اوجاع طير النوارس

البارت 2

.
.
.
نوارس
واني نايمه بزاوه الغرفه وفاقده ابنومي من التعب محسيت غير الباب اتفلش فزيت خايفه طفرت من مكاني رحت ركضت للباب فتحته طلع ابجهي اخو عيسى عباس ويا شرطه  كتله
.
نوارس: عمي عباس شصاير
عباس: يله بنيتي لمي جويلاتج وطلعي نريد دارنه
نوارس: شنوو بس انته اطيتني مده يومين
عباس: لا مطيج ولا شي لمي غريضاتج يله
نوارس:(بعياط)ماا اطلع وشسوي سوي
الشرطي: لعد مجبورين انطلعج منه غصب
نوارس: ولكم افهموو ما عدي مكان اروح بي ما اطلع
.
احجي بعياط ومجلبه بالباب وما خليت الشرطي يدخل وكضاني من ايدي وشمرني عله الكاع وكمت
.
نوارس: لا بيت ابويه هاذ ما ايصير اطلعوني
.
وركضت ردت ادخل للبيت والشرطي رجع دفعني عله الكاع وشرطه اثنين دخلو للبيت
.
عباس: انجبي بت الحرام عيسى مو ابوج ولا عدج شي من يمه
.
نوارس
اني بعدني عله الكاع ومنزله راسي وشمرو غراضي بالباب مال بيت وعباس ايدردم عله راسي خليت وكمت شلت كم لبس من الشمروهن الاحتاجهن بس وكم شغله احتاجهة عفتهن بالجنطه مالت ضهري جنهة مال عسكريه اكبير اتكفي كلشي وكمت عفتهة عله ضهري وباوع لعباس وكتله
.
نوارس: الله ينتقم منك يا بخييل
عباس:(بعصبيه)ولج انتي ابكد القندره تغلطين عليه بت الحرام
.
نوارس
عفته ورحت امشي وابجي حيل انقهر من ايكلولي بت الحرام حيل اضوج ومنقهره لان ما عدي مكان اروحله خليت ورحت للمحافضه لمكان راقي حته الكه شغل
.
دخلت لكوم محلات ومحد ايريد اشتغل عده واني جاي امشي مريت من شباب اثنين واحد من يمهم ذب كلمه
.
الولد الاول: وين رايح لحلوو للعسكريه
الولد الثاني: هههههه راح تلتحق
.
نوارس
عفتهم وكملت دربي وهمه بقو يمشون وراي ويضحكون عليه وعله لبسي لان لبسي ليكول صدك رايحه للعسكريه البنطرون عريض حشداوي والبدي عريض اخضر طوخ
انداريت عليهم وكتلهم
.
نوارس: شتريدوون ليش تلحكوني
الولد الاول: اريد نتعرف عله الحلوو
نوارس: دير وجهك وولي لا اندمك
الولد الثاني: يمه يمه كمنه انخاف نرجف
.
نوارس
عفتهم ورحت عفتهم وهمه ايضحكون عليه خليت ورحت للكوزمتك مال بارحه النضفته بلكي يقبل اشتغل
دخلت وشفت نفس الشخص الطاني خمسه وعشرين وكفت اكبال ميزه وكلت
.
نوارس: السلام عليكم
الشخص: وعليكم السلام شلونج
نوارس: لحمد لله شكرا بس اجيت كلت خاف تحتاج اشتغل عنك اليوم
الشخص: لا شكرا ما احتاج اليوم عذريني
نوارس: ايشي اشتغل مو اله تنضيف
الشخص: لا عدي كوم عمال
نوارس: هاا شكرا يله باي
الشخص: اوكفي ست
نوارس: ها اتفضل
.
وطلع من جيبه عشرتالاف وطاني اياهة
نوارس: شنو هاي؟؟
الشخص: اخذيهة اكراميه نن المحل
نوارس: اني اريد تطيني افلوس ابتعبي ما اريد تصدق عليه
.
