اوجاع طير النوارس

البارت 61

..
.
.

.
السلام عليكم ورحمة الله وبركاته
اشلونكم انشالله الكل ابخير
.
.
رجعت وياكم ابارت جديد اتمنى الكل يتفاع ابنجمه حته القصه تصعد وتمنه الكل يطيني رأيه بالتعاليق
.
.
ونفس كل مره قبل لا نبده بالبارت ((صلي على النبي صلى الله عليه وسلم وعلى آله وصحبه أجمعين وسلم تسليما كثيرا)).
.
.
مع تحياتي الكاتبه ضحى الطائي
.
.
______________________________
.
.
.
اسد
.
رحنه اني وسيف ونوارس للنجف لان اني حلفت اخلص كلل المشاكل هنوب اتقدم خطوه بعلاقتي ويه نوارس وما اغلط نفس الغلط بالبدايه
خلصت مشاكلي بقت مشاكل نوارس الي صارن ابسبب مشاكليي
.
.
وصلنه للنجف ونوارس ما الهة حس حته مسألت احنه ويين ولا كالت كلمه وحده
طول الدرب انسولف اني وسيف و كل خمس دقايق التفت واباوع الهة ولكاهة كاعده اتباوع عله الدرب
.
دخلنه للنجف سأل سيف وتعجبت عله رد نوارس السريع ليكول جانت تنتضر السؤال
.
.
سيف؛ زياره اول
نوارس؛ لاا خلي اروح لأمي اول
اسد؛ (بتعجب) الضاهر تعرفين وين رايحين
نوارس؛ اي اعرف
اسد؛ واكول ليش ساكته
سيف؛ يعني ابجهي للمقبره
اسد؛ ايي عيني ايي للمقبره الي تقبرني
سيف؛ اسم الله لدكول هيج
نوارس؛ ليش هيج ادكول اسد
.
.
اسد
كبل انداريت اليوره اباوع لنوارس وهيه كاعده وره كشن سيف وبتسمت وكتلهة
.
.
اسد؛ (بأبتسامه) ليش حبيبي مدكدرين ابدونيي
نوارس؛ (بعبره) انته اتريد اتموتني يعني اذا اترووح
اسد؛ يا روح وحيل اسد اشمالني اموت وعوفج من اهمداني اي والله
سيف؛ هاا هااا شكو خواني تره ابينكم شخص وحيد سنكلل يا ريت تراعون مشاعري وثاني شي خويه نوارس لا تتاثرين ابسرعه اولن اذا مات اسد معناهة جفانه الشر لازم نحمد الله وراهة ثانين ما ايمووت لا اصدكين تره الاعمار بيد الله مو بيده
اسد؛ دسكتت اسكتت خربت ام الرومانسيه انته
.
.
اسد
ضحك سيف واني ضحكت وعدلت كعدتي
وصلنه للمقبره واني اتصلت بعباس حته ايدلينه وين قبر امه
طبعن انصدمم من اتصلت عليه وبقه بس يسالني عله نفسي خاف متاذي بس كتله بعدين نحجي ما اكدر هسه ودلاني القبر وسديت الاتصال
ودليت سيف عله المكان
انداريت عله نوارس شفتهة امدنكه ومخليه ايدهة عله اعيونهة متريد اشوف وحقهة الي مرت بي مو قليل بالنسبه العمرهة
.
.
نوارس
وره اشوي طبكت السياره وسيف كال
.
.
سيف؛ اسد انته اخذ لبنيه وروحو وحدكم اني انتضركم اهناا
اسد؛ ليش خويه ما تجي
سيف؛ لا زحمه خاف البت تتقيد بوجودي خلي تاخذ راحتهة
اسد؛ والله ماكو منك يله منطول انشالله
.
.
نوارس
نزلت من السياره واسد نزل واني اباوع عله لكبور واحد منهن امي بداخله اشكد صعبه
وشفت اسد مد ايده الي باوعتله وكال
.
.
اسد؛ اطيني ايدج وصيري قويه ماشي
.
.
نوارس
هزيت راسي بنعم وكضيت ايده ومشه واني امشي وياا
احس حيلي ينهد كل ما امشي خطوه اتعب بيهة اكثر بس اريد اوصلل
.
وره اشوي وكف اسد وباوعلي اني باوعتله ونداريت عله الكبر الي مقابيلي صح ما اعرف اقره بس ابوكتهة كدرت اقره اسم الي عله الكبر سمييه
واني هديت اسد ورحت ابسرعه يم كبر امي وكعت عله اركبي ابصفه وخليت اديه علي ونزلت ادموعي سره وبديت احجي وابجي واشهك احس الهوه انكطع عني
.
.
نوارس؛ (ابجيي وعياط) يييممههه لييشش ياا يمهه لييش عفتييني هييج ليش اأنتيي گللتي ماا اعووفج ليش عفتييني
.
وخليت راسي عله الكبر نمت عليه وامس وابجي وأكول
.
نوارس؛ (أبجي) والله بعدني مشابعه منجج والله مشابعهه اشلوون اتهددييني أشلوون مصاار اهواي من شففتج اشلوون ترحيين مشاابعه من سوالفج مشاابعه من حنيتجج ياا يممهه أشلوون هنت هيج علييج
.
.
ورفعت راسي وكمت اضرب حيلل ابوجهيي وابجي واعيط
.
.
أسد
شفت نوارس كامت تلطم عله وجهة انقهرت عليهة ورحت كعدت يمهة وكضيت اديهة وهدي بيهة
.
.
اسد؛ أهددي سروحي أهددي شسوي بعد قضاء الله وقدره
نوارس (أبجي وعياط)؛ ماا اكدرر والله ما اكددرر صعبه علييه والله صعبه أشلون اهدء وأميي جوهه لترااب أشلوون
أسد؛ شو كوميي شو
.
.
نوارس
چلبت ابكبر امي وكمت اعيط
.
نوارس(ابجي وعياط)؛ لااا لااا اتبعدنيي عنهة لااا
اسد؛ تعبتي كاافي
.
.
نوارس
كضيت ايد اسد وكوله واني وابچي
نوارس؛ ابووس ايدك خليني يم امي أبووس ايدك والله ما اكدر اهدهة فدووه اسدد عوفني
أسد؛ حبيبتي شو بس اروح انغسل ونرجع
نوارس؛ (ابچي) زين بس احاجيهة اشوي وروح
اسد:ماشي انتضر
.
.
نوارس
انداريت عله الكبر ومسحته وكلت واني وابجي
.
نوارس؛ (أبجي) يمه حبيبتيي يروحيي أروحلج فدوه انيي بس لازم اروح بس ماا اكطع منج والله ما اكطعع يروحيي انتي
.
.
اسد
كمت جبت الماي ورد فتحت القارورات غسلت الگبر وگعدت يم نوارس اعرف بيهة متعرف سوره الفاتحه فگتلهة
.
أسد؛ حبيبتي رفعي اديج اشلون ليكول تدعين
نوارس؛ ماشي
أسد؛ وخلي كلل تركيزج يمي وانتباهج وره ما اخلص اتمسحين وجهج ماشي عمري
نوارس؛ ماشي
.
.
اسد
ياوعت عله نوارس اشلون رافعه اديهة وغمضت اعيونهة واني هم رفعت ادي وقريت سوره الفاتحه ابصوت عالي وخلصت ومسحنه وجهنه بأدينه اني ونوارس
وباوعت الهة اشلون تعبانه حيل ليكول صار عمرهة بالاربعين وكتلهة
.
.
أسد؛ ها حبيبي اروح
.
.
نوارس
هزيت راسي بمعنه نعم واسد كام ونكت الدشداشه مالته وطاني ايده واني كاودته وكمت ومشه اسد واني ويا
رجعنه للسياره ركبنه سيف كال
.
سيف؛ خلص لغروب وانتو ماكو
اسد؛ اووو ما منتبهين والله لو جاي الليل هم جان منتبهنه
سيف؛ عادي هسه حلوه الزياره اتخبل بالليل
اسد؛ هم صح ماكو ازدحام يله اتحرك
.
.
نوارس
اني صافنهربس عله الدرب بس حسيت اكو شي بيه ادغير احس روحي هسه مرتاحه من شفت قبر امي
رحنه للأمام علي (عليه السلام) طبعن اني ابد مزايرته اول مره هاي شفته من ابعيد بالسياره وطبك السياره نزلنه من السياره
انداريت عله اسد اول مره هيج انتبهلة من اول مرجع هوه يضحك ويه سيف وبس اشوارب عده وملامحه اتخبل وطول والدشداشه اتجنن عليه حمدت ربي بنفس الوكت لان مطيني عوضي بهاي الدنيه الي مصبرني عله كل المشاكل
.
ومصحاني شي من تفكيري غير اسد ماد ايده ويكول
.
.
اسد؛ يله حيلي كضي ايدي خلي نمشي
.
نوارس
ابتسمت وكدت ايده ومشينه اني ويا وسيف يمشي ورانه وصلنه للتفتيش واسد اندار عليه وكال
.
.
اسد؛ ادخلي للتفتيش راح انتضرج من الجهة اللاخ ماشي
نوارس؛ ماشي عمري
.
.
اسد
راحت نوارس وابتسمت ويه روحي لان كالتلي عمري حسيت نوارس ابخير
ورحت اني وسيف للتفتيش وطلعنه وكفت كدام تفتيش النساء وماكو نوارس
.
.
سيف؛ وين البت بس لا تيهت
اسد؛ فال الله ولا فالك هسه تجي
.
وره اشوي اجت نوارس طلعت كبل رحت اله وكضيت ايدهة وكتلهة
.
اسد؛ تاخرتي
نوارس؛ ازدحام مو
اسد؛ ماشي حبيبي
.
.
نوارس
جاي نمشي بتجاه الأمام وهوه كدامنه اني اباوعله ومجلبه بأسد وسالت اسد
.
.
نوارس؛ اسد
اسد؛ عيونه
نوارس؛ عادي سؤال غريب اشوي
اسد؛ كولي حبيبتي
نوارس؛ هاذ يا امام
اسد؛ حبيبتي هاذ الأمام علي (عليه السلام) اذا سامعه بي
نوارس؛ ايي اي سامعه واعرفه ابو الامام الحسين (عليه السلام) والامام العباس (عليه السلام) صح
اسد؛ عفيه عليج صح
.
.
.
نوارس
ابتسمت وخلصنه مشي وصلنه للأمام اسد وكف بقه ايباوع وسيف اجه كاله
.
سيف؛ شنو ما ازور
اسد؛ ما اكدر اخلي نوارس ابروحه
نوارس؛ ليش ما ادخل اني
اسد؛ لا حبيبتي اتيهين لان ازدحام وهوسه والمكان اجبير مدكدرين وحدج
سيف؛ عادس زور واني ابقه وياهة واخيتي نوارس منا اسلم وتدعي لان الجاي ابنيه صافيه لو ابعد من هيج الامام ايشوفه ويسمعه ولمو عله نيته لو يكسر شباج الضريح ما يستجابله
اسد؛ صح لسانك خويه
نوارس؛ هم صح اني راح ابقه اهنا
اسد؛ روح خويه زور واني وراك راح نكعد اهناك
سيف؛ ماشي ربع ساعه يمك
.
.
اسد
راح سيف واني خذيت نوارس ورحنه كعدت نوارس نزعت الحذاء وكعدت اشوي بعيد عني واني كبل كمت كعدت ابصفهة افر بالسبحه وكتلهة
.
.
اسد؛ ليش كعدتي بعيد عني
نوارس؛ امم هييج
اسد؛ بعد لا تبتعدين عني
نوارس؛ ماشيي
اسد؛ يبعد اچبيدي
.
.
نوارس
باوعت للأمام كدامي صاير وادعي ابكلبي كون ميحرمني ابد من اسد ويخلي سندي للموت مالي غيره بعد ربي
واسد حجه وهوه ايباوعلي ورافع ايده البيهة كاض السبحه للامام
.
.
اسد؛ اريد من الامام كون ما يبعدنه عن بعض للموت كون انتي ادفنيني
نوارس؛ اسم الله عليك يا روحي لا تحجي هيج
.
.
وره اشوي اجه سيف واسد كبل كام وكالي ما يتاخر وراح ايزور وسيف اتصل وكام ايخابر واني اباوع عله الناس اول مره ادخل بهيج جو احله جو داخلته بحياتي جو ايحسس الشخص بالطمأنينه
.
اجه الليل صارت بثمانيه وره اشوي اجه اسد وباوعلي كالي
.
.
اسد؛ يله عيني نوروسه كومي خلي اروح نتعشه ونتوكل متت جوع لان
سيف؛ اي والله من البارحه مماكلين شي تره
.
.
نوارس
كمت اني لبست الحذاء اني واكفه ودنكت حته اسوي القيطان جان فزيت عله اسد
.
.
اسد؛ لاا لاا عمري لا مو هييج
نوارس؛ اشبيك اسد شكوو
اسد؛ اوكفي عمري ميصير ادنكين كدام الوادم يا عيني
.
.
نوارس
وجان اسد ايدنك ويريد ايسوي قيطان حذائي كبل وخرت رجلي وكتله
.
.
نوارس؛ لا اسد عليك الله لا هسه اكعد وسويهن
اسد؛ جيبي رجللج جاي اكول لا اضوجيني
.
.
نوارس
ما قبلت بس شسوي قدمت رجلي وهوه سوه قيطان ربطهن الي ورده احس الدنيه كلهة اتباوعله وسيف يضحك ويكول
.
.
سيف؛ خويه سيف انته الي بي ام عباس عجزت اسوي لاي شخص ههههههه
اسد؛ تستاهل بنيتي نوارس
.
.
.
نوارس
كام اسد وكاد ايدي ومشينه وكتله
.
.
نوارس؛ ليش هيج سويت
اسد؛ انتي من يوم العرفتج تحملتي كووم علمودي ولا عفتيني مع العلم كل المشاكل الوكعتي بيهن ابسببي لان كلهة جانت اتريد توصلي عن طريقج تردين هاي الشغله التافهة اعزهة عليج لا تستاهلين انتي
نوارس؛ وانته هم تستاهل اصبر وساك
اسد؛ (بأبتسامه) يا بعد حيليي
.
.
.
نوارس
رحنه لمطعم كعدنه بي سالني اسد شاكل كتله ما اعرف ابكيفك وهوه طلب كوم امور وانتضرناهم اسد كاعد كدامي وسيف ابصفه وره اشوي جابو الاكل اسد كال
.
.
اسد؛ حبيبتي مو تستحين عود من سيف اعتبري نفس اختچ لچبيره
سيف؛ عله بختك اسد اختهة
اسد؛عادي ما تفرق
سيف؛ هوه اصلن مو مال مستحه طاكنه الجوع وعلي تره اكلو ابسرعه هم يله تلحكون عليه
.
.
.
نوارس
ضحكت عله كلامهم ايخبل شقاهم وكلينه وخلصنه اسد دفع لحساب وطلعنه رجعنه للسياره ركبنه وسيف الي ايسوق
طبعن اني بس حركو السياره وره عشر دقايق نمت محسيت ابروحي بعد
.
.
اسد وره ساعه من طلعتنه جاي نحجي اني وسيف ولتفتت عله نوارس نايمه خطيه تعبت كلش خاصه اليوم وجان مصحاني من صفنتي غير سيف ايكول
.
.
سيف؛ يله لا تصفن عاد انته الراح اتعوضهة عله كلشي
اسد؛ وشمدريك افكر بنوارس
سيف؛ شفتك انداريت عليهة وصفنت انوب اكيد اتفكر بيهة
اسد؛ انشالله
.
.
وصلنه للبيت انداريت عله نوارس لكيته كاعده هيه ونزلنه للبيت
.
.
نوارس
اول مرجعت ذبيت العبايه والربطه خذيت ملابسي ورحت طبيت سبحت لان احس روحي تعبت كللش
.
.
.
الكاتبه؛ ضحى الطائي