اوجاع طير النوارس

البارت 5

.
.
نوارس
وكف السياره كدام المخفر واني شفته وخفت وقبل لا ينزل واحد كلت ابخوف
.
نوارس:(بخوف)اشوو رجعنه اهناا ليش شوعدتني انته
واباوع اله بالمرايه مالت السياره
.
اسد:(بعصبيه )اشبيج اصبريي قابل هيج اطلعج غيرر اخذ اذن من الرأيس
مصطفى: لتعصب خويه بس هيه متعرف هيج
اسد: اللهم طولج يا روح وياهة اشلون راح تكضي
.
نوارس
اتعجبت هاذ اشبي كبل كمز عليه وعيط ونزلنه هذاك الولد راح وكف يم الشرطه واني وهاذ رحنه دخلنه جوه للمخفر ودخلنه لغرفه الرأيس
.
اسد: السلام عليكم سيدي
الرأيس: وعليكم هلا باسد تفضل
.
اسد
ودخلت للغرفه واني كاض بزند نوارس وكفنه اكبال الرأيس وتيهته وكلت
.
اسد: سيدي اريد اخذ اذن لخروج نوارس
الرأيس: وليش؟؟
اسد: اريد احقق بموضوعهة سيدي
الرأيس: ونشاء الله اجيب نتيجه بتحققك
اسد: انشاء الله
الرأيس: بس كلشي ايصير عليهة عليك تنحسب انهزمت باكت انكتلت كله عليك وتتحاسب عليه
اسد: حاضر سيدي
الرأيس: اي بس وقع عله تولي امر بملفهة
.
نوارس
همه يحجون واني مخنوسه ابمكاني وبس المض بعيوني وهمزين عرفت هاذ اسمه اسد ما شاء الله صدك اسد هيبه وجمال😅
وقع هاذ الاسمه اسد واخذ تحيه للرأيس ورجع كضاني من زندي بقوه وجرني وطلعنه وبدون اي كلمه رجعنه طلعنه رحنه للسياره
.
اسد
بس طلعت من مكتب الرأيس واني كاض زند نوارس بقوه وبالي مشغول بس افكر
اشلون راح ابدي وشلون الكي اهلهة وشلون اكعد ابنيه شابه يممي واني وحدي ابيت بس هيه حيل اصغيره ليكول بتي فاني راح اربيهة واحاسبهة عله كل غلط
وطاعت واني اجر بيهة للسياره فتحت الباب مال سياره البصدر وهيه جرت ايدهة من ابقوه وكالت
.
نوارس: اهناا راح اكعد
اسد: لعد ويين بالجنطه
نوارس: مو هيج قصدي بس حسبالي وره
.
اسد
كضيت لحيتي مسحتهة من عصبيتي وكتاهة
اسد:(بعصبيه)انتي شتمضرطبن شوو صعديي يللله
.
نوارس
احس كلبي وكف من شفته عصب وعكد حواجبه عليه كلت هسه راح يضربني
وصعدت ركبت بالسياره واني كاعده بالصدر وهوه اجه كعد ابمكانه وحرك السياره بس طول الدرب اني من خوفي لازكه اباب السياره ومتحركت اشوي
.
اسد
درت وجهي عليهة شفتهة خايفه ولازكه اباب السياره وكتلهة بعصبيه
اسد: اشبييج راح اكلج
نوارس: لا ما بيه شي ولا خايفه
اسد: لعد اكعدي عدلل
نوارس: لا مرتاحه هيج
.
اسد
عضيت شفتي الجوه واني عاكد حواجبي وضايج ومسحت لحيتي بايدي و كضيتهة من زندهة ابقوه وسحبتهة عليه بكل قوتي بحيث انجرت وصارت عليه واديهة عله رجليهة وشعرهة صار عليه
.
نوارس
صرت عليه لو احس راح انفجر من خجلي وخوفيي منه كبل وخرت منه وهوه مجلب بايدي واصيح
.
نوارس: عووفنيي وخرر مني
اسد: راح ادكعدين يمي فخليج طبيعيه لا ابتلي بيج
نوارس: ايي والله بس تيهني
.
اسد
وهيه حيل قريبه عله وجهي واني عاكد حواجبي وعيوني عله وجهة وشلون خايفه وجهة صاير خريطه ابسبب الكدمات وتيهتهة وهيه وخرت عني واني رجعت عيني عله الدرب وعفتهة
.