وبسرعه طلعت من المحل وعفته واني ميته قهر ما اريد الناس تصدق عليه بقيت اتمشه وادور شغل الناس كلهة متعجبه ابنيه شابه ادور شغل وبالبصره خليت ورجعت لمنطقتنه وحايره وين اروح البيت وخذو وذكرت صديقتي ساره ورحت لبيتهم
وصلت دكيت الباب
.
ساره: منوو
نوارس: اني حبيبتي افتحي
فتحت الباب
ساره: نوارس كلبي شلونج
نوارس:محتاجه مساعدتج ساره
ساره: شو تعالي طبي خلي نحجي
نوارس: ايي احسن
.
دخلتني للبيت ما شاء الله اكبير وكلش حلوو بس اشو صنطه صعدتني لغرفتهة فوك دخلنه للغرفه واني كعدت عله الكاع وعفت جنطتي بالكاع ابصفي
.
ساره: خلي اجيبلج شي وارجع
نوارس:لا لا ابقي اريد احجي وياج
ساره: اي احجي
.
وكعدت اكبالي ومنتضرتني احجي
.
نوارس: ساره والله ما اعرف شكلج
ساره: نوارس صاير شي محتاجه شي
نوارس: اليوم طردوني من بيت ابوي عيسى اخوانه وخذو البيت اكدر ابقه بس الليله يمج ابات
ساره: شهل حجي نوارس اصلن ابقي يمنه خلي ايولون ولا تهتمين بس كولي حسبي الله عليهم
نوارس: لا لا بس الليله باجر الكه مكان الي
ساره: اجبي تبقين يمنه والله امي اتكيف
نوارس: اعرف الله يحفضهة متقصر بس صعبه والله
ساره: لا كلبي تبقين يمي هنا بالغرفه غرفتج اصير وياي والله نتونس سوه احله خوات انصير
نوارس: شكرا كلبي متقصرين بس اذا ملكيت مكان ارجع
ساره: شهل حجي نوارس
نوارس: ساره كلبي اسمعي كلامي
ساره: اي بس عليج الله بس متلكين تجين ركض
نوارس: وعد همم
ساره : خووش لعد
.
.
نوارس
اشوي واجت ام ساره صعدت يمي بالغرفه وحجيت اله الصار وياي وكالت
.
ام ساره: الله عله الضلام بس يا بنيتي لتنقهرين وتكدرين تبقين يمنه طول عمرج اخليج لعيوني والله
نوارس: شكرا عمه بس اني باجر اطلع اشوفلي مكان
ام ساره: وليش متبقين يمنه
نوارس: احسن لتتقيدون بيه وهم اريد مكان قريب عله شغلي
ام ساره: بس اذا ما لكيتي ارجعيي عليج الله
نوارس: اي والله ارجع شكرا متقصرين
.
بقينه نحجي وهيه تسال بيه عله السوو اخوان عيسى لحد متاخر الوقت بالليل وفرشتلي ساره افراش ابصفهة واجيت اتمدت وهيه هم عله افراشه يمي اتمدت
.
ساره: نوارس تعرفين شي
نوارس: شنو
ساره: هسه راح يجي يوم وتلكين اهلج وترجعين الهم وصيرين جوه جناحاتهم
نوارس: لا ما اضن
ساره: ليشش
نوارس: كالي عيسه بان هوه لكاني واني هستوني مولوده بعدني لحمه يعني حته اذا الكاهم لا اعرفهم ولا يعرفوني
ساره: الله ايسوي معجزه ويخليهم يعرفوج
نوارس: لا ما اضن فد يوم ارجع
ساره: بس كولي انشاء الله انتي
نوارس: انشاء الله بس اني متاكده وتعرفين اني ما عدي لا بطاقه لا جنسيه لا هويه بس ابطرك اسمي حته اسم ابو وجد مشايله
ساره: انشاء الله تشيلين اسم ابوج وجدج وصيرلج جنسيه لتيأسين
نوارس: الله كريم بعد
ساره: الله كريم
نوارس: يله تصبحين عله خير نعست
ساره: اجمعين
.
نوارس
درت وجهي من الجهة اللاخ ودموعي كامت تنزل بدون صوت لان اني لوحيده اربه بدون عائله وهيج بالشوارع ابقه بدون بيت وفكرت وكلت ابالي هم هسه امي جاي تشتاقلي جاي ادور عليه لو طبيعيه بدوني
وغلبني النعاس ونمت
.
