اوجاع طير النوارس

البارت 41

.
.
.
الڪاتبه :ضحى الطائي
.
.
.
________________________
.
.
اسد
خذيت اذن من المرڪز لان اني لواء وموقعي مهم بالمرڪز خلوني اخذ نصير لبيتي حته اخذ بثار جيلان وابني واهل جيلان
.
وخذيت نصير لبيتي طبعن شلت ڪل التخم من الهول شمرته بالحديقه وشلت الفراش من الهول عفت الهول مصلخ بس ڪاشي وسيراميك لان داخلين بالشته والجو حيلل بارد وطبعن نازع ڪل ملابس نصير عايفه بس بالشورت ورابطه بالڪرسي وعايفه بنص الهول
.
وطبعن محد يمي بالبيت بس اني ونصير بس مخلي حمايه ڪومه حوالي البيت وفوگ البيت وبضهر البيت وكلهة مسلحه حته محد يزعجني واني مشغول ويه نصير
.
.
واني بغرفتي صافن عله روحي بمرايه الڪنتور اباوع عله نفسي اشصاير بيه ما عرفت روحي عيوني حمر ڪلش ليكول اتعاطه مخدرات
.
لبست قمصلتي ونزلت جوه شفت نصير بعده فاقد رحت گعدت اگباله عله الكرسي وبقيت صافن عليه ومچتف اديه اشوي وبده يتحرك ويفتح بعيونه واني صافن عليه
ورفع راسه وباوعلي ويريد يستوعب بقه اشوي صافن وساڪت واني گتله
.
.
اسد:مساء الخير حبيبي
نصير:ششـ.شنوو
اسد:صحصح اشوي ونحجي براحتنه ورانه الليل بطوله
.
اسد
بقه يفتح بعيونه ويحاول يحرك اديه بس ما گدر لان مربوطات بضهر الكرسي وگال
.
.
نصير:انيي وين
اسد:ابيتي
نصير:ابيتك؟
اسد:ايي صح مو من حدڪ بيتي لان انته اتحب بس لقصور بس يله عادي ماشي حاله
نصير:أااخ راسيي ليش ملابسي وين
اسد:شفت ثيابك وصخه گلت اغسلهن الك ليش تلبس وصخ
.
.
اسد
بقيت مچتف اديه واباوعله وهوه ايباوع عله الهول يمكن متعجب ليش هيج چبير
.
نصير:ليش ما كتلتني وختصرت
اسد:لا لا لاا ما ارضاهة تره ليش هيج تحجي
نصير:ليش
اسد:انته صارلك بال45 سنه اتاجر بالمخدرات وتخطف ناس وبنات اتكافأ عمالك بيهن وبعدين اتبيع اعضائهن وتريد اڪتلك بخمس دقايق
نصير:عرفت هل شي مادامي گاعد ابيتك
اسد:نورتني بصراحه وهم راح اونسك اليوم من شنو نبدي اتريد
نصير:(بأستهزاء)من اقوه شي عندك حته بسرعه جسمي يخدر
اسد:لااا مو هيج راح ابدي من المقبلات غيير بعدين الدسم لصير نفسك دنيه هيج
.
وگمت من مكاني وكفت كباله وفركت اديه ابعض وكتلهة
.
اسد:مو الجو بارد شدكول انته
نصير:هوه هاذ عذابك اتخليني ابرد ههه
اسد:لا طبعن بعدني كلشي ما مسوي وبس لا بردت تره بعدني مفاتح السبلت الكنتووري مالتي
نصير:شنوو
اسد:هههه خلي افتحلك السبلت صح ذكرتني هم زين حته هم الضربه اصير قويه هم
.
ورحت فتحت السبلت ونصيته حييل خليته عله ردجه 15 ورجعتله وكفت كباله وكتله
.
اسد:تعرف شي من اباوع ابوجهك احس نفسي اذكر شي بس مدري شنو
نصير: شنوو
.
.
اسد
وچان اضربه ابوڪسي حته ايدي وجعتني منه
ورفع راسه نصير وحلگه ينزف دم وگتله
.
.
اسد:اذڪرت من دمغتني البارحه
.
.
.
༺الكاتبه:ضحى الطائي༻
__________________________
.
.
.
نوارس
الدنيه عصر واني يم امي جاي انشر ملابس بالصطح ونسولف
.
.
