اوجاع طير النوارس

البارت 50

.
.
مع تحياتي الكاتبه :ضحى الطائي
.
____________________________
.
.
نوارس مرت الايام واجه يوم القبل الخطوبه
.
.
سميه؛ نواررس يمه نوارس اكعدي هم يله تتحضرين
نوارس(بنعاس)؛ هاا يمه كعدت
سميه؛ ولج كومي قبل لتجي عمتج عيب
.
.
نوارس
من امي هيج كالت كبل طفرت من مكاني وكمت
.
سميه؛ يلله بسرعه نزلي غسلي وتريكي محضرتلج الريوك حته تخلصين اتفرجين اسنانج وترحين للحفافه انتيوشيماء حماتج
.
.
نوارس
امي تحجي واني احك براسي كوه استوعب
ورحت نزلت جوه غسلت وجهي ولميت شعري وجت شيماء
.
.
شيماء؛ صباح الخير يا عروس يله كعدي تريكي بسرعه حته الحك راح اصير بالعشره ورانه كوم تحضيرات بعد
نوارس؛ ماشي
.
.
نوارس
كعدت عله الكرسي وشيماء صبتلي جايَ طتني ريوك كيمر وبيض سلك وكتلهة
.
.
نوارس؛ وانتي؟؟
شيماء؛ متريكه اني الف عافيه
نوارس؛ ها شكرا بس حوراء بعدهة نايمه
شيماء؛ اي بعدهة خطيه
نوارس؛ هاا
.
.
نوارس
اتريكت اشوي ما اشتهيت اكل وكمت لميت الماعين وخليتهن عله السنك ردت اغسلهن وفزيت عله صوت عمتي ام اسد
.
.
بدريه؛ لا لاا ميصيير عوفيي روحي حضري روحج اني اغسلهن
نوارس؛ خلي اغسلهن قليلات
بدريه؛ روحي يمه خلصي شغيلاتج
نوارس؛ ماشي عمه
.
.
وعفتهة ورحت صعدت فوك لغرفتي لكيتهة معزله بس حوراء بعدهة نايمه
خليت ورحت للمغاسل فرجت اسناني وغسلت وباوعت عله روحي بالمرايه وبتسمت ودنكت
ما مصدكه روحي راح انخطب لاسد معقوله راح اعيش وياا هاي اكبر فرحه الي اني ليوم عروسه اسدد حيييل فررحتتتت يا ربي ديم هل فرح
.
وخليت وطلعت شفت شيماء لابسه لعبايه وتنتضرني اطلع
.
.
نوارس؛ ها البس حجابي
شيماء اي هاي جبتلج عبايه من صيتنه
نوارس؛ ماشي
.
.
نوارس
لبست حجاب ونوب لبست العبايه
واني البس بالعباية اباوع عله روحي بالمرايه واذكر اشلون جنت اطلع بس بالتراك وكفشتي مفتوحه هسه عبايه ضحكت عله روحي
.
ولبستهة وخلصت ورحنه اني وشيماء نزلنه ردنه نطلع كتلهة
.
نوارس؛ اروح وحدنه
شيماء؛ لا طبعن منطلع لحالنه الحارس مال اسد راح يودينه اسد وصا
نوارس؛ خوش
.
.
.
نوارس رحنه اني وشيماء للحفافه وبدت اتحفلي ومتت من الوجع اول مره احف بحياتي كلساع كامزه من الوجع والمره تحجي 😅

.
خلصت بشلاع الروح ومن خلصت اباوع عله وجهي احمر شيماء كالتلهة
.
.
شيماء؛ عيني خاله الجاي تحفيلهة عروس داريهة اشوي
الحفافه؛ تدلل
.
.
نوارس
وبدت الحفافه اتخليلي اشكال الخبطات والمرطبات كوم خلتلي بحيث اكثر من ٣ساعات احنه يمهة وره ما خلصت باوعت عله روحي بالمرايه عدي وجه ثانيي اخبل صرت
.
وخلصنه ورجعنه للبيت ام اسد ضايجه
.
.
بدريه؛ ليش هلكد تاخرتن
شيماء؛ يمه غير اداريهة وتخليلهة خبطات
بديه الساعه صارت اكثر من الوحده ابسرعه تدغدن وبدي نضفيلهة جسمهة حته نندار لشعرهة بالليل
.
.
