اوجاع طير النوارس

البارت 33

.

ورجعت بعد غياب طويل اعذروني جان عدي صرف فما كدرت انزل بارتات 🥹🥲
.
.
معه تحياتي الكاتبه:ضحى الطائي
.
.
وتركم ويه البارت حبايب
____________________________
.
.
نوارس
واني كاعده وصافنه وحسب أبالي اهواي اشياء وما تكدر اصفي شي من الأفكار واكثر شي متعبني غرام اسد صار اهواي من سمعت صوته حيل اشتاقيتله
.
وفزيت عله صوت امي وهيه تحاجيني
.
.
سميه:يمه نوارس اشبيج
نوارس:ها لا ما بيه شي بس اشوي سرحت عله الماضي
.
وامي كبل ابتسمت ابتسامه خفيفه وجت كعدت ابصفي وكالت
.
سميه:شوفي بنتي الشخص الي يبقه ايباوع اليوره ما راح ينتبه ابد اليكدام الي هوه مستقبله وبسبب عدم انتباهة راح يرجع يعثر النفس الحجر الي عثر بي من كبل وباكثر من حجر هم راح يعثر فيحتاج الشخص بس ايباوع اليكدامه وينسا الي صار ويا من قبل وينسه الاحجار الي عثر بيهن من كبل وهيج الشخص راح ليعيش صح
.
.
نوارس
بقيت ساكته وافكر ابكلام امي
.
سميه:صح لو لا بنيتي
نوارس:كلامج حيل منطقي وصح هم
سميه:لهاذ السبب اريدج دوم اتباوعين للمستقبل وتنسين الماضي بعد
نوارس(ابتسمت وكلت):حاضر
سميه:لا ما اريد كلمه حاضر اريد ادكولين راح انسه
نوارس:أصلن اني جاي انسه من قبل
سميه:عفيه ببنيتي رويحتي
.
.
نوارس
خليت راسي عله جتف امي وهيه خلت ايدهة عله خدي حيل فرحت بحنيتهة
.
.
.
______________________________
.
.
اسد
واني كاعد من الخمسه الفجر علمود اخلص شغلي واني بالبيت
حسيت راسي وجعني اشوي رفعت ايدي عن الحاسبه وعفتهة عله كصتي وحس بنفس الثانيه اجت نوارس عله فكري كبل رفعت راسي وذكرت صار أكثر من أسبوع من حاجيتهة ما اعرف ليش ابتسمت لا تلقائي من اذكرتهة وكل لحضه مرت بينه اذكرتهة ارسمت بين اعيوني ودي هسه اروح لبغداد وشوفهة وضمهة بين ضلوعي
.
خليت ونعلت الشيطان وكمت رحت اتمددت عله السرير وفكره جرت فكره لحد ما خذاني التفكير ونمت
.
وما حسيت اله فزيت عله صوت امي عاطت باسمي حيل احس حيلي انهد ويه عيطتهة