نوارس
وصلنه للبيت واني ميته خوف اكول هسه عائلته راح تنصدم بيه وشلون راح يتعاملون ويايه راح ايحبوني لو لا
وصلنه ونزل اسد واني نزلت رفعت راسي ومتعجبه
شنو هاذ بيت لو قصر اشكده وشكد حلوو بقيت اباوع وفاتحه اعيوني وحلكي من المنضر وما احس اله كضاني من زندي وجرني
.
نوارس: عله كيفك تره اكدر امشي وحدي
اسد: اكلي خره وسكتي
.
نوارس
سكتت وغميته من وره ضهره بدون ميدري فتح الباب بالمفتاح ودخلنه ما شاء الله الحديقه شكبرهة وشنو الجمال البيهة واني اسال نفسي بنفسي
شنو اني اجيت لجنه اول مره هيج اشوف 😅💔
وفتح الباب بالقفل مال بيت واني اتعجبت شنو واهله جان قافل عليهم
ودخل وكال
.
اسد: ادخلي وامشي وراي
نوارس: حاضر
وهوه ييمشي واني ورا واباوع عله البيت شكبرره وشكد حلوو ساكته وفاتحه اعيوني وحلكي واباوع انتبهت الاسد اندار عليه سوت نفسي طبيعيه وكال
.
اسد: هاذ البيت الي راح اتعيشين بي بعد
نوارس:(بتعجب)وحدنه؟؟
اسد: لا هسه راح اصيح جوارينه يجون يمنه اكييد وحدنه
نوارس: اي مكلت شي
اسد: تكدرين تاخذين راحتج بي ايشي سووي الي يعجبج البيت ابكامله كدامج حلال عليج بس شي واحد
نوارس: شنوو؟؟
اسد: اذا عبرتي هااي العتبه اكسر رجليج مفهووم
احجي واني مأشر عله الباب مال خروج مال بيت
.
نوارس: حااضر
اسد: اياني وياج اطلعيين وخاف اني بالشغل ودكولين ميدري الحديقه متروسه كامرات والله اشوفج طالعه احش رجلينج حشش
نوارس: لا والله ما اطلع
اسد: تعالي خلي اخذج لغرفتج
.
نوارس
مشه واني ورا وعوه صعد للطابق الثاني واني ورا شنو من درج بالبيت اشو حته البايات يشتعلن ضوه اضويه بيهن ايجنن صعدنه للطابق الثاني ليكول بيت كاملل بي مو طابق بس غرف
ومشينه وفتح باب غرفه ودخل قبلي واني دخلت ورا وعيوني حايره وين اتروح وششوف اشو كلشي ايخبل يعجبني بس ابقه اباوع والغرفه اكبيره كلش والسرير كبير والكنتور جام ايجنن وهوه كال
.
اسد: بالج يمي
نوارس: ايي ايي يمك
اسد: هاي غرفتج تكدرين تاخذين راحتج بيهة وبيهة حمام داخلي تكدرين اسبحين
نوارس: اييي واخيرن صار اشكد مسابحه
اسد: ايي وايشي تحتاجين غرفتي مقابيل غرفتج ضبط
نوارس: هاا والله
اسد: ايي ايشي ايصيرلج اني قريب وايشي اسوين بدون علمي هم اني قريب ديري بالج
نوارس: اوكيي
اسد: يله رايح بعد
.
نوارس
راح اسد وسد الباب ورا واني كبل التفتت عله الغرفه واباوع عليهة ومتعجبه وفرحانه وكبل رحت ركض وطفرت عله السرير ونمطلت كول
.
نوارس: يااا الله اشكد مرييح اني كضيت عمري انام عله الكااع يا ربي لو انحبس بس بهاي لغرفه للموت هم ما عدي مانع معقوله جاي احلم يمكن صدك جاي احلم ما اريد اكعد اذا حلمم
.
نوارس
كمت من السرير وكفت كدام الكناتير عله طولهن مرايه عباره عن مرايات اباوع عله طوليي بيهن وكول
.
نوارس: هااي شنو اول مره اشوف هيج طولي
.
بقيت فرحانه متوقعت ابعمري راح اعيش بهيج بيت اتوقعت اموت بالفكر واني بذاك البيت الطين
نوارس: خليي اسبح ورتاح احسن
.
فتحت الكنتور ما بي ولا ثوب واحد عقجت وجهي وحرت شلبس اذا اسبح خاس عليه هاذ اللبس اذكرت جنطتي بقت بالمخفر ورحت لاسد اكله ايجيبلي اياهة من ايروح ورحت طلعت غرفته مقابيل غرفتي دكيت الباب وفتح الباب واني اباوع عليه وحس الساني انشد مدري اشبيه
.
