اوجاع طير النوارس

البارت 31

.
.

اسد
طلعنه اني وجيلان من الصبح راجعين عله البصره صح اني ما مقتنع بالجاي اسوي بس بعد هاي هيه لازم اروح لان شغلي هيج ايريد واني اهم شي بحياتي شغلي

وجيلان ساكته ولا حجت كلمه ودك مبايلي شلته شفت امي الجاي تتصل ياابه اشكد مشتاقلهة ابسبب هل مشاكل ماكو وقت اتصل عليهة ابد
ابسرعه جاوبت
.
.
اسد:يااا هلا بعطر الجنه
بدريه:يا جنه ولك غير نسيتني ولا ليكول انه امك حملتك تسع شهور ابطني وتعبت عليك
اسد:انه ناسيج أفااا عليج اي والله ولج انه كلبي طاك عليج مشتاكلج
بدريه:يا بعد روح امك انته وانته اكثر مشتاكتلك وعليي
اسد:يله جا وينج ما تجين
بدريه:لا يا كليل ادب انه اجيك غير انته تجيني انه امك
اسد:جا انتي ما تعرفين انه اربعه وعشرين ساعه شغل عندي اعذريني
بدريه:اتغشمر معاك انه جايتك بعد يومين انه واخوك سيف واختك شيماء
اسد:ياا هلا بيكم تنورونيي والله كيفت
بدريه:خوش اذا هيج
.
.
جيلان
اتصل جهاز اسد ورد عليه ومن حجيه عرفت هاي امه الجاي يحجي وياهة وره اشوي عرفت بان راح يجون لاسد لبيته بس اتعجبت وعادي عدهم واني يم اسد ؟
وشوي وسد الاتصال وسالته
.
.
جيلان:هاي امك
اسد:اي امي
جيلان:وراح تجي
اسد:اي هيه واخوي سيف واختي شيماء حيل حبابين لتخافين راح اتحبيهم حيل بس انتي كضي السانج وهمه هم راح ايحبوج
جيلان:خو انته متكدر اله اضوجني
.
اسد
انداريت عليه واني اباوعلهة ورافع حاجبي ومبتسم صفح ورجعت درته عله الدرب
شحجي هسه ويه هاي خبله عاقله بس اتمضط ابحجيهة
.
.
.
الكاتبه:ضحى الطائي
____________________
.
.
نوارس
كامت حوراء من النوم وخلتلي مسكاره بس وكحله خفيفه لعيوني حته لا اتبين امورمات من البجي ونزلت جوه اني وياهة شفت امي بالمطبخ ويمهة عباس
.
نوارس:صباح الخير
سميه:هلا ببنيتي صباح النور
عباس:هاي شنوو اشو نوارس من كالت صباح الخير اشلون رديتي عليهة برد حلو واني من اكول صباح الخير بس اترديني بهلا تره ما ارضه هيج
سميه:غير هاي بنوتي لوحيده
عباس:جا واني خوما عدي بعد خمس اخوان اني هم الوحيد
حوراء:عاد لا تتعاير اعبيسان اكعد راحه
عباس:ها حجت راح اكوم اطيح حضهة
سميه:انجب وكعد عاد تشاقه وياك
.
نوارس
ضحكت عله حوراء اشلون اسوي حركات ابجهة وضوج عباس بس عباس بس ايباوعلهة وعاكد حواجبه
ورحت كعدت يم امي عله الكرسي
.
سميه:يمه شنو هاي طالعه اليوم كمر
نوارس:امبين المكياج
سميه:ايخبل عليج يمه طالعه اجننين عين النبي
نوارس:محسبالي راح ايبين
سميه:يله يمه شنو ما تردين تتريكين بعد
نوارس:اي مامه هسه اتريك اشوي لان ما اشتهي حيل
سميه:عله راحتج يمه
.
واجه اتصال لعباس ورد عليه
.
عباس:هلا بالاستاذ......اي اني....شنو اشلون يعني سحب نفسه......يله هسه جايك....مع السلامه
.
.
سميه:ها يمه خير
عباس:من ارجع اكلج مستعجل
.
وراح ابسرعه بدون ميكول شي واني مهتميت عادي وحوراء سوت ريوك الهة وكامت تتريك ونزلت حنين هم كعدت
.
.
حنين:شنو السالفه حوراء اليوم كاعده قبلي معجزه
حوراء:شسوي مجبوره جنت(واشرت بعيوني عله نوارس)
حنين:هاي شنو نوارس طالعه صاكه
نوارس:مو لهل درجه عاد
حنين:واكثر والله
.
وما نسمع غير عيطه ليلى مرت ابويه اتعيط واجت عصبيه
.
ليلى:(بعياط)افرحييي يااا سميوو الي ردتي صاار كييفيي
.
امي بقت بس اتباوع اتريد تفهم وحنين كامت وتهدي بامهة
.