فزيت ساره ادكعد بيه
.
ساره: نواارس نوروسه اكعدي
نوارس؛ ايي كعدت
ساره: يله كومي حته ننزل نتريك
.
نوارس
كعدت عله حيلي وفركت اعيوني لان بعدني نعسانه بس كمت عيب ابقه نايمه رحت غسلت وجهي ونزلنه اني وساره لكيت مسويه ام ساره اشكال عله الريوك كعدنه بس اني وساره عله الطبله وكلت
.
نوارس: عمه تعالي اتريكي ويانه
ام ساره: لا عمه اني متريكه هاذ الجن
نوارس: بس هاذ اهواي منخلصه
ام ساره: الف عافيه عادي
ساره: اكلي واسكتي احسن
.
نوارس
هزيت راسي ابمعنه اي وتريكنه اني كليت اشوي ما اشتهيت ما متعوده هيج اكعد عله طبله وكرسي واكل كوم كدامي متعوده اكعد عله الكاع واكل اشويه عله كدي
.
نوارس: لحمد لله شبعت
ساره: شنوو بس انتي ما اكلتي شي
نوارس: لحمد لله شبعت بعد وراح اصعد للغرفه
ساره: جايه وياج
نوارس: خلصي ريوك عله راحتج
ساره: لا عادي
.
نوارس
صعدنه للغرفه وساره فتحت الكنتور واني شلت جنطتي لبستهة ابضهري وكالت ساره
.
ساره: نوروسه شتحبين اطيج اتلبسين احسن من ذن ملابسج ملابس خفيفه ترتاحين بيهن
نوارس: لا شكرا اصلن اني رايحه ميحتاج
ساره: هسه ترحين بعد وكت والله ابقي للعصر
نوارس: لا عدي شغل لازم اروح
ساره: علة راحتج بس ارجعي
نوارس: اي اذا ما الكه مكان ارجع
ساره: والله مدري اشلونج اشو بيتنه مفتوحلج واحنه كلنه انحبج وريدج وتبقين لا شغل ولا تعب معززه مكرمه ليش متردين
نوارس: الله كريم يمكن من اطلع واشتغل الكه اهلي
ساره: انشاء الله بلكت هم صحيح
نوارس: يله اروح بعد
ساره: خل اوصلج للباب
.
نوارس
وصلتني لباب الشارع ورحت وحايره وين اروح وشلون ابدي وادور شغل خليت ورحت لمنطقه راقيه غير الرحتلهة البارحه بديت ادخل للمحلات والكوزمتكات ومحد ايريد حته دخلت المطاعم كلت بلكت ايشغلوني بس ما يردون كلهم ايكولون عدنه كوم عمال
صارت الدنيه ضهر اخر شي دخلت محل اكبير صاحب المحل واكف بالباب حجيت ويا
.
نوارس: السلام عليكم
الشاب: وعليكم هلا
نوارس: هم تحتاجون عامله تشتغل بالمحل شي
الشاب: لا منحتاج والله
نوارس: ها شكرا متعرف واحد يحتاج عاماهة
الشاب: ايي اعرف واحد
نوارس: منوو
الشاب: ابراس هاذ الشارع لوفي عله اليمنه ابنهايه الشارع تلكين بيت جوزي دكي
.
تعجبت عله حجي الواد وسالته
نوارس: وشنو نوع الشغل يشتغله؟؟
الشاب: دعاره يحتاج وانتي ما شاء الله تناسبين
.
تعصبت حيل وكتله ابرد قوي
نوارس:لا يا حيوان وهنوب اني مصدكتك دولي
.
وخليت ومشيت عنه واني ضايجه هوه اجه كضاني من ايدي وسحبني عليه واني ضربته راشدي ودفعته وهوه ضاج مني وضربني دفره ابطني وكعني بالكاع واني كاضه بطني وابجي وفتحت اعيوني شفت محفضته واكعه بالكاع شلتهة وكمت
هوه اندار وشافني شايله محفضته وعاط
.
الشاب: (بعياط)وللج رديلي محفضتي
.