اسد: شكوو
نوارس: لا ما مااكو شي بس...
اسد: بس شنوو
نوارس: اريد اسبح وملابسي بجنطتي الي بقت بالمخفر فتكد اجيبهة من تروح
اسد: هاي الجنطه مال شرطه جنهة
.
نوارس
خجلت من هيج كال ودنكت راسي وكلت
نوارس: ايي هيه
اسد: ذبوهة
نوارس: (واني فاتحه اعيوني)هااا والله جا هسه شلبس
اسد: ثواني
.
نوارس
هيج كال ودار وجهة وراح واني اتعجبت شيريد ايسوي واباوع عله غرفته بعد اضرب من غرفتي اجنن ومنتبهت حته عله اسد شسوه وشجاب فجأه شفته واكف اكبالي وكاض ملابس
.
نوارس:(بتعجب)شنوو هاي؟؟
اسد: هاي ملابس اصغار عليه كلش فانتي لبسيهن
وشمرتهن عليهة
نوارس: بس اكبار عليه
اسد: لا راح ايصيرن عليج لان اصغار عليه ولتخافين ايدفنج
نوارس: شكرا
.
وهوه كبل سد الباب ابجهي واني متعجبه واباوع للملابس
بس كلت يله عادي اهم شي صار عدي ملابس ورحت دخلت سبحت وخلصت ولبست الملابس وشم عطر بيهن قوي رجالي وطلعت من الحمام وكفت كبال مره الكنتور اباوع عله روحي اشوف البدي واصل لركبي وعريض حييل وردانات اشطولهن  والبجامه عريضه كلش وكبيره كفيته من جوه ودك الباب
.
نوارس: ادخل
وفتح الباب ودخل
.
.
اسد
واني كاعد بغرفتي وجاي اخلص بشغلي اجاني اتصال شفته من مصطفى
.
اسد: الووو
مصطفى: خويه اسد تكدر تجي للمخفر
اسد: ليش اشصاير
مصطفى: بس تعال ابسرعه وافهمك
.
اسد
وكبل سد الخط واني طفرت من محاني كبل خذيت لسويج ورحت وصلت للدرج ردت انزل وروح وذكرت نوارس ورجعت دكيت باب الغرفه ميصير هيج اجفت وكالت
.
نوارس: ادخل
.
ودخلت وياريتني ما دخلت منضرهة ايموت ضحك وهيه لابسه ملابسي ضايعه بيهن بقيت اباوع عله طولهة وساكت وهيه تعجبت لان بس اباوع عليهة حصرت ضحكتي كوه ما اريد اضحك ابجهة وكتاهة
.
اسد: اني راح اروح للشغل وما ارجع لليل
نوارس: وابقه وحدي
اسد: (بعصبيه)٣اشهر بقيتي وحدج وبخرابه ابنص ناس عرب وما خفتي هسه تخافين
نوارس: لا مخايفه بس هيج كلت
اسد: اذا الباب دك لتفتحي لوو يتفلش هم متفتحي مفهووم
نوارس: حاضر
اسد: ولطلعين عتبه الباب رجليج اكسرهن
نوارس: حاضر
اسد: يله رايح
.
وعفتهة ورحت بس مشيت من غرفتهة ضحكت ابهدوأ عله منضرهة ورحت
.
.
نوارس
راح واني مشطت شعري ولميته طوبه عاليه واجيت اتقربت عله الميز واباوع عله المجرات وفتحت واحد منهن الاول لكيت صوره ابنيه شابه بي شلتهة واباوعلهة وكلت
.
نوارس: اكيد هاي حبيبته ايي حبيبته قابل منوو
ورجعتهة لمكانهة وفكرت كلت
.
نوارس: خلي استكشف البيت اشوي
.
طلعت افتريت بكل زاويه بي وهوه حيل اكبير ما شاء الله والمطبخ يعجب الواحد بس يكعد بي وله الستقبال التخم ملكي وهيه حييل اكبيره وطبلات ابنصهة كزاز ايجنن
بقيت افتر بالبيت وكلساع اكعد ابمكان بس شنو البيت قطعه اتراب
.
.
اسد
خلصت شغلي طلعت صايره اطلابه بين مصطفى واحد من الشرطه مجذبين مصطفى واجيت اشهدله
رجعت الوقت متاخر كلش تقريبن بال١١ بالليل دخلت السياره للطرمه وقفلت باب الخارجي ورحت فتحت باب البيت ودخلت رحت للمطبخ اريد اكلي شغله بس كلت
.