حنين:يمه لا تعيطين شكوو
سميه:شنو شصاير شبيج؟
ليلى:اشصااير كيفيي صار الي ردتي اتحققت امانيج بس والله بعد مالج كعده بهل بيت
سميه:كاافي وفهميني شمو الصاار
ليلى:ابنيي راح ابسببج انتي وبنتج رتح بالرجلين المحامي محرض عليهم وطافرر وراح يبقه مابد بسببج
سميه:لا بسببي ولا بسبب بنتي ابسببج انتي وابنج انتو الخطفتو بتي من انولدت وره ما لكيناهة هم خطفتوهة وبعتوهة بس الله عاباكم حته تعرفين الله ما يرمي بحجر
.
نوارس
اني خانسه بس وباوع بالوجوه
.
ليلى(بعياط):يلله يللله هسه اطلعين من بيتي انتي وابنج وبتج المو شريفه
حوراء:اييي مو شريفه يعنيي ابسببمن غير ابسبب ابننج هااا ولا تعيريهة لا الله ايطكج بينه
.
وجان ليلى تضرب حوراء راجدي حيل قوي وكضتهة من شعرهة وجرتهة وشمرتهة بره المطبخ والله عليهة كلب هيج اسوي ابتهة
بس حوراء مسكتت بقت اتعيط
.
حوراء:عاادي شسوين سووي ما تهمييني تره
حنين:كاافيي حوراء اسكتيي
ليلى:(بعياط وعنتكه)يلله سميه اجه دورج تنطردين اخذي زعاطيطج وللي من بيتي
.
.
نوارس
امي كضتني من ايدي وجرتني ومشتني اني وياهة ابسرعه وتريد تاخذني للغرفه الفوك وحنين كضتهة من ايدهة
.
حنين:لا مامه سميه شسالفه اصدكين ابسرعه تعرفين امي عصبيه وما تقصد
سميه:عوفيني حنين خلي امشي
.
نوارس
وامي عتت ايدهة من حنين وخرت وصعدنه للغرفه الفوك طلعت جنطه من الكنتور فتحتهة وكامت اتلم ابغراضي واني كلت
.
نوارس:يمه بس اهدي اشويي
وكضيت ايدهة وهيه بجت وكالت
سميه:لا يمه خلي اروح مالنه مكان اهنا بعد
نوارس:الي تردي بس لزعلين ومسحي ادموعج
.
وبستهة من راسهة وساعدته وطلعت غراضي وهيه جابت جنطه ثانيه اكبر وراحت لغرفه عباس ولمت كل ملابسه وغراضه
ونزلنه جوه هيه راحت اجيب ملابسهة وكضتني حنين
.
.
حنين:نوارس حبيبتي فدوه رضي امج مو هيج تطلع من البيت فدوه ميصير هيج
نوارس:اي ايي اكيد
حنين:اي عفيه ولتعوفيهة ابد اوصيج
نوارس:لا توصيني بامي حنين
حنين:حبيبتي راح نبقه وياج ما راح انعوفج ابد لتخافين
نوارس:واني هم ما اعوفج ولا اريد اتعوفني وبوسيلي حوراء لان خطيه قهرتني
حنين:لا تخافين اني وياهة
.
نوارس
حضنت حنين وخرت منهة وامي اجت لابسه عبايتهة
سميه:يله بنتي خلي نمشي
نوارس:اي يمه
ليلى:الله ويااج عساج روحه بلا رده
.
نوارس
اباوع لامي مطنشه الوضعيه ولا ليكول تسمع وهوه لاحسن بس امبين عليهة متاذيه وخصه هيه ميضه مو مال هيج تطلع وتنطرد
.
ورحنه لشقه امي الي باسمهة اول مدخلنه خليت الجنط بالكاع وامي كعدت بالهول وباوعله الدمعه ابعينهة ومدنكه راسهة وجيت كتلهة
.
.
نوارس:مامه حبيبتي لا تنقهرين اني وياج
سميه:(ابجي)اتمنيتج يا يمه من قبل ١٨ سنه انتي وياي بس كله هاذ ابسبب ابوج لله لا يطي وهاذ هم الصار كله ابسببه ما كعد راحه حته بعد مالكيناج
نوارس:حبيبتي مامه هسه اني وياج لضوجين وما راح اعوفج
سميه:يا رويحتي يا يمه يا بعد بيتي انتيي
.
.
نوارس
وحضنتني حيل عله صدرهة الله اشكد احب حضنتهة احس روحي مرتاحه بين اضلوعهة احس اكو امان بين اديهة احس اشم ريحه الجنه من اشم عطرهة
وهاذ كله انحرمت منه ١٧ سنه ابسبب ابويه ومرته متحسره عله ذنيج لسنين اشلون مرت واني مو يم اميي وشلون جنت عايشه
.
.
.
.