كمزت من السرير وركضت ركعت الباب و بكل سرعتي نزلت شفت امي وشيماء وجيلان بالمطبخ ووجوهن متبشر
فكلت بكل عصبيه
.
.
اسد:شكوو ليش لعياط
بدريه:ولك أخذ مني هل بنت من جدامي لا ابتلي بيهة
اسد:ليشش شسوت
جيلان:(بعنتكه)مسويت شي بس امك زودتهة
شيماء:كافي ضمي لسانج شهل كلام
.
.
اسد
حيل عصبت من أسلوب جيلان ويه امي فرحت عليه واني مشتعل نار كضيتهة من وجهة بكل قوه وخنزرت وخليت وجهي الجهة وكلت
.
اسد(بعصبيه):اسمعي يا خسيسه إذا مجرين عدل اقسم بالله العلي العظيم ما تلومين اله نفسج فهمتي
جيلان:(بعياط):وخررر عوفني ولا تمد ايدك عليه فاااهم
.
.
اسد
ما تحملت بعد وما احس عله روحي اله ضربت جيلان راجدي وكعتهة بالكاع وامي صاحت
.
.
بدريه: وللك لا هدهة اشلون اتمد ايدك عله طفله هيج رباك ابوك يلله روح امشي منا ولا تراويني جهرتك
.
اسد
مكلت شي ولا رديت امي بس انداريت عله جيلان شفتهة كاعده بالكاع وكاضه خدهة وتباوعلي وبتسمت وكالت
.
جيلان: يله يا صغيرون اسمع كلام امك وروح
شيماء:وللج اسكتيي راح يموتج
.
اسد
حديت اسنوني عليهة وكضيتهة من شعرهة وكلت
اسد: جنيتي عله نفسج
وجريتهة من شعرهة وامي تعيط بس مهتميت خذيت جيلان سحل من شعرهة وهيه تضرب بايدي وتعيط
.
جيلان: ولك عوفنيي حقير جلبب عوووفنييي
اسد: اشششش اسكتي اليوم راح اشوفج الجلب شيسوي
.
وسحلتهة عله الحمام شمرتهة بي هيه وكعت وباوعتلي
.
اسد: ابقي أهنأ لحد ميكتلج البرد
جيلان: (باستهزاء)ههه لك اني زلم ما كتلتني أتريد البرد يكتلني
.
اسد
عفتهة وقفلت عليهة الباب وخذيت المفتاح وجان امي اتكضني من ياخه ثوبي ودكول
.
بدريه: ولك ليش هيج سويت اشلون تسوي بطفله هيج
اسد: عوفيهة تتربه يمه
وخرت ايد امي من ثوبي ودرت وجهي ورحت وسمع جيلان كامت تعيط وتغلط عليه
.
.
.
.
الكاتبه: ضحى الطائي
.
________________________________
.
.
نوارس
واني كاعده امشط شعري اندك الباب مال غرفه انداريت لكيت حنين وحوراء حيل فرحت بشوفتهن بحيث ركضت عليهن وحضنتهن وهنه حضنني بقوتهن احس حنيتهن عليه وصلت لضلوعي ودفو اكلوبهن غطاني
وخرت منهن وكلت
.
نوارس: مشتاقتلجن حييل
حوراء: اي بس مو بكدنه احنه أكثر
حنين: حبيبتي نوروسه شلونج
نوارس: زينه وصرت احسن بشوفتجن
حوراء: يكلبي انتي
نوارس: اشلون خلتجن خاله ليلى تجن معقوله قبلت
حوراء: لا يا كلبي انهزمنه وجينه
حنين: خو انتي ولا تعرفين تحجين شنو انهزمنه بس هيه طلعت واحنه اجينه انشوفج
نوارس: اشكد ارتاحيت بشوفتجن بس لا تتاخرن لا تجي امجن وتعصب
حوراء: بالطكاك
.
وجان حنين تدمغ حوراء عله راسهة
حنين: وللج شهل حجي اشوكت راح تعرفين تحجين
نوارس: هههههه عوفيهة ولج لضربيهة
حنين: ولج هاي اذا مو بالضرب متمشي عدل
حوراء:ههههه عادي متعوده عليهة
.
نوارس
واني اباوع عله حنين بلكي عدهة خبر من اسد لو امخابر عليه هيه كبل افتهمت وكالت
.
حنين: لا تنتضرين شي مني لان ماكو اي اخبار
حوراء: شنوو؟؟
نوارس: ها لا بس حسبالي
حوراء: شنو حسبالج
حنين: ما عليج لا تدخلين
.
نوارس
ضحكت عله منضر حوراء اشلون صار لأن ما فاهمه الموضوع
.
.
____________________
.
.
اسد
اجه الليل واني كاعد بغرفتي اخلص شغلي والباب اندك
.
اسد: تفضل
وجان يدخل اخويه سيف
.
اسد: يا هلا بالبطل شو ما شفناك اليوم
سيف: اي لأن خلصت معاملتي قبل اشوي اجيت
اسد: الله يساعدك
سيف: خويه عادي اطلب منك طلب
اسد: كول اعيوني الك
سيف: تسلم اعيونك...بس اريد المفتاح مال حمام
.
اسد
عقجت حواجبي وكلت
اسد: وليش
سيف: اريد أسبح
اسد: عدك حمام بغرفتك
سيف: مو مكطوع الماي بغرفتي
اسد: روح سيف تره اني اسد لا انسه ما تعبر عليه هل سوالف
سيف: يعني راح ترجعني
اسد: اعذرني بس راح غرجعك
سيف: .......خوش    ماشي رايح
.
.
اسد
دار وجهة سيف اني كبل انداريت عليه وهوه راح الضاهر صدك زعل مني
بس عادي مهتميت ردت اخلص شغل وجان تضرب الباب مال غرفه وتنفتح عله كل حيلهة وامي دخلت تعيط
.
.
بدريه: (بعياط)ولك شنو من بني ادم أنته جيب المفتاح البت راح تفطس
اسد؛ يمه ما اطيي المفتاح خلي تاكل جزاء افعالهة السخيفه
بدريه: والله يا اسد مو شايف نفسك ضخم وتعذب بالمجرمين حسبالك عفتك لا والله إذا اضطر الأمر ارجع اربيك من اول وجديد مفهوووم
.
.
اسد
وكبل عافاني وراحت امي اني رجعت كعدت عله الكرسي فركت لحيتي من ضوجتي كبل اجت براسي فكره اتصل باخت نوارس