سميه:ما جانت عندج صديقه قبل شي
نوارس:لا جان عدي صديقه اسمهة ساره حيل حبابه جانت واهلهة ايموتون عليه بس صار اشكد مشايفتهة اخر مره من شفتهة جانت تاملني بان الكاج واني جنت مأيسه
سميه:بس شوفي ربج رجعج الي سالمه فلا ييأس اله القوم الكافرون
نوارس:استغفرك ربي لان ضنيت بيك اثم
سميه:حبيبتي انتي ربج يعذرج لان 18 سنه وما شايفتني ليش متياسين بعد
نوارس:مره بابه عيسى سولفلي قصه لنبي ما اذكره منو فرگ ابنه 31 سنه ولگا
سميه:هاذ النبي يعقوب {عليه السلام }ضيع ابنه النبي يوسف{ عليه السلام }
نوارس:اي واني وياج نفس الشي هم بس الفتره اقل
سميه:هههه اي صح
.
.
نوارس
وسمعت الباب ايدك
نوارس:اكيد هاذ عباس خلي اروح افتحله الباب
سميه:بس لا تركضين عله كيف
.
.
نوارس
رحت بسرعه فتحت الباب طلع ابجهي يوسف
.
يوسف:السلام عليكم شلونج
نوارس:هاا زز.زينه اني
يوسف:ههه شبيج اجيت عله عباس موجود
نوارس:هاا لا ما موجود بعد شوي يجي يعني بالطريق
.
وجان امي اصيح من بعيد واكفه وراي
.
سميه:يمه يووسف ادخل ليش واكف بالباب
يوسف:لا تسلمين خاله بس اسال عله عباس
سميه:هاذ عباس اشوي ويجي تعال يمه طب
.
.
نوارس
دخل عباس للبيت راح كعد بالاستقبال وامي تحجي ويا واني رحت اجيب ماي اله
جبت اگلاص ورحت اني دخلت للاستقبال وامي طلعت وكالت
.
سميه:يمه نوارس اني اروح اعزل الملابس واجي انتي سوي جاي للولد لا تشردين
نوارس:حاضر
.
.
وراحت امي واني وديتله ماي اطيته لگلاص وهوه خذا وكال
.
يوسف:ما اريد چاي لتعبين نفسج
نوارس:لا ماكو اي تعب بالعكس
يوسف:اجيت حته اسالج
نوارس:ابشنو؟؟
يوسف:شفكرتي  شنو رأيج
.
.
نوارس
بقيت ساكته واني مية فكره براسي ويمكن من خلاله اكدر انسه اسد بس ما اكدر اوافق واني معيوبه
.
يوسف:نوروسه وياي ميحتاج تفكرين تره صدكي احبج مستحيل اذيج بيوم انسيج ماضيج كله
نوارس:بعدني ما مفكره
يوسف:شنوو ليش
.
.
نوارس
بدون ما احجي كلشي عفته ورحت للمطبخ وكفت يم الكاونتر خليت ايدي عله راسي وغمضت عيوني حيل اشبيه اني بكلشي لازم اكو عرضه
لا اسد صار الي ولا هاذ اني ناسيه سالفتي من قبل وجنت ادعي ربي ايعوضني بغير اسد حته اكدر انسا بس نسيت اني ما اكدر  وفزيت عله صوت امي
.
.
سميه:شنوو مسويتي جاي
نوارس:موو هوه ما راد
سميه:يوو ليش
نوارس:ما ادري والله
.
.
وراحت امي يمه واني رحت للغرفه مالتي وسديت عله روحي الباب اريد ابقه وحدي حييل ضايجه من الاني بي ماكو باب مفتوح ابجهي
.
.
.
.
____________♕_____________
.
.
.
اسد
بعد ما عذبت نصير انواع العذابات بحيث اني تعبت
ونصير مبطوح بالگاع بقه بي بس نفس وصوته ميكدر ايحرك شي من جسمه وهوه عباره عن دم واني گاعد عله اركبي بصفه وهوه يتوسل
.
.
نصير:(بفحطه وتعب)اترجاك ابوس رجلك ارميني وخلصني ما اتحمل بعد
اسد:اشششس بعد موو هسه
نصير :اروحلك فدوه كاافيي ابوس رجلك
.
اسد
ما اعرف اذكرت موقف جيلان كدام عيوني وحس شتعلت نار بداخلي وگمت من مكاني رحت للمخزن جبت واير ضخين ورجعت لنصير وهوه يباوع ويلهث من البرد والخوف
.
واني شايط من داخلي وربطت الواير حوالي رگبته وكمت جبت الطبله وصعدت عليهة واني اطويل وصلت للثريه وجان جريت الثريه حيل شلعتهة من مكانهة وشمرتهة ودخلت الواير بچنكال الثريه ونزلت من الطبله وجريت الواير ويعيط نصير ويتوسل بس اني دين ما باقي براسي وجريته بكل قوتي وبقيت اجر لحد متعلگ وگامت تنسحب روحه واني اباوعله واحس لنار تطلع من عيوني لحد ما مات تيهت الواير وكعته  واني فحطان احس روحي وتعبان خليت وگمت ورحت كعدت عله الكرسي واباوعله
واخيرن صار اسنين انتضر هاي اللحضه وصارت وگبل دگيت عله احمد
.