نوارس
واني طكيته ركضه خذيت المحفضه وشردت وهوه يركض وراي واني لفت من غير فرع واباوعله جان انضربت ابواحد وكعت بالكاع رفعت وجهي شفته ضابط مدري جندي مدري شنو ما اعرف شنو نوع شغله حيل خفت حسبالي شرطي كلت انكضيت وكف الولد وكال للشرطي
.
الشاب: كضهة هاي حراميه كضهة
.
وهوه شالني من زندي وكال بحده وعصبيه
.
اللواء: هاي قصدك
الشاب: ايي باكت محفضتي
اللواء: وين محفضه الرجال
.
نوارس
يحجي وياي وعاكد حواجبه بكل عصبيه وهوه ضخم كلش حيل خفت من يمه اطيته المحفضه
.
اللواء: والله عيب ابنيه شابه حراميه
الشاب: مشكور سيدي متقصر
.
شمر المحفضه للولد وراح الولد وهوه كاضني ابكل قوه وكالي
.
اللواء: شسمج انتي هاا
.
نوارس
كمت ابجي بس محجيت شي
اللواء:(بعياط)احجيي
نوارس: فدوه عوفني وجعتني(ابجي)
اللواء: اوكي لعد امشي وياي
.
نوارس
كلبج اديه من وره ضهري وركبني بالسياره وخذاني لمركز الشرطه خذاني وهوه كاضني ابقوه من زندي ودخلني لغرفه شرطي مدري شنو ودك الباب
.
الرأيس: تفضل
اللواء: اعذرني سيدي بس هاي البنيه لكيته بالشارع اتبوك وشارده ومتحجي شي
الرأيس: كعدهة اكبالي وروح
.
نوارس
جرني من زندي وكعدني عله التخم الكدام ميز هاذ اليحجي وراح ذاك وسال هاذ
.
الرأيس: شوفي بنتي شسال اجاوبين ولا اتعبيني لان ايصير غير حجي مفهوم
.
نوارس
كمت ابجي وهزيته راسي بمعنه اي
.
الرأيس: شسمج بابه
نوارس:(ابجي وتردد)نو.نواارس
الرأيس: نوارس لو نورس؟؟
نوارس: نواارس
الرأيس: حلو انتي منين
.
نوارس
بقيت ساكته وابجي لان شكله لا عدي بيت ولا عدي اهل ولا شي اخر شي كلي وهوه عصبي
.
الرأيس:(بعصبيه)اطيني جنسيتج خللي افهم
نوارس:(ابجي)ماا عديي
الرأيس: شنوو ما عدج شنوو؟؟
نورس: والله ما عديي(ابجي ومدنكه راسي)
الرأيس: شنو هيه اليثبت انتي مو ارهابيه اشو حته اسم ثلاثي ما عدج فمجبور ادزج عله التحقيق
.
نوارس
هوه يحجي واني ابجي وهوه اتصل وكال رسلوهة للتحقيق عدنه مشتبهة يمكن تطلع من الارهاب
واني كاعده ومكلبجيني وهاذ ايباوعلي وحسه ايريد ياكلني من العصبيه اشوي واجو خذوني شرطه اثنين واني كبل صحت
.
نوارس:جنطتي جنطتتي بقت بسياره الشرطي بقت غراضي بيهة وينهة
الملازم: (بعياط)اشش اسكتي بعدين انجيبهة
.
واني انخنست من الخوف وخذوني جوه كلش دخلوني بالمخفر واني امشي وياهم ابممر متروس غرف مقفله بس شنو بيبان الغرف حديد اشمتنه وبس شباك اصغير كللش بي من فوك واني ميته خوف ارجف احس النفس كوه اسحبه دخلوني ابوحده من الغرف ما بيهة شي غير كرسي ابنصه
واحد من الزلم وكف يم الباب والثاني كعدني وجلب الكلبه بالكرسي من وره صارت اديه يعني مربوطات بالكرسي من وره
وعافوني وطلعو وقفلو الباب واني اتلفت بالغرفه وميته خوف واصبر ابنفسي
.
وره ربع دخل رجال للغرفه
.
.
يتبع في البارت القادم❤