الكاتبه:ضحى الطائي
.
_______________________
.
.
اسد
وصلنه لبيتي بالبصره ودخلنه اني وجيلان وشوف البيت عله قطعه اتراب وصخ
وسديت الباب وجيلان كالت
.
جيلان:هاي اشلون نكعد وهيج بيتك
اسد:صيري شاطره ونضفي اشمالج مو مره
جيلان:ليش يابه جايبنه حته اخدمك شنو
اسد:لعد سدي حلكج وسكتي
جيلان:هوه راح اسكت امري لل لله
.
.
اسد
عفتهة وخذيت جنطتي ورحت صعدت لغرفتي والبيت حييل بارد ما ينكعد بي
دخلت لغرفتي شمرت جنطتي عله الجربايه وبسرعه رحت فتحت السبلت وحولته تدفأه  وسمع الباب يندك فتحته هم جيلان
.
.
اسد:خيير
جيلان:شنو خيير وين انام غرفتي وين مشوف البيت ثلج
.
اسد
باوعت عله غرفه نوارس اشلون راح اخليهة تكعد بيهة جيلان اني بس احب نوارس بيهة وباقي الغرف هنه معدودات عله اخوتي وامي
فنجبرت ورحت فتحت باب غرفه نوارس وكلت
.
.
اسد:هاي غرفتج
جيلان:اي جان كلت من البدايه
.
اسد
شفت جيلان دخلت للغرفه وسدت الباب وابد ما عاجبني وضع جيلان يمي ما ادري ليش احس كلبي ناغزني
.
.
.
اجه الليل واني بعدني بغرفتي ولا طلعت وتصل الجهاز شفته الحارس مال بيت اتصل لان وصيته ايجيب عشه من المطعم نزلت اخذت العشه ورحت وديته للمطبخ ورجعت صعدت دكيت باب غرفه جيلان وفتحت
.
جيلان:اتفضل
اسد:جبتلج عشه انزلي اكلي
جيلان:وانته؟
اسد:ما اشتهي
ودخلت لغرفتي ورجعت اتمددت عله السرير وتصلت عله امي اريد احجيلهة كلشي عله نوارس لان اشتاقيتلهة وما عدي غير حل احجي لامي
وجاوبت
.
.
بدريه:هلا بابني
اسد:هلا ابدريه
بدريه:ها يمه اشتاقيتلي
اسد:اني بكل وقت مشتاقلج يمه
بدريه:يا روح امك انته
اسد:اريد اكلج شي
بدريه:كول يمه شكو
اسد:يمه ابنج عاشك
وما اسمع غير صوت الهلهوله مالتهة والفرحه اني ضحكت وكلت
.
اسد:هاا يمه تره ما كتلج اني حامل
بدريه:لا يمه واخيرن يعني راح افرح بيك وازوجك واخيرن
اسد:هههه انشاء الله يمه
بدريه:احجيلي يمه شسمهة لبت
اسد:اسمهة نوارس
بدريه:شهل اسم احس هبت عليه نسمه من الشط
اسد:هيه اصلن انولدت يم الشط
بدريه:اشلون يعني؟
اسد:هيج مو وياج
بدريه:ايي خوش اذا هيج افرح خالاتك
اسد:لا يمه عله بختج خلي اخطب يله
بدريه:عله راحتك وليدي بس كون اهم شي موش طفله اجيبهة
.
اسد
سكتت وضحكت ضحكه خفيفه بالجذب وكلت
.
اسد:الله كريم يمه كلشي بوكته حلو
.
.
الكاتبه:ضحى الطائي
______________________
.
.
نوارس
امي نايمه واني ممطوله ابصفهة وباوع عله الساعه صارت بالعشره وثلث وسمعت باب الخاجي انفتح كمزت من مكاني وباوع عله امي نايمه كمت عله كيف ورحت طلعت من الغرفه وشفت عباس
.
عباس:هاي شنو شصار
نوارس:امي اتعاركت ويه خاله ليلى وطلعتنه من البيت
عباس:هااا صدك تحجين عود
نوارس:اي والله
عباس:الله كريم خويه روحي ردي نامي وكلشي ينحل باجر
نوارس:اوكي تصبح عله خير
.
ورحت رجعت انمطلت ابصف امي وبالي طار ابعيد وفكرت بهواي اشياء واجه ابالي اسد وحس روحي ضجت لان اذكرت جيلان هسه يمه بالبيت وحدهم والله يعلم اشصار بينهم  بس كلت الله كريم عله كلشي اهم شي اني يم امي ما ايهمني الباقي اهم شي اني رجعت لحضن عائلتي الي طول عمري احلم بيهة بعد هاهيه ميحتاج اضوج عله ياهو الجان
.
حسيت دمعتي رادت تنزل من اذكرت اسد كبل مسحتهة ما اريد بعد ابجي عليه
.
.
.