نوارس
اني بس ساكته واكل واسوي ليكلولي عليه وبعد معليه بايشي هههه
.
رحت صعدت للغرفه حوراء شافتوي
.
حوراء؛ هااا ما شاء الله دكو الخشب شهلل خلقه لتخبشش
نوارس؛ ضهري نكسرر من الكعده
حوراء؛ حقج عيني نزلي تغدي ورتاحي وراج تنضيف بعد اقوه من هييج
نوارس؛ خاب مسكتين مسوين واهس راح تخليني ابطل ما ازوج
.
.
ضحكت حوراء واني ذبيت الحجاب والعبايه ونزلت لكيت امي محضرتلي غده اني وشيماء رحت وبستهة من ايدهة وكلتلهة
.
.
نوارس؛ الله لا يحرمني من هل ادين
سميه؛ ولا يحرمني منج لان اموت بعد
نوارس؛ اسم الله عليج ابعيد الشرر لدكولين هيج
سميه؛ ديله كعدي تغدب وراج شغل
.
.
نوارس
ضحكت وكعدت اتغده وجت شيماء هم تتغده وياي
وتغدينه وره ما خلصنه ردت اكوم الم لماعين شيماء كضتني من ايدي وخذتني كالت عوفي معليج انتي
ورحنه لغرفتي طببتني وكالت
.
.
شيماء؛ اروح اجيب الغراض وجيج لطببين واحد
نوارس؛ ماشي
.
.
راحت شيماء وره خمس دقايق اجت وياهة العلاكه والغراض الي تنضفني بيهن
نضفتني وكوه كسرت حايط الخجل حته تنضف بقيه جسمي بس جنت ميته ضحك حته بوجعي فرحانه
.
وخلصنه الساعه بالسبعه ونص بالليل وراهة التمن عليه حوراء وامهة وامي وعمتي ام اسد وشيماء البنات صبغلي شعري لون اسود وره ساعه طبيت سبحت وطلعت من الحمام امي هلهلت ودموعهة تنزلت
.
سميه؛ (ابجيه) الفف مبروك يا كمريي يا عمريي
نوارس؛ مامه لسوين هيج والله انقهر
وبست ايدهة
.
بدريه؛ ام نوارس عيني ميصير تبجين وحنه عله وجه فرحه
.
نوارس امي ضحكت ومسحت دموعهة واني باوعت عله روحي بالمرايه صدك اخبل طالعه ابد هاي مو نوارس الي اعرفهة جنت حيل متحمسه اسد يشوفني
.
وجبروني انام بالعشره حته لا اكعد نعسانه ردت اتصل باسد عمتي ام اسد خذت مبايلي وراحت واني نمت
.
.
.
____________________________
.
.
اسد
كعدت الصبح فركت اعيوني فتحت مبايل شفت الساعه بثمانيه ردت اكوم بس هم شفت ولا شي جايني من نوارس خليت وكمت بعد هم عريس وهم نايم شنو
رحت نزلت شفت اصدقائي كلهم موجودين بيهم ١٥ واحد انصدمت وكلهة كامت تهوس ودي اطب ابينهم اهوس بس عيب زحمه لازم اذب ثكل 😅
.
وعطت بينهم
.
اسد؛ هااا وللكم شجابكم
مقتدا؛ غيرر خطوبه الغالي اشلون ما نجي
اسد؛ ومنو عزمكم انتو
ياس؛ الله عزمنه شنو هلل سؤال طبعن اجينه بدون عزيمه
اسد؛ موو عيب
عباس؛ عادي خلي عيب اهم شي نركص وناكل لعشه وروح
اسد؛ حته انته صرت ضدي
عباس؛ اني ويه الحك
.
اسد
وكبل شغلو الديجي وجان كلهة فرد دبجه خليت وكمت ادبج ويه الجماعه 😂
.
وره ساعه لكيت حته القاط محضري بس كبل اجهي للحلاق خذيت احمد وياي
.
.
.
.
__________________________
.
.
.
نوارس
.
رحت للصالون من الوحده الضهر امي اجت وياي وشيماء ام اسد كالت تبقه تعزل البيت
.
مكيجتلي مكياج وردي عله بنفسجي لان الفستان مال خطوبه بنفسجي فاتح كللش حلو المكياج وسوتلي تسريحه خفيفه
صدك اني فرحانه بس بنفس الوقت خفت اجتني قبضه لكلبي ليكول صار شي او راح ايصير شي كبل اختنكت بس امي يمي كضتلي ايدي وهدتني
منا للسته بالليل خلصت وجه ابو السياره علينه وخذانه للبيت اني وبالسياره اسمع صوت الديجي والاغاني
.
