اوجاع طير النوارس

البارت 26

.
.

نوارس
واني وجيلان كاعدين بالمركز واني طول الوكت منتبهة عله جيلان هيه صافنه وعيونهة حمر وعصبيه مبينه واذا واحد يحجي وياهة تبجي واني ساكته مكلت الهة شي وهيه كالت
.
جيلان: لا لا مو هيج لا
نوارس: شنو شكلتي
وهيه كبل كامت من مكانهة وتبجي وكالت
.
جيلان: لااا لازم ارجع لاا مو هيج
نوارس: اشبيج شصار جيلان
.

وجيلان خلت وركضت ردت اروح وراهة كضاني الشرطي وكال
.

الشرطي: ويين رايحه هسه ايكضوهة ويجيبوهة
نوارس: لا وخرر مني
الشرطي:(بعياط)كاافيي جاي اكوول
.

نوارس
بقيت واكفه ابمكاني وسمع صوت جيلان اتعيط وتبجي صوتهة ترس المركز بكامله وكلت
.

نوارس: زين فدوه انته اخذني الهة فدووه
الشرطي: استغفرك ربي يله امشيي

نوارس
وجرني وخذاني الهة وياليتني ما خذاني من شفت المنضر
.
.

________^________________
.

اسد
عفت الجماعه بالمستشفى ورجعت ابسرعه للمركز بعد ما اكدر التفكير اكل راسي لازم اشوف نوارس وطمأن عليهة وشوف هاي لبنيه نفسهة جيلان

وصلت للمركز طبكت سيارتي وبسرعه رحت دخلت ويه مدخلت للمركز ابنيه انضربت بيه وهيه تبجي ومتهستره اعصابهة وتعيط
.

جيلان:(ابجي وعياط)لااا لازم ارجعع لااا
.
اسد
كضيتهة من ازنودهة ابقوه وعتيتهة وكفتهة اكبالي وعطت بيهة
.

اسد: اشبيييج
جيلان: لازم ارجع لا خطأ والله رجعوونيي
اسد: كاافي خلي افهم
اشو هاي كبل وكعت بالكاع عله اركبهة وتعيط وتبجي وكعدت اكبالهة عله نص ركبه وكتلهة
.

اسد: انتي جيلان؟؟اشبيج ليش تبجين بس فهميني
جيلان:(بعياط وبجي)وللكك رجعنييي
.

اسد
عاطت وكضتني من ياخات ثوبي وجر بيه وتعيط وهنوب خلت راسه جتفي وتشهك والجندي صاحلي
.

الجندي: يله مادام هدأت كومهة وخذهة عله غرفه الرأيس
اسد: اي حاضر
.
اسد
كمت وكضيتهة من اديهة وكومتهة ورفعت راسي وشفت نوارس اكبالي واكفه اشوي ابعيده عني وتباوعلي وفاتحه اعيونهة عليه عرفتهة ضاجت من منضري اني والبنيه كبل وخرت من البنيه وكعدتهة عله الكرسي ورحت لنوارس
.
اسد: مشكور خويه اني بعد راح اتوله امرهة
الشرطي: شكرا سيدي
.
نوارس
راح الشرطي واني مصدومه من المنضر ولا باوعت عله اسد وبقيت دايره وجهي منه وهوه كال
.
اسد: نوارس حبيبتي خوما سوولج شي خوما تأذيتي حبيبتي
.

نوارس
واني دايره وجهي كمت ابجي وهوه كض وجهي ورفعه وكتلهة بحركه
.
نوارس: عوفني وخرر
اسد:(بعياط)وللج شنو اوخرر وانتي متأذيه
نوارس: روح شوف جيلان اكثر مني متأذيه
.

اسد
عرفتهة اشجاي تقصد وخرت منهة وكتلهة
اسد: تره مساعه جانت منهاره وكعت عليه
نوارس:(ابجي وشهكه)اريد ارجع للبيت اريد اشوف اميي
اسد: لتخافين اشوي ورجعج بس تعالي
نوارس: وين؟
اسد: اخذج لغرفه غير انتي وذيج ما يصير تبقن اهنا لان بعدين يستجوبوجن
.
نوارس
مشيت وره اسد ورحنه لجيلان وهيه بس تبجي واني كدتهة من ايدهة وكومتهة وخذانه اسد لغرفه فارغه بس بيهة كراسي تلاثه ومدري اشلونهة وراح وسد الباب
.
نوارس: تعالي خلي نكعد
جيلان: لا لا ما أريد اكعد اريد اروح
نوارس: وين ترحين
جيلان: وللج ارجع اني وعدت امي ما اعوف كلشي اله اكتلهة نفس مكتلهة هيه وابويه
نوارس: اي بس هسه ارتاحي اشوي وعود بعدين
.