتحجي انته
اسد: اني كتلك بعد
مصطفى: اي عود راقب الكامرات زين خاف اكلهة
اسد: شهل حجي مصطفى تعرف بيه اثق بيك اكثر واحد انته
مصطفى: تدلل انته شوكت اتروح
اسد: غير باجر راح اولي وانته من البارحه متفق وهسه كتلي
مصطفى: اسف صدكني نسيت
اسد: عادي مصار شي عادي لتهتم
.
.
نوارس
خلصت شغل من العصر نضفت البيت ابكامله خليته يلمع كنسته ومسحته ونضفت لميوزه مسحتهن والتخم نضفته مخليت شي كلشي نضفت بس غرفه اسد متقربت اله انضف من الصبح لحد مصارت الساعه بال٦ونص المغرب خلصت ورحت صعدت لغرفتي مشطت شعري وضفرته بدون كتر بس لفيته من جوه بكتر ونزلت كذلي احب هاي التسريحه بقيت افتر بالغرفه وفتح بالكناتير والميوزه  فارغات ما بيهن شي
وسمعت صوت اسد ايصيحلي خفت وبسرعه نزلت
.
.
اسد
رجعت للبيت دخلت السياره وقفلت باب الشارع ورحت فتحت باب الخارجي للبيت فتحت لكيت الاضويه مفتوحه والبيت منور ونضيفه الكاع تلمع والبنكات مفتوحه ومنضف كلشي اتعجبت اول مره هيج اشوف بيتي نضيف من اول يوم اشتريته اختي نضفته الي وصار سنتين ما منضف واني بس اغسل ماعين  عرفت نوارس منضفته فرحت وبتسمت لا تلقائي
وصحت الهة
.
.
اسد: نووارس نوووارس نزليي
ونزلت تركض
نوارس: اجييت اجيت شصاير
اسد: جبت عشه تعالي نتعشه وشكرا هم
نوارس: عله شنو شكرا
اسد: نضفتي البيت صار اشكد ما منضفه
نوارس: لا عادي مجان عدي شي ولهيت نفسي اشوي
اسد:(بابتسامه)عفيه عليج يلنادره
.
نوارس
ضحكت ورحنه للمطبخ هوه خله العشه عله الميز هم جايب من بره اكل جبت ماعين وصبينه وكعدنه ناكل اني استحي من يمه اكل اكباله فمدنكه راسي واكل وخطف اصعد عيني اشوفه ونزلهة ابسرعه وكتله
.
نوارس: لجيب بعد اكل من بره
اسد: ليش
نوارس: اني اعرف اطبخ طبعن اذا تحب اني اطبخ اهنا
اسد: خووش لعد انتي طبخي بعد مال اني من اكل المطاعم لان ما اعرف اطبخ ومن اشتهي اكل بيت اروح اعزم نفسي يم اهلي
نوارس(بضحكه خفيفه)هههه عادي اني اطبخ بعد
اسد: من نخلص عشه تعالي للهول اريد اكلج شغله
نوارس: كول هسه
اسد: كلت وره العشه
نوارس: عله راحتك
.
وهوه اشوي وخلص وكام غسل وراح للهول اني كمت اكل ابراحتي خلصت وكمت لميت لماعين وغسلت ابسرعه ورحت لكيته كاعد عله التخم ويدخن واني اجيت كعدت اكباله ومرتبكه كلش وكتلهة
.
نوارس: كول شنو الشغله
اسد: نوارس بابه اني باجر عدي شغل وما راح اروجع وره اسبوع
نوارس: هااا واني ابقه وحدي
اسد: لا مستحيل اعوفج وحدج لا طلعه ولا طبه بس راح اخلي احد يمج
نوارس: وحده من خواتك
اسد: لا ما اكدر اخلي وحده منهن لان اهلي بكاملهم بالسليمانيه بس اني وحدي بهل محافظا علمود شغلي كعدت وحدي
نوارس: لعد منو
اسد: صديق عدي راح اخلي يمج ولتخافين من يمه ثقه كلش تكدرين اتامنين بي واكثر مني هم
نوارس: الي اشوفه صح بكيفك
اسد: لتخافين راح اتصل ابكل وقت وهم ابقي عله علم اني راح ابقي عيني عليج طول الوكت
نوارس: شلون يعني؟
اسد: ههه بعدين تعرفين بنيتي
نوارس:شكرا اسد متقصر الله يحفضك ويخليك
اسد: لدكوليلي اسد بعد
نوارس:(بتعجب)لعد شكول
اسد: كولي ابويه اني نفس ابوج اني اربيج اني ابوج بعد
نوارس:(ابتسمت بخجل ونزلت راسي وكلت)حاضر يا بويه
اسد: ههه تعالي يمي بابه
.
نوارس
باوعتله وهوه اشر ابصفه واني مستحيه وخجلانه من يمه كمت وكعدت ابصفه وشاده اديه ابعض حيل وهوه مرتاج
.
اسد
اجت كعدت ابصفي بس امبين عليهة الخجل وتوتر واني كضيت ضفيرتهة ولعب بيهة وكتلهة
.
اسد: خايفه؟
نوارس:(انداريت عليه وكتله)لا ليش
اسد: انتي هسه خايفه مني مو
نوارس: لا مخايفه
اسد: لا مبين عليج بس احب اطمنج لتخافين مني اني ابوج والاب ميأذي بته مستحيل استرجي ومد ايدي عليج
نوارس: لا ما اخاف اني يمك
.
اسد
وكرصت خدهة عله كيف وخرت ايدي وكتلهة
اسد: وهاي لخدود الحمر شنو
نوارس: هاذ خجل 😅
اسد:(بضحكه)ههههههه اي صح خجل
نوارس: ايي قابل شنو
اسد: تعرفين شي نوارس
نوارس: شنو
اسد: ندمان لان ضربتج من قبل بس شسوي هاي طريقه شغلي
نوارس: ههه لذكرني بذيج لايام
.
اسد
باوعت الهة وعدلت كعتي ومديت ايدي من وره ضهرهة حاوطتهة بيهة وجريتهة لحضني وحضنته وكتلهة
اسد: اعذرني بنيتي
واني ايدي اللاخ عله خدهة ومسح بي
.
نوارس
حضني اسد احس كلبي كام ايدك ابسرعه اكبيره وزاد نفسي واني صايره عله صدره وسمع صوت نبض كلبه احس عزلت من الدنيه
.
اسد
عرفت بيهة خافت من هيج سويت فوخرتهة من حضني بس بعدني عايف ايدي عله خدهة ومبتسم ابجهة وكتلهة
اسد: يله رايح اني
نوارس: وين
اسد: انام غير
نوارس: ايي صدك اسفه
اسد: يله باي
نوارس: باي
.
نوارس
راح واني بقيت كاعده وافكر لمن حضني مدري شحس بخوف وبتوتر بس فرحت ابنفس الوقت لان حسبني نفس بته ومهتملي وحقه يحسبني نفس بته هوه عمره حيل اكبير واني بعدني ١٧ سنه  بس ههه
.
.
اسد
واني ممطول عله السرير وافكر اكول
راح ابقي عيني عله كامرات البيت خاف ايسوي شي مصطفى النوارس شي ومتحجي بكل وقت راح ابقي عيني عليهة
.
.
يتبع...