.
احمد:هاا اسد خلصت؟؟
اسد:ايي تعالي بسرعه
.
.
༺༽الڪاتبه :ضحى الطائي༼༻
.
________________________________
.
.
.
نوارس
واني ممطوله بغرفتي ولافه روحي بالبطانيه اجت امي دخلت للغرفه وگعدت يم راسي وگالت
.
سميه:يمه نوارس گاعده
نوارس:ايي يمه گاعده
سميه:شبيج يا عمري ليش هل ايام مو عله بعضج
.
نوارس
گمت وكعدت ابصف امي وكتلهة
نوارس:هياتني ما بيه شي
سميه:نواارس كم مره كتلج انيي ام وقره كلشي بعيونج يا يمه
نوارس:لا تخافين ماكو شي
سميه:يمه نوارس انتي الوحيده خواتج بعاد عنج اعتبريني اختج واحجيلي الي بيج يا يمه
نوارس:يمه صدكي ماكو شي
سميه:بس اني اعرف
نوارس:(بتعجب)شتعرفين
سميه:عله شغله يوسف حجالي كلشي اليوم
.
.
نوارس
بس كالت امي هيج دنكت راسي وكتلهة
نوارس:بس ما اكدر يمه
سميه:ليش يمه تره يوسف خوش ولد وحباب حيل لا تنتضرين نصيبج من واحد راح
نوارس:مامه ما اكدر اقبل بيوسف وانيي...
وسكتت
سميه:فهمتج يمه وراح يفهمج يوسف لان يحبج وشاريج
نوارس:لا يمه لدكليله والله عيب استحي
سميه:يمه ما احجي اني طبعن بس راح يجي الوكت الي لازم نحجي بي
.
.
نوارس
بقيت ساكته وضايجه ما اعرف شحجي والله حيل خجلانه من الاني بي ولا اتوقعت هيج راح توصل فد يوم
.
.
.
.
___________________________
.
.
.
«««««« بعد مرور اسبوع »»»»»
.
.
اســد
.
.
بهاذ لاسبوع غيرت ڪلشي يخصني بعت بيتي لچبير وشتريت غير بيت اصغير ڪلش وحلو وبدلت سيارتي الضخمه الجيب اشتريت الناصيه الجالنجر وزينت شعري العالي سويته خفييف حييل  بس لحيتي بقيتهة هيه هيه مغيرت شي بيهة لان احبهة ولاحبه ما اغيره ابد
.
ورحت لاحمد يالمستشفى لان انكسرت رجله قبل يوم بعده هوه كلش زين صاير بس علمود العلاج باقي لان ما عده احد بالبيت نفسي
.دخلتله للغرفه
.
.
اسد:يابه شنو ماخذ طابو بالمستشفى اشوكت ناوي تطلع
احمد:دعوفني يابه مرتاح اهنا وبدون شغل
اسد:الحمد لله عله سلامتك ولو انته عار كلشي مياثر بيك
احمد:رحم الله والديك
اسد:تسلمليي يل غالي
احمد:ولوو تدلل اسد بس عله شنو اجيت مستحيل انته تجي هيج من وحدك
اسد:طبعن اجيت اطلعك من المستشفى
احمد:اشوكت
اسد:هسه
احمد:ولييش؟؟
اسد:اريد اخذك باجر لبغداد يابه
احمد:خو انته من بعد الترقيه كايم بس تتامر يابه لا اشوف نفسك علينه لا الله يطگڪ
اسد:هههه شسوي بعد غير صرت لواء رڪن شتريد اكعد وسكت غير اتامر عليك
احمد:روح بابه روح ما افيدك اني
اسد:شنو اتفيدني قابل جاي اعترفلك اني لو اصارحك غير تجي وياي البغداد
احمد:شعدنه ابغداد؟
اسد:انجيب زوجه اخوك غيير
احمد:افااااا تدلل لعد هاي كايم
.
.
اسد
كام احمد من السرير ومشه هوه ويعرج واني ضحكت عليه وكتله
.
اسد: يو الله حالتك مياوس منهة
احمد:لو مشلعات رجلي ثنينهن هم اروح وياك لا تمنعني هااا
اسد:يله لعد امشي للسياره
.
.
.
.
___________________________
.
.
ضيفو رأيكم بتعليق😊❤
.
༺الڪاتبه: ضحى الطائي༻