نزلتني امي من السياره واني خايفه مدري اشبيه
دخلنه لحديقه البيت صايره تخبلل بالتعزيل انوب طببوني للبيت كعدوني بالستقبال وحوالي كوم نسوان
ام اسد وخرت مني البركع وكالت
.
.
بدريه؛ الله يحرسج ويحميج من كل عين حاسود يا رب عين النبي عله جَالج
.
.
وره اشوي اجه السيد واني كوموني رحت كعدت يم الباب ومغطيني بالبركع وصارت عدي لحضه معرفه اني راح انخطب لاسد
.
ابتسمت كبل ودمعتي نزلت من الفرح بعد عذاب وغياب سنتين الله كتبلي حياتي ويه الاحبه والاريده وسيد سال
.
.
السيد؛ هل توافقين يا نوارس بت علي على اسد ابن عبد الله بمهر حاضره ١٥ مليون عراقي وماخره ١٥ مليون عراقي فقولي نعم وانته وكيلي
.
نوارس
بغمره فرح وحب كلت
.
نوارس؛ نعم وانته وكيلي
.
.
.
صوره الي بالخطوبه بس بعد تعديل وتوضيح صارت هيج ابنيه عله الانستا وضحتهة الي

.
.
.
بقيت كاعده وخجلانه لان الفستان دلع وره ساعه ساعه ونص عرفت اجه اسد من الهوسه الي صارت
خليت ودنكت راسي
.
.
.
اسد
اجيت للبيت الي بي حيلي كاعد خطيبتي صارت الهوسه اترج واني ما مهتم اريد بس اشوفهة مشتاق الهة
وجان دخلت الستقبال وشفتهة مدنكه
هاي شنوو الجمال شنو هل حور خفت احسدهة
.
اتقربت عليهة وكعدت ابصفهة عله التخم وهيه منزله راسهة
واني باصابعي رفعت راسعه وباوعتلي وبتسمت ورجعت دنكت
واني رحت ضعت بتفاصيلهة اشكدد احبهة اعشقهة انوب هيه طالعه حلوه ما تحملت بقيت صافن عليهة
.
وره اشوي لبسنه الحلقات وهيه من لبستني اياهة اديهة ترجف ليكول اول مره تلمسني
واني بس منتبه الهة وهيه متباوعلي ضحكت وشاورتهة
.
.
اسد(بهمس)؛ خلي ابوسج
نوارس؛ هاا لا لااا عيب
اسد؛ لعد باوعيلي حته ما ابوسج.
.
.
نوارس
ضحكت وباوعتله وهوه ايباوعلي
.
وما احس اله فز كل شخص موجود عله صوت طلق ورميي
.
.
اسد
سمعت صوت طلق ولنسوان كلهة تعايط شفت نوارس خافت كبل حاوطتهة بروحي وخذيتهة ركضت بيهة لجوه البيت وهيه كضت ايدي وعاطت
.
نوارس(بخوف وعياط)؛ امييييي اسددد امييي حوراء
اسد؛ لتخافيين بس امشييي
نوارس؛ تييهنييي امييي اهنااك
.
نوارس
عتيت ايدي من اسد وركضت طبيت بوص الهوسه
.
اسد
شردت نوارس مني وضيعتهة خايف ايصير بيهة شيي خاف اخسرهة بقيت ادور عليهة واحمد طبلي للبيت
.
.
احمد(بعياط)؛ اسددد يله اطلع المكان خطر بعدهم يرمون علينه
اسد؛ (بعياط وعصبيه) ولللك نوارس ماكووو ادور عليهة
احمد؛ اكيد طلعت محد بقه اهنا
.
.
اسد؛ طلعت ويه احمد وبقيت ادور عله نوارس بس من ابعيد لمحت حوراء كاعده بالحديقه وتبجي كلبي وكع بس لا نوارس
وركضت واني حيل ما بيه وجان اشوف ام نوارس مصابه وماله اي حركه كضيت راسي وكعدت عله ركبي عله ام نوارس
زين نوارس راحت ادور امهة وامهة يمي لعد نوارسس وييين؟؟؟
.
.
.
مع تحياتي الكاتبه؛ ضحى الطائي