اسد: خلي اروح ابدل وارجع اكل احسن
.
ورحت صعدت وردت ادخل للغرفه وكفت انداريت عله غرفه نوارس وحته ناسي اني جايبهة يمي حسبالي نايمه فبسرعه اجيت وفتحت الباب وشفتهة كاعده ابنص السرير ومدنكه راسهة مدري شسوي وهيه كبل رفعت راسهة خايفه وتباوعلي وكالت
.
نوارس: اشوكت اجيت؟
اسد: هستوني
ودخلت للغرفه ورحت كعدت عله السرير اكبالهة وعيني عله الجاي اسوي طلعت ترسم وشلت الرسمه واباوعلهة وشفت راسمه عجوز كلش حلو رسمهة اشلون مسويه تفاصيل الوجه والتضليل وكتلهة
.
اسد: تعرفين ترسمين طلعتي
نوارس: اي عجبك
اسد: اي بس منين جبتي ورقه وقلم
نوارس: لكيتهة بالمجر ورقتين وقلم
اسد: هاا كلش حلو عاشت ايدج بس تعرفين اطبخين زين نفس متعرفين ترسمين زين
نوارس: اطبخ الي يعجبك
اسد: هاا والله
نوارس: ايي تحب اسويلك شي تاكله
اسد: اي اذا تكدرين
نوارس: تدلل
اسد: يله تعالي لعد خلي ننزل
.
.
نوارس
كام اسد وراح واني امشي ورا نزلنه رحنه للمطبخ وهوه كعد عله الكرسي يم الميز واني وكفت اكباله وكلت
.
نوارس: شتحب اسويلك
اسد: اريد طماطه وبيض وياهن بصل اذا تعرفين
نوارس: ايي اعرف بس اشكم بيضه اخليلك اشكد انته اتحب تاكل
اسد: اني اكل اهوواي فحسبي حساب ٣نفرات
نوارس:(بتعجب)تلاثه ليش منو بعد
اسد: اني نفرين وانتي نفر تلاثه
نوارس: لا اني ما اشتهي
اسد: انجبي ولجذبين صار يومين ما ماكله شي واكثر هم وله اكلج سوي مال اربع نفرات
نوارس: ههه حاضر
وطلعت طماطه وبديت اثرم
.
.
اسد
طلعت باكيت الجكاير وبديت ادخن واني اعيوني عله كل حركه اسويهة نوارس تمشي منا ومنا وعيوني تمشي وراهة واباوع عله شعرهة لواصل نهايه ضهرهة  ولحركات لسويهة ابجهة من تخطأ ابشي  ما شاء الله شهل جمال هاذ هنوب طالعه كلش حلوه بملابسي 😅
.
.
نوارس
اني جاي اسوي اكل وحس نفسي متقيده كوه امشي رجلي اثكال لان اسد كاعد يمي مستحيه من يمه كلش خلصت طبخ خليته بماعونين وكلعت من الثلاجه خبز وخليت ماعون كدام اسد وماعون كدامي وكعدت كباله بس عيوني منزلتهن ولا رفعتهن عليه واكل احس كوه ابلع اللكمه من المستحه
.
.
اسد
اكلت كلش طيبه امسويه بيض وطماطه احسن مني اني احركهة لو مالحه لو ناسي الملح
اكل وعيني عليهة وهيه بس امدنكه مرفعت راسهة اني صافن عله تفاصيل وجهة الخدود حمر اكبار والشفايف حمر شنو مخليه مكياج وسالتهة
.
اسد: شنو جايبه وياج مكياج؟
.
نوارس
اتعجبت عله سؤاله ورفعت راسي باوعتله وكتله
.
نوارس: لا ليش
اسد: لا بس وجهج احمر حسبالي مخليه مكياج
نوارس: (بخجل)لا ما عدي مكياج  اني
ودنكت راسي متت خجل من سالني عرفت عينه عليه بحيث مكدرت اكل بعد كلش اتقيدت اشوي وكلت
.
نوارس: شبعت بعد
اسد؛ لا مشبعتي كملي اكلج اني كايم
.
نوارس
وكام راح يعني عرف من مستحتي معرفت اكل
وباوعت عله ماعونه ماسحه مسح وكلت بيني وبين نفسي
.
نوارس: بالعافيه
.
.